Gboo Ɛfisɔsi Ko A 2:3 - Yataa 'a Dɔbɛnɛ Nama

³ Mmɔ wɛɛ, tima dɔndɔ a, mmɔ bɛ ni wan ben‑da mmɔ bɛ an mɔ bonda chɛ n na, mmɔ ɛ bea mmɔ faa ma koe n fɛ. Mmɔ ni mmɔ yii ma koe n fan na tachɛ, a basan mɔgbuya yama a. A chia chɛ a, tɛ bɔ nii mmɔ ma, mmɔ bɛ an na. Mmɔ ni mɔɛ n fan na, Yataa ni miin tɔɔ‑a.

Gboo Ɛfisɔsi Ko A 2:3 Iomraidhean Croise

MAKI 4:19

Chɛɛ dunya chɛ ɔ faagbaa, a basan faagbaa a si an mbe ma buɛ min dɔ an ni nyan, a basan faagbaa tɔɛ gbɛɛ a, an mbe sakana bai chɛ kɔ din fan, fanka ee ma to a a an tena.

CHƆN 1:13

An ma ma ni Yataa 'a denɛ n na mɔgbuya ta chia an na. Yataa wandi an‑na a ma, an ma‑a a 'a denɛ n na.

CHƆN 8:44

Sitana wandi gbu, an mu wo fa a. A sin, wo e bea tena koe chɛ n fan fɛ, wo fa toen mu miin na. Suun gba wɛ, mɔ fa mɔɛ mu a a, a sin tima ee a boo ɔ tea ko a. Koe min na mu, tea ma bɔ nin bɛ a da ɔ tee dɔndɔɛ wɛɛ. Ni a ma‑a fania fɔ‑a tima ɔ tima, ɛ ma ka dɔn‑da a tɔɛ gbu an ma. Koe min na mu, fania fɔ mɔ dechee ma a a, chɛɛ fania fa mu a a.

CHISƆSI 'A SƆ MƆƐ NU 14:16

Suun tima a, a nii mɔ ɔ mɔ a gban, ta koe a a ta chia a.

GBOO DOMI KO A 1:24

Chɛ an fɛ mu, Yataa‑a an to an fandi boo ɔ, ko yama chɛ nu, miin na di an ye, an ni an ma. An sin, an mbe maumaya koe tɛ wan an nyɔn na.

GBOO DOMI KO A 11:30

Wo nan sin, wo wɛn ma Chu mɔ a, wo na‑a Yataa da a kuiɛ yɔn fan tee. Chɛɛ Chu mɔɛ n‑na Yataa da a kuiɛ min yɔn, an mbe a ma tena ka gbɛ, a wan Yataa ɛ chinchin‑da wo ma.

GBOO DOMI KO A 13:14

Chɛɛ wo e min ma, wo to mmɔ 'a mansa Chisɔsi Chasi kɔ, a ni butuinɛ chɛ wo ko a. Wo sɛmbɛ wo yiima a ta koe a wo faa ma koe yama chɛ n tena, bea koe a an fɛ.

GBOO DOMI KO A 2:14

Mɔɛ miin ma Chu mɔɛ n na, sawa chɛ nii an boo ɔ. Chɛɛ tima ɔ tima ko a, ni an‑na koe chɛ n ma an kun ma a a, miin nyin an ma koe a sawa chɛ ta fɛ chia a, a nyin an ko a. An‑na a ɔ yian fan ka, mbɛ Mosisi nii ma sawa chɛ a ben nin bɛɛ an tena, chɛɛ an‑na ko chɛndɛ tɛ bɔɛ sɔn fan ko yama a.

GBOO DOMI KO A 5:10

Mmɔ ni Yataa chɛɛ ma nyɔɛ n fan na, chɛɛ a 'a denɛ Chisɔsi 'a saya‑a a ma, a‑a mmɔ ma gbɛ a dia nyɔɛ n na. Mmɔ ma‑a ka gbɛ buɛ min dɔ sanche Yataa dia nyɔɛ n na, bauncha ɛ gbɛ mmɔ wan ko a, koe min na mu, Chasi ɛ fɔɛ ɔ.

GBOO DOMI KO A 5:9

A wii min sin bɔn‑da, an‑na mmɔ ya sanche gbɛ mɔ tandenɛ n na Yataa chen kɔɔ. Ni Chasi ɛ kun fan a ni chɛ ma mmɔ ko a, mmɔ ni dan a a, mbɛ ɛ mmɔ kun bɔ‑a wan Yataa 'a faatɛ ɔ.

GBOO DOMI KO A 6:12

Wo ma dɔn to, ko yama ni gbasaya sɔn wo kun ma wo 'a mɔgbuya ɔ, min mbe danka dunya ma. Mɔgbuya chɛ ɔ, wo ma bea wo faa ma koe yama n fɛ.

GBOO DOMI KO A 7:18

N‑na a ɔ sɔn fan, mbɛ mɔgbuya chɛ ɔ min ma nyin, ko chɛndɛ ma koe gbasaya, a ee n faa ɔ. Koe min na mu, n toen mu bɛɛ boo ɔ boo n ni ko chɛndɛ ma, chɛɛ n mbe ee che a ma‑a.

GBOO DOMI KO A 9:22

Yataa‑a koe min ma, a wɛɛ ɛ ka wan. A toen ni a ni a ɔ yian, a faa ɛ tɛ buɛ min dɔ. A yɛ to, an ni a ɔ sɔn, a gbasayaen mu buɛ min dɔ. Chɛɛ chɛ gbɛɛ ɔ, a na‑a a faa bia wan mɔɛ chɛ n na, a ni na tena miin tɔɔya‑a, miin ma bɛndenɛ ni gbɛ kasaa koe a.

GBOO SAA KƆYINDI KO A 4:7

Wo ta mɔgbuya, a a ma sɛ ni, a ni ben mɔ ɔ mɔ ta ma ɛnden bɛɛ a. Fen kɔ fen min mbe wo boo ɔ, Yataa an‑na a be wo ma. Ni wo‑a an ma sɔn Yataa an na, tea kan kɔ kan mbe ee wo boo ɔ, yonka tɛ koe a, yɔ wo ma an ma sɔn ni an na gbama a.

GBOO FEAN BƆƐ KƆYINDI KO A 7:1

N dia nyɔɛ nu, tooɔdia chɛ n fan mbe mmɔ ko a. Chɛ ko a, mmɔ mmɔ boo a ko, a bɔ ko yama gbɛɛ ɔ. Fen kɔ fen, miin mbe a ma, mmɔ ma ɛ nyamui Yataa tena, mmɔ 'a fɔɛ gbɛɛ ɔ, mmɔ ni mmɔ boo a ko an ma. Mmɔ gbu sin, mmɔ 'a fɔɛ gbɛɛ ɔ, mmɔ ni ma tenchen Yataa ko a, a ma chianɛ ni ma mmɔ ɔ.

Gboo Kadesia Ko A 3:22

Chɛɛ Yataa 'a gboo ɔ te, dunya gbɛɛ, ɛ ko yama 'a gbasaya an kɔɔ. Chɛ ko a, Yataa na‑a tooɔdia min chɛ, ɛ a be‑a chɛ n fan ma, miin mbe an kai fa‑a Chisɔsi Chasi a.

Gboo Ɛfisɔsi Ko A 2:2

An tima chɛ a, wo ni tachɛ tena wan, wo 'a fɔɛ ɔ, wo beaenɛ ɛ dunya chɛ ɔ mɔɛ n ta chia fɛ. Nyina yama n ya ɔ sɔɛ, dunya chɛ ɔ, gbasaya ɛ min boo ɔ ben‑da banda a, wo beaen ni an fɛ. An nyina chɛ, sanche chɛ ɔ, an mbe wai chɛ tena mɔɛ n na, miin mbe ee dɔn an too ma sɔ koe a Yataa ma.

Gboo Ɛfisɔsi Ko A 4:22

Wo kan‑da wan, mbɛ wo ni wo sɔn kɔma chɛ n boo ka. Wo sɔn chɛ nu, miin beaen mu, wo tachɛ buɛ kɔma chɛ n fɛ, fɔɛ ɔ. A tima chɛ a, wo wakoe ni yɔn tena wan gbata gbata. Koe min na mu, wo toen ni ko yama n fan ma koe a, a sin, an ko yama chɛ ni wo bun tena wan.

Gboo Kɔdɔsai Ko A 1:21

A sin, tima dɔndɔ a, wo dɔ nu, wo nii kuiɛ dɔndɔ ɔ Yataa a, wo yiima nii ma nyin a ko a. Wo ni Yataa chɛɛ ma nyɔɛ n fan na, wo 'a yiinachii yama n dɔ, ni ko yama nu, wo ni miin ma.

Gboo Saa Tɛsadonika Ko A 4:13

Nn suun ma nyɔɛ nu Chasi ɔ, nn toen mu wo ni tea ɔ sɔn, a si chɛ n ma, miin na‑a an kai fa Chisɔsi a, an mbe e na to fa‑a. Chɛ ɛ a ma‑a wan, wo faa ee yɔn‑da, yɔ mɔɛ chɛ nu, yiinatɛ ee miin dɔ.

Gboo Saa Tɛsadonika Ko A 5:6

Chɛ ko a, mmɔ ma ma chinɔɛ ɔ, yɔ mɔɛ tɔɛ chɛ nu. Chɛɛ mmɔ ni ma mmɔ ya a tima ɔ tima ko a, mmɔ yiima sienɛ ɛ chidi.

1 TIMOTI 6:9

Chɛɛ miin toen mu an ni nyan, an mbe dɛ kan gbɛnɛ an dɔ, mbɛ an chɛɛ‑a Sitana 'a gbai a. An mbe ko sɛsɛ ma wan yiimatɛ ee min dɔ, a basan ko yama a. Chɛ ɛ an yɔn fan gbɔkɔɔ.

TAITƆSI 3:3

Mmɔ wandi wɛɛ, tima dɔ a mmɔ wooen ni, mmɔ nii kooya be, mɔɛ n na‑a mmɔ sɔ wan chia yama ma. Mmɔ ni yɔnɛ n fan na, mmɔ faa ma koe n dɔ, a basan dunya ma koe n na. Mmɔ na‑a tima gbɛɛ ya fɔɛ ɔ toomaya an dɔ, mɔɛ n tooenɛ ɛ mmɔ a, mmɔ wɛɛ tooenɛ ɛ mmɔ nyɔn na.

1 PITA 1:14

Wo ma yɔ den mɛsɛ nu, miin kooen mu Yataa tena. A sin, fɔɛ chɛ ɔ, wo faa ma koe n ma ben wo ma. Koe chɛ nu, wo toen ni miin na, tima min na wo nii ma sakana bai chɛndɛ chɛ a min nin bɛ, a si Chisɔsi Chasi ma.

2 PITA 2:14

An mbe ee musu ma fɛn gbama a, ni an ma an yii na chii ni ta koe ma a sofa a. An faa ee chima ko yama ma koe a. An mbe a ma wan mɔɛ chɛ n ni chɛɛ gbai a, mɔɛ miin yiima ɔ dɔɔ. An‑na an fandi kan fan to koe a fen kɔ fen na, an sin mbe ma‑a danka tɔɛ n fan na.

2 PITA 2:18

An mbe bai n fɔ wan, yiimatɛ ee miin dɔ, dɔpandaya bai nu. An mbe koe yama n ma to, miin na di an gboo n ye. An mbe chɛ n ma, mɔɛ chɛ n bia koe an na, mɔɛ chɛ miin‑na a kuu sɔ an kunɛ bɔ‑a an ko yama chɛ n dɔ.

1 CHƆN 2:16

Mɔ gbu 'a yonka wa gbɛɛ, ɛ bɔ dunya chɛ ɔ wan. Mɔ gbu faa ma koe yama n bɛɛ, a basan to koe a fen fen na, mɔ gbu ya ɛ min yen. Chɛ dɔndɔ wɛɛ ma Fa Yataa faa ma ko a. Chɛ gbɛɛ, an mu dechee dunya ma koe n fan na.

1 CHƆN 2:8

Chɛɛ chɛ ni ma wɛɛ, n‑na sawa min nyɛn ka wo tena, sawa nama mu to a a. Tea gbu sin ko a, mɔ ɛ a yen fan Chisɔsi ɔ, a basan wo wɛɛ a. A mu min na, pimbi ɛ ka gbɛ ben fan na, a sin, Yataa 'a manɛ bun‑da a yian‑da.