Gboo Ɛfisɔsi Ko A 1:5 - Yataa 'a Dɔbɛnɛ Nama

⁵ a ban‑da wan gbɛ a ɔ bɛn‑da suun, mmɔ ma koe a a 'a denɛ n na, Chisɔsi Chasi 'a gbasaya ɔ. Yataa toen ni an ni ma, a‑a a sin dɔ bɛn ka wan.

Gboo Ɛfisɔsi Ko A 1:5 Iomraidhean Croise

MATIU 1:25

Chɛɛ a nii ma a sɔn ni a 'a musu a, aan tima chɛ a, tima min na a‑a den kaien chɛ suun. Mbɛ Chosɛfi‑a a tɔɛ si, a ɔ, Chisɔsi.

MATIU 11:26

Fa, n‑na i wai bɔ, koe min na mu, i toen ni a ni ma ka wan.”

DUKU 10:21

A tima chɛ a, Yataa Nyina‑a a ma Chisɔsi bu ɔ dia‑a, mbɛ a‑a a fɔ, a ɔ, “Fa, n‑na i wai bɔ, i wɛn mu mansa a banda bu ɔ ni dunya ɔ. A mu min na, i‑a koe chɛ n dɔ nun fan chɛ nu ma, ɛ miin ta yiima ɔ, mbɛ an dɔ sɔen mu. Chɛɛ i‑a an dɔ yian fan chɛ n na, miin‑na an fandi a yii i tena. Fa, n‑na i wai bɔ, koe min na mu, i toen ni a ni ma ka wan.”

DUKU 11:32

A sin tima min na Yataa ɛ ma‑a dunya gbɛmbo‑a, Ninifɛ mɔɛ chɛ n mbe an kɔɔ sɔ‑a wan a ka saya ɔ, mbɛ an‑na mɔɛ chɛ n yɛi siiya bɔ. A mu min na, tima min na Chona na‑a Yataa bai sa Ninifɛ mɔɛ chɛ n tena, an‑na an kan kɔ sɔ wan an 'na ko yama n na. Mɔɛ yen ko nɛ mɔɛ dɔndɔɛ chɛ n tɛ gbɛ min benden mu Chona ma, chɛɛ an mbe ee an too ma sɔ tena a ma.”

DUKU 12:32

Chisɔsi ɔ, “Wo wɛn mbe n fɛ, wo ma kɔkoo, chɛɛ wo ma chian. A a di wan Fa Yataa ye, na koe a wo a, a 'a mansaya kɔɔ.

CHƆN 1:12

Chɛɛ mɔɛ n‑na an boo si wan a kɔɔ, miin‑na an kai fa a a. Chɛ ko a, an mɔɛ chɛ nu, a‑a gbasaya be wan an ma, ma koe a Yataa 'a denɛ n na.

CHƆN 11:52

A sin, Chisɔsi nii fa tena an dechee ko a, chɛɛ a ma koe ni to, a ni na Yataa 'a denɛ n na kaina dɔndɔɛ. Yataa 'a denɛ nu, miin gbɛɛ a fasandenɛ ni ben‑da, an ni ma mɔ dɔndɔɛ a.

CHƆN 20:17

Mbɛ Chisɔsi ɔ, “Sɛmbɛ n bia koe a, a mu min na, n ma sɛ nin bɛ banda bu ɔ Fa tena. Chɛɛ ta n fɛ denɛ n tena, mbɛ i‑a a ɔ yian an na, mbɛ n mbe yɛ tena Fa tena, min mu wo wɛɛ fa a. A yɛ to, n 'na Yataa mu a a, wo wɛɛ 'a Yataa mu a a.”

CHISƆSI 'A SƆ MƆƐ NU 13:48

A sin, mɔɛ chɛ nu, miin nii ma Chu mɔ a, an‑na bai chɛ a min kɛn, an bu ɔ dia‑a wan, an bun‑da Yataa tando‑a, a 'a bai ko a. Mɔ sɛsɛ sin, Yataa na‑a a boo sɔ miin ma, kuɔ fɔ fɔɛ ma sɔn koe a, an‑na an kai fa wan Chisɔsi a.

GBOO DOMI KO A 8:23

Chɛɛ chɛ ee ma fen chɛ n dechee a, Yataa‑a miin nyan. Mmɔ wɛɛ, Yataa Nyina pɛn be‑a mmɔ ma. Chɛ sin ma‑a wɛɛ ka mmɔ ye, mmɔ ɛ kuun tena wan tun mmɔ faa ɔ. Mmɔ ɛ wan chɛ a, mmɔ ɛ ta‑a Yataa ma kɔn‑da, a ni mmɔ ma fion a 'a denɛ n na, gboo nama ɔ ya ɔ ma.

GBOO SAA KƆYINDI KO A 1:1

N fan Pɔɔ, n fan mbe gboo chɛ nyɛn tena wo tena, nn fea Sositɛnesi a, mmɔ suun ma nyɔɛ Chasi ɔ. Yataa wandi gbu, an dɔn‑da, a boo sɔ koe a n ma, n ni ma Chisɔsi Chasi 'a sɔ mɔɛ a.

GBOO SAA KƆYINDI KO A 1:21

Yataa yiima tɛen ba mu, an‑na a ma, a‑a a ma mɔɛ n 'na yiimatɛ ee che a ma‑a, an ni a ɔ gbɛ a gbu ɛ ka ma. A‑a chɛ ma, min mbe a ma, mɔɛ chɛ n ni bauncha ma sɔn. Mɔɛ chɛ nu, miin mbe an kai fa‑a a a, ni an‑na wooya sakana bai chɛ a min, nn mbe min dɔ yian.

GBOO FEAN BƆƐ KƆYINDI KO A 6:18

Yataa Mansa Wa‑a a fɔ wan to, a ɔ, “N mbe ma‑a wan wo fa a, mbɛ wo wɛɛ ma‑a n 'na denɛ kaima n na, a basan n 'na denɛ musuma an na.”

Gboo Kadesia Ko A 3:26

Koe min na mu, ni wo‑a wo kai fa Chisɔsi Chasi a, wo gbɛɛ mu Yataa 'a denɛ n fan na, wo gbɛɛ mu gbɛ mɔ dɔndɔɛ an na, wo bɛ Chisɔsi Chasi a.

Gboo Ɛfisɔsi Ko A 1:11

Nn ma min chɛ‑a mɔ dɔndɔɛ a, nn bɛ Chasi a, an fɛ mu Yataa‑a a boo sɔ nn ma gbɔɔ, min mbe a ma, nn ni ma tenchen a ko a. Koe min na mu, a toen ni chɛ an ni ma, a sin‑na chɛ an dɔ bɛn. A sin, kan kɔ kan, ɛ a ma wan, yɔ a‑a a ɔ bɛn buɛ min dɔ.

Gboo Ɛfisɔsi Ko A 1:9

a‑a a faa ma koe ɔ yian fan mmɔ a, min dɔ nunden ni tee mmɔ ma. A toen ni chɛ an ni ma, a sin, a‑a Chasi a na, an ma koe a.

Gboo Fiipai Ko A 2:13

Koe min na mu, Yataa an mbe wai chɛ tena wo ɔ. A wan mbe a ma tena, wo ma bɛndenɛ ɛ kooya be koe a a ma. A sin, ɛ gbasaya chɛ wo ɔ, a faa ma koe ma koe a.

Gboo Kɔdɔsai Ko A 1:19

Yataa sɔnɛ ni wan Chasi ɔ chia ɔ chia a. Yataa wandi sin fan na‑a chɛ ɔ bɛn.

GBOO FEAN BƆƐ TƐSADONIKA KO A 1:11

Chɛ an fɛ mu, nn mbe samunɛ chɛ wo ko a tima ɔ tima ko a. Nn mbe mmɔ 'a Yataa fai tena, min mbe a ma, wo ni kun ma koe a fɔɛ chɛ ɔ, a‑a wo chee ma koe a min dɔ. A ni a ma, a 'a gbasaya ɔ, wo ni che wo faa ma koe chɛndɛ gbɛɛ ma‑a. A yɛ to, wo kai faenɛ min chɛenɛ ɛ Chisɔsi a, a ni a ma wo ni koe gbɛɛ ma, wo e min ma.

GBOO IBU MƆƐ N KO A 2:4

Yataa wandi wɛɛ, a na‑a a ɔ yian fan, mbɛ tea mu sakana bai chɛ a. A na‑a chɛ ma kamaya koe sɛsɛ n fan dɔ. A yɛ to, a ni a ma wan to, a Nyina ni mɔɛ n dua chia sɛsɛ n na. Ni Yataa wandi toen ni chɛ ni ma, tima ɔ tima ko a, a ni ma wan.

1 CHƆN 3:1

Wo a yen bɛ, Fa Yataa‑a koadia wa min nyɔn sima yian mmɔ a. Koe min na mu, a‑a a ma, an mbe mmɔ chee Yataa 'a denɛ n na. A sin gbu, Yataa 'a denɛ mu mmɔ a. Koe min‑na a ma, dunya ma mmɔ sɔn Yataa 'a denɛ n na, a nii ma Yataa wandi gbu sɔn.

KO Ɔ NUNDENƐ 21:7

Mɔ ɔ mɔ min mbe sɔ‑a gban n ko a, koe chɛ n gbɛɛ, n mbe an fan chɛ‑a a ko a. N mbe ma‑a wan a 'a Yataa a, a wɛɛ ɛ ma‑a wan n 'na denɛ a.