Gboo Ɛfisɔsi Ko A 2:2 - Yataa 'a Dɔbɛnɛ Nama

² An tima chɛ a, wo ni tachɛ tena wan, wo 'a fɔɛ ɔ, wo beaenɛ ɛ dunya chɛ ɔ mɔɛ n ta chia fɛ. Nyina yama n ya ɔ sɔɛ, dunya chɛ ɔ, gbasaya ɛ min boo ɔ ben‑da banda a, wo beaen ni an fɛ. An nyina chɛ, sanche chɛ ɔ, an mbe wai chɛ tena mɔɛ n na, miin mbe ee dɔn an too ma sɔ koe a Yataa ma.

Gboo Ɛfisɔsi Ko A 2:2 Iomraidhean Croise

MATIU 11:19

Chɛɛ n fan, Mɔ Gbu 'a Denɛ, n na‑a kɛn, n mbe daunɛ chɛ wan, a yɛ to, n mbe gbɛ min fan. An‑na a fɔ wan to, an dɔ, nun namaya tɔɛ mu n na, an dɔ, kɔn gbasi kai mu to n na. An dɔ te to, n fan mu pawa kain mɔɛ n dia nyɔɛ a, a basan mɔɛ tɔɛ n na, miin mbe ee sɔ ɔ Yataa 'a chia ma. Chɛɛ mɔɛ n mbe a ɔ yen‑da wan, mbɛ Yataa 'a yiimatɛ an mu tea tea yiimatɛ a. An mbe chɛ ɔ yen‑da koe n fan ma, mɔɛ chɛ n mbe miin ma‑a, mɔɛ chɛ nu, Yataa‑a a 'a yiimatɛ chɛ be miin ma.”

MATIU 13:22

Mɔɛ dɔ n sin mbe wan nɔ yɔ wai duu gboo chɛ, chin fen kuu chɛ n bea‑a ka min ma. An mbe sakana bai chɛndɛ chɛ a min fan, chɛɛ dunya chɛ ɔ faagbaa, a basan faagbaa a si an mbe ma buɛ min dɔ an ni nyan, ɛ a ma wan fanka ee ma to Yataa 'a sakana bai chɛ a an tena.

MATIU 13:38

Sɛnɛ chɛ mu dunya chɛ an na. Chin fen suu chɛndɛ chɛ mu mɔɛ n fan na, miin mbe Yataa 'a mansaya kɔɔ. Bin chɛ n mu mɔɛ chɛ n fan na, miin mbe an nyina yama Sitana fɛ.

MAKI 4:19

Chɛɛ dunya chɛ ɔ faagbaa, a basan faagbaa a si an mbe ma buɛ min dɔ an ni nyan, a basan faagbaa tɔɛ gbɛɛ a, an mbe sakana bai chɛ kɔ din fan, fanka ee ma to a a an tena.

DUKU 16:8

“Chɛ gbakɔ, kun ti chɛ‑a wai chɛ mɔ kafaen chɛ tando wan. A nii ma a tando ni a 'a kafaya chɛ an ko a. A na‑a a tando yiinadia chɛ an ko a, a‑a min bɔ. Dunya chɛ ɔ mɔɛ n yii na di kaka tachɛ koe a an nyɔn na, a ni ben Yataa 'a mɔɛ n ma.

DUKU 22:31

Mbɛ Chisɔsi‑a a fɔ Pita ye, a ɔ, “Saimɔn, a yen ko, Yataa dɔn‑da Sitana ye, a ni wo gbɛɛ ɔ siman, yɔ sɛnɛ sa mɔɛ ɛ chin fenɛ ɔ fɛ buɛ min dɔ.

CHƆN 12:31

Tima an che‑a ka gbɛ sanche, Yataa ni kaa a tɛ dunya chɛ wakoe ma. Sanche chɛ ɔ, nyina yama min 'na mansaya ɛ dunya chɛ ɔ, a a bea tima an nɛ.

CHƆN 13:2

Chisɔsi ni gbɛ yɛɛ ma daun fenɛ an ma kɔn tena, an bɛ a fɛ denɛ n na. A tima chɛ a, Sitana chɛen fan ni gbɛ Chudasi faa ɔ, Chisɔsi ma tachɛ koe a, chɛɛ ma nyɔnɛ n ma. Chudasi chɛ ni kai Saimɔn Isikayɔti 'a denɛ an na.

CHƆN 13:27

Chudasi ɛ biidi chɛ bia‑a dechee, mbɛ Sitana bea‑a a fɛ. Mbɛ Chisɔsi ɔ a ma, a ɔ, “I 'a wai i boo ɔ, a chɛ, a a gbandia.”

CHƆN 14:30

Mmɔ ee che to chia ɔ bɔ yansama chɛ‑a mmɔ bɛ, a mu min na, nyina yama min 'na gbasaya ɛ dunya chɛ ɔ mɔɛ n kun ma, ɛ chia a. Chɛɛ gbasaya ee a boo ɔ n kun ma.

CHƆN 15:19

Ni wo ni wan an 'na kuiɛ dɔndɔya ɔ dunya chɛ ɔ, an ni wo ya wan an sima a, mbɛ wo ko a dia‑a an ye. Chɛɛ n‑na wo bɔ wan an 'na dunya ɔ, a sin‑na a ma, wo bɛ ma to an na. Chɛ an fɛ mu, an tooenɛ ɛ wo a.

CHƆN 16:11

An sin ma a ɔ sɔn, kaa chɛ a tɛ‑a buɛ min dɔ. Koe min na mu, Yataa ban‑da kaa a tɛ‑a Sitana wakoe ma, min mbe dunya chɛ kun ma.

CHƆN 7:7

Dunya chɛ ee che chia sɔn‑da too koe a wo nan na, chɛɛ n tana, a tooen fan mu n na. Koe min na mu, n ma n da a tɔn ni, a fɔ koe a mɔɛ n ye, mbɛ an chɛ chɛ wai n yau Yataa ya a.

CHƆN 8:23

Chisɔsi ɔ, “Wo tana, dunya chɛ nɛ, a ɔ mɔɛ n mu wo a. Chɛɛ n tana, n ka‑a pande wan, banda bu ɔ. Dunya chɛ ɔ mɔɛ mu wo a, chɛɛ a ɔ mɔɛ ma n nan sin na.

CHƆN 8:44

Sitana wandi gbu, an mu wo fa a. A sin, wo e bea tena koe chɛ n fan fɛ, wo fa toen mu miin na. Suun gba wɛ, mɔ fa mɔɛ mu a a, a sin tima ee a boo ɔ tea ko a. Koe min na mu, tea ma bɔ nin bɛ a da ɔ tee dɔndɔɛ wɛɛ. Ni a ma‑a fania fɔ‑a tima ɔ tima, ɛ ma ka dɔn‑da a tɔɛ gbu an ma. Koe min na mu, fania fɔ mɔ dechee ma a a, chɛɛ fania fa mu a a.

CHISƆSI 'A SƆ MƆƐ NU 19:35

Mbɛ a danka a, gboo nyɛn mɔɛ min ni an duu chɛ ɔ, a kun‑da wan mɔɛ chɛ n ma, an ma maun koe a. Mbɛ a‑a a fɔ an ye, a ɔ, “N bɔ Ɛfisɔsi mɔɛ nu, mɔ ɔ mɔ‑a a ɔ sɔn fan, mbɛ mmɔ 'a duu wa chɛ, an mbe chenɛ kun ma fɛn Atɛmisi ye, mmɔ 'a yataa tɔ bɔen ba chɛ. A yɛ to, an mbe sen chɛ wɛɛ kun ma fɛn, sen ma chianden ba chɛ, min bea‑a a ka banda bu ɔ.

CHISƆSI 'A SƆ MƆƐ NU 5:3

Mbɛ Pita‑a a fɔ a ye, a ɔ, “Ananiyasi, fen‑na a ma i dɔn‑da Sitana kun‑da i yii ma, fania fɔ koe a Yataa Nyina ye? I 'a duu gboo sɔnkɔɛ gbɛɛ ma chɛ a, i‑a dɔ nun.

GBOO DOMI KO A 12:2

Wo ma a a tun koe n ma koe a, dunya chɛ ɔ mɔɛ n mbe miin ma. Chɛɛ wo faa an dɔ, Yataa ni wo mun, mbɛ a‑a yiima nama chɛndɛ chɛndɛ be wo ma. A tima chɛ a mu, wo e kun‑da wo ni a ɔ sɔn, Yataa toen mu koe miin na. Wo ni a ɔ sɔn, koe miin nyin Yataa tena, a yɛ to, mabɔ ee miin ma, an sin mbe a faa chima wan.

GBOO SAA KƆYINDI KO A 5:10

N mbe ee chɛ fɔ tena mɔɛ n fan ko a, dunya chɛ ɔ, miin mbe waa yama ma basan. A yɛ to, an kanka, an fen ko yaen mu kaka, an mbe fenɛ n bɛɛ fai, miin ma Yataa a. Ni wo‑a a fɔ, wo ɔ, wo ee gbɛn an ma a sima wɛɛ, mbɛ fɔ ni wo ta ka‑a dunya chɛ wakoe ma gbae.

GBOO SAA KƆYINDI KO A 6:11

Wo dɔ n ni ka wan tee. Chɛɛ sanche gbɛ, wo ko‑a fo, wo 'a ko yama n boo ɔ. Wo ma‑a tenchen Yataa ko a. Yataa‑a wo ya mɔ tandenɛ n na, a chen kɔɔ, Mansa Chisɔsi Chasi 'a gbasaya ɔ, an fea Yataa Nyina a.

GBOO FEAN BƆƐ KƆYINDI KO A 4:4

An mbe ee che dan‑da Yataa bai chɛ a. Koe min na mu, an yiima ɛ tun pimbi an dɔ, Sitana boo ɔ, min 'na gbasaya ɛ dunya chɛ kun ma. A wan mbe a ma tena, an mbe ee man chɛ yen, ɛ ma man‑da an ma. Manɛ chɛ, min mbe ka sakana bai chɛndɛ chɛ ɔ, a si Chisɔsi ma. A wan Chasi chɛ, an mu Yataa bɔ nyɔɛ a.

Gboo Kadesia Ko A 1:4

Mansa Chisɔsi chɛ, an na‑a a wandi be a fa koe a, mmɔ 'a ko yama n ko a. A na‑a chɛ ma, mɔ kun ka koe an na, mmɔ 'a ko yama n boo ɔ dunya chɛ ɔ. Mmɔ Fa Yataa sin faa ma koe, Chasi na‑a an ma ka.

Gboo Ɛfisɔsi Ko A 1:21

Chasi chɛ, a 'a mansaya, a 'a gbasaya, a danka ee. A benden mu fen kɔ fen ma, dunya chɛ ɔ, a basan dunya a, min bɛɛ ɛ na tena. A benden mu nyina yama n 'na mansa n gbɛɛ ma.

Gboo Ɛfisɔsi Ko A 2:11

Chɛ an‑na a fɔ, wo wan, wo wɛn ma ka Chu mɔɛ n na, wo wo yii na chii chɛ ma. Chu mɔɛ n ni wo chee, an dɔ, Yataa sɔn bai nu, koe min na mu, wo a nii ma kamincha ni, yɔ Chu mɔɛ nu. Chɛɛ da kamincha chɛ sin, a mu dechee manda an na, mɔ gbu ɛ min na tachɛ a boo a.

Gboo Ɛfisɔsi Ko A 2:13

Wo tɛ ɔ ni yansan fan tee Yataa a. Chɛɛ sanche gbɛ, wo ma min chɛ‑a mmɔ dɔndɔɛ a Chasi a, a‑a wo ma sawan Yataa tena. Chɛ bɔ‑a a wii chɛ an dɔ, min bɔ‑a a fa tima a, mmɔ ko a.

Gboo Ɛfisɔsi Ko A 2:3

Mmɔ wɛɛ, tima dɔndɔ a, mmɔ bɛ ni wan ben‑da mmɔ bɛ an mɔ bonda chɛ n na, mmɔ ɛ bea mmɔ faa ma koe n fɛ. Mmɔ ni mmɔ yii ma koe n fan na tachɛ, a basan mɔgbuya yama a. A chia chɛ a, tɛ bɔ nii mmɔ ma, mmɔ bɛ an na. Mmɔ ni mɔɛ n fan na, Yataa ni miin tɔɔ‑a.

Gboo Ɛfisɔsi Ko A 4:17

Sanche gbɛ, n mbe chɛ an fɔ tena, n ni a kɔ din, Mansa Chisɔsi 'a gbasaya ɔ. Wo ma ma, yɔ mɔɛ chɛ nu, miin ma Yataa sɔn, an mbe koe n ma buɛ min dɔ. An mbe an yii na chii buɛ min dɔ, wooya wa an mbe a ɔ.

Gboo Ɛfisɔsi Ko A 4:22

Wo kan‑da wan, mbɛ wo ni wo sɔn kɔma chɛ n boo ka. Wo sɔn chɛ nu, miin beaen mu, wo tachɛ buɛ kɔma chɛ n fɛ, fɔɛ ɔ. A tima chɛ a, wo wakoe ni yɔn tena wan gbata gbata. Koe min na mu, wo toen ni ko yama n fan ma koe a, a sin, an ko yama chɛ ni wo bun tena wan.

Gboo Ɛfisɔsi Ko A 5:6

Koe chɛ nu, an fan mbe a ma, Yataa ɛ faatɛ a bɔ mɔɛ chɛ n ma, miin mbe ee a kuiɛ ma. Mɔ ɔ mɔ kan kɔ kan, a ma daɔdia bai gbama n fɔ wo ye, wo bun koe a.

Gboo Ɛfisɔsi Ko A 5:8

Koe min na mu, wo ni wan tee pimbi ɔ, chɛɛ sanche gbɛ wo e wan manɛ kɔɔ. Koe min na mu, wo ma‑a mɔ dɔndɔɛ a Mansa Chisɔsi a. A nyin wo tachɛ buɛ ni bɔ mɔɛ n na, miin mbe manɛ kɔɔ.

Gboo Ɛfisɔsi Ko A 6:12

Koe min na mu, mmɔ ee butuinɛ chɛ tena mmɔ fian mɔ gbu n fan na, chɛɛ mmɔ ɛ a chɛ tena nyina yama n fan na. An fan mu ya ɔ sɔɛ n na, gbasaya ɛ miin boo ɔ kaina nu, banda a. A sin, an pimbi bundenɛ ɛ dunya chɛ kun ma.

Gboo Kɔdɔsai Ko A 1:21

A sin, tima dɔndɔ a, wo dɔ nu, wo nii kuiɛ dɔndɔ ɔ Yataa a, wo yiima nii ma nyin a ko a. Wo ni Yataa chɛɛ ma nyɔɛ n fan na, wo 'a yiinachii yama n dɔ, ni ko yama nu, wo ni miin ma.

2 TIMOTI 4:10

Demasi tana, a ka‑a n fɛ dunya chɛ ko a, a ta‑a Tɛsadonika duu ɔ. Kesensi ta‑a Kadesia chɛnyɛ ɔ, mbɛ Taitɔsi sin ta‑a Damatia chɛnyɛ ɔ.

CHIMISI 1:27

Mmɔ ɛ basan fan chiandenɛ n ma, an bɛ fuinya n na, ni an deman koe bɔ‑a. Mmɔ sin mbe ee a ma, dunya chɛ ɔ ko yama ma ni mmɔ wɛɛ ɔ chɛ. Chɛ an mu fɔɛ chɛndɛ a, mmɔ Fa Yataa toen mu min na, ma bɔ ee min ma.

CHIMISI 1:7

Mɔɛ n fan nɛ, miin mbe ee an yiima ɔ bɛn, a maenɛ ɛ taka taka. Mɔɛ chɛ n sima nu, a ni ma an yii ma, mbɛ Mansa Yataa ee fen kɔ fen be‑a an ma.

CHIMISI 4:4

Wo ma danaya ni gba Yataa tena. Wo gbu‑a a ɔ sɔn fan, mbɛ ni dunya chɛ ko a dia‑a wo ye, mbɛ Yataa ɛ ma‑a wan wo chɛɛ ma nyɔɛ a. Chɛ an‑na a fɔ, ni dunya chɛ ma‑a mɔ ɔ mɔ koadia nyɔɛ a, Yataa ma‑a a mɔɛ chɛ chɛɛ ma nyɔɛ a.

1 PITA 1:14

Wo ma yɔ den mɛsɛ nu, miin kooen mu Yataa tena. A sin, fɔɛ chɛ ɔ, wo faa ma koe n ma ben wo ma. Koe chɛ nu, wo toen ni miin na, tima min na wo nii ma sakana bai chɛndɛ chɛ a min nin bɛ, a si Chisɔsi Chasi ma.

1 PITA 4:3

A saa a, wo‑a koe chɛ n ma kaka, miin ma koe a ni di gbeden mɔɛ chɛ n ye, miin ma Yataa sɔn. Wo 'a fɔɛ gbɛɛ ni yau kaka. Wo ni gbɛ wa min fan. Wo e dunya ma koe ma to fiti fata. Wo ni mauma koe n sɛsɛ ma wan to. A yɛ to, wo ni fenɛ n fai wan, wo e an ya Yataa a.

2 PITA 2:14

An mbe ee musu ma fɛn gbama a, ni an ma an yii na chii ni ta koe ma a sofa a. An faa ee chima ko yama ma koe a. An mbe a ma wan mɔɛ chɛ n ni chɛɛ gbai a, mɔɛ miin yiima ɔ dɔɔ. An‑na an fandi kan fan to koe a fen kɔ fen na, an sin mbe ma‑a danka tɔɛ n fan na.

1 CHƆN 3:10

Yataa 'a denɛ nu, ni Sitana 'a denɛ nu, mmɔ ɛ na tena an tɛ bɔɛ sɔn‑da ka wan. Mɔɛ min mbe ee tan‑da, Yataa 'a den ma a mɔɛ chɛ a, n mbe ee baa mɔɛ chɛ ma, min ma to ni a suun ma nyɔɛ a.

1 CHƆN 3:8

Sitana ɛ wan ko yama ma‑a tun, a ka dunya kuu sɔ tima ma. Chɛ an fɛ mu, mɔɛ chɛ min mbe a boo a chii‑a ko yama ma, Sitana 'a mɔɛ mu. Yataa 'a denɛ sin na‑a, min mbe a ma, a ni an Sitana 'a wai a fasan.

1 CHƆN 4:4

Chɛɛ wo tana, n 'na denɛ nu, wo e Yataa an ko a. A sin, wo kun‑da an fania mɔɛ chɛ n ma, koe min na mu, Yataa Nyina min mbe wo fɛ, a benden mu chɛ ma, min mbe dunya chɛ ma.

1 CHƆN 5:19

Mmɔ tana, mmɔ‑a a ɔ sɔn fan, mbɛ Yataa 'a denɛ mu mmɔ a. Mbɛ a sin, dunya tɔɛ gbɛɛ, an mbe a wan Sitana 'a gbasaya an kɔɔ.

1 CHƆN 5:4

A mu min na, mɔ ɔ mɔ min mu Yataa 'a denɛ a, dunya chɛ ɛ ma a chen kɔɔ wan. A sin, mmɔ 'a danaya Yataa a, an‑na a ma, mmɔ kun‑da dunya chɛ ma.

KO Ɔ NUNDENƐ 12:9

Fɔɛ fen ma chianden ba chɛ, a a bea‑a wan dunya ɔ, a ka banda bu ɔ. Ka kɔkɔ wa chɛ, min tɔ mu Sitana, nyina yama n 'na mansa, min mbe a ma mɔ gbu ɛ ko yama ma, a a bea‑a wan dunya ɔ, an bɛ a bɔɛ n na.

KO Ɔ NUNDENƐ 13:14

A sin, a 'a kamaya koe chɛ n‑na mɔɛ n gbɛɛ bun fan dunya ma, Yataa‑a a too ka a ma ka koe miin ma koe a, soe yama saa chɛ ya kɔɔ. Soe yama fean bɔɛ chɛ‑a a saa chɛ a gbasaya a tachɛ wan, a fɔ koe a mɔɛ n ye, an ni soe yama saa chɛ bɔ nyɔɛ nyan. Mɔɛ ɛ a yen, yɔ an na‑a an soe yama saa chɛ fa wan chɛɛ chɛ mɛ a, mbɛ a yɛ‑a to fɔɛ ɔ.

KO Ɔ NUNDENƐ 13:8

A sin, mɔɛ gbɛɛ dunya ma, an mbe a fai wan. Mɔɛ chɛ n gbɛɛ, miin mbe ee a fai‑a, an fan nɛ dechee mɔɛ chɛ n na, miin tɔɛ nyɛndenɛ ɛ gboo chɛ ɔ, a ka dunya a dan tima ma. Gboo chɛ, mɔɛ miin mbe kuɔ fɔ fɔɛ ma sɔn‑da, an mbe min dɔ. An gboo chɛ, ɛ sa tɔngbɔɛ an boo ɔ, an‑na min fa.

KO Ɔ NUNDENƐ 16:17

Mbɛ maeka wɔnfean bɔɛ sin, a‑a a ta pani a fasi wan, mbɛ fia ta‑a a a. Mbɛ kuiɛ wa a min‑da gbankon, a ka Yataa 'a chenɛ a banda bu ɔ, mansa sea chɛ tena, a ɔ, “Ko ɔ ko ban‑da.”

KO Ɔ NUNDENƐ 20:2

Mbɛ a‑a fɔɛ fen chɛ bia gban, fɔɛ fen ma chianden ba chɛ. An fɔɛ fen chɛ mu ka kɔkɔ wa chɛ an na, nyina yama n 'na mansa chɛ, min tɔ mu Sitana. Mbɛ maeka chɛ‑a a chii fɔin kundu yɔɔɛ chɛ a, san wu dɔndɔ (1,000) ko a.