CHUDA 1:4 - Yataa 'a Dɔbɛnɛ Nama

⁴ Mɔɛ dɔ n yen ko, miin mbe ee Yataa kuiɛ ma, an mbe kan yama chɛ, an na‑a mmɔ tɛ ɔ yɛdɛn yɛdɛn. Mɔɛ chɛ n bakoe nyɛnden fan mu suun suun, mbɛ Yataa ɛ kaa a tɛ‑a wan an bakoe ma, a ni an tɔɔya. An ma Yataa sɔn, Yataa ɛ chinchin fan an ma. Chɛɛ an mbe an chinchincha chɛ an ya, mbɛ an ma‑a fɔɛ yama ɔ. An mbe yɛ wan to, mbɛ an ban‑da Chisɔsi Chasi ɔ, min mu mmɔ 'a mansa dɔndɔɛ a, mmɔ kun ti.

CHUDA 1:4 Iomraidhean Croise

MATIU 13:25

Chɛɛ yɛɛ dɔndɔ ma, a ɛ kɛn sa ɔ chinɔɛ ɔ, an bɛ a 'a mɔɛ n na, a ko don ma nyɔɛ ta‑a wan sɛnɛ chɛ ɔ, mbɛ a‑a bin kuu fasi a ɔ, mbɛ a yɛ‑a yɛdɛn.

CHƆN 17:3

Mɔɛ n sin mbe kuɔ fɔ fɔɛ chɛ ma sɔn ka wan. An mbe i wan sɔn, tea Yataa dɔndɔɛ a, mbɛ an‑na n bɛɛ sɔn, i 'a denɛ Chisɔsi Chasi, i‑a n fɛn sɔ dunya chɛ ɔ.

CHISƆSI 'A SƆ MƆƐ NU 11:23

A che‑a kɛn nɔ, mbɛ a‑a a ɔ yen, Yataa‑a koadia demanɛ chɛ buɛ min dɔ, an mɔɛ chɛ n na, a bu ɔ dia‑a wan kaka. A‑a an disa wan, min mbe a ma, an ni a tun an kai fa koe a Mansa Chisɔsi a, an faa gbɛɛ a.

CHISƆSI 'A SƆ MƆƐ NU 15:24

Nn‑na a a min, mbɛ mɔɛ n dɔ n bɔ‑a wan nn tɛ ɔ, an ta‑a wo tena, an‑na wo kɔndɔ fii an 'na kanɛ a, an mbe min chɛ tena. An gbu sin mbe ka min ma‑a, nn fan ma an sɔ ni.

Gboo Kadesia Ko A 2:4

Chɛɛ mmɔ suun ma nyɔɛ dɔ nu Chasi ɔ, a wakoe ɛ sa ɔ dechee miin ya kɔɔɛ, chɛɛ a ee an faa ɔ, an toen ni chɛ an na. A sin, an na‑a wan nn tɛ ɔ yɛdɛn, min mbe a ma, an ni nn na tɛ. An ni a ɔ gbɛ, Chisɔsi‑a mmɔ bɔ buɛ min dɔ sawa chɛ boo ɔ, mbɛ an‑na a ma to, mmɔ yɛ‑a an yɔncha ɔ.

Gboo Kadesia Ko A 5:13

Koe min na mu, n suun ma nyɔɛ nu Chasi ɔ, Yataa‑a wo chee wan, a bɔ yɔncha ɔ. Chɛɛ yuu min tɛ‑a ka wo ma, wo ma ben ko yama ma‑a, wo gboo faa ma koe nu, wo ni a dɛn wo bɔ koe ma yɔncha ɔ. Chɛɛ koadianyɔncha ɔ, wo ma bɔi denɛ a wo nyɔn ko a.

Gboo Ɛfisɔsi Ko A 4:14

Chɛ an mbe a ma‑a, mmɔ ee ma‑a yɔ den mɛsɛ nu, an mbe miin woo, fania fania kanɛ kan kɔ kan na. Mɔɛ chɛ nu, miin yaaen mu ka, an fan mbe an bun ka, yaa chia a.

1 TIMOTI 5:8

Ni mɔ ɔ mɔ ma a ya a mun ni a 'a mɔɛ n ma, a bɛbɛɛ a ta chenɛ a mɔɛ nu, a‑a a kan kɔ an sɔ ka a 'a danaya an na Chisɔsi a. A mɔɛ chɛ yau, a ni ben mɔɛ ma min ma a kai fa ni Chisɔsi a tee dɔndɔ wɛ.

2 TIMOTI 2:12

Ni mmɔ‑a mɔnɛ ɔ bia, mmɔ wɛɛ ɛ ma‑a wan mansa a a mmɔ bɛ. Ni mmɔ ban‑da a ɔ, a wɛɛ ɛ ban‑da wan mmɔ ɔ.

2 TIMOTI 3:6

An dɔ n mbe ta mɔ n 'na chenɛ n fan na domɛɛ, an mbe ben‑da musu dɔ n yiima ɔ chɛ chɛ‑a, musu miin yiima ɔ dɔɔ. An musu chɛ n sin to, an 'na ko yama maenɛ tagbaenɛ an da ma, an mbe yɔncha ɔ an faa ma koe n boo ɔ.

1 PITA 2:16

Wo kooya be, yɔ Yataa 'a mɔɛ nu, miin mbe ee yɔncha ɔ mɔ dɔ gbɛɛ n kɔɔ. Chɛɛ yuu min tɛ‑a ka wo ma, wo ma ben ko yama ma‑a nun dɔ, wo ni a dɛn wo bɔ koe ma yɔncha ɔ. Chɛɛ wo tachɛ buɛ ni wo ma Yataa 'a yɔnɛ n na, tima ɔ tima ko a.

1 PITA 2:8

Yataa 'a gboo‑a a fɔ wan to, a ɔ, “Mɔɛ n mbe an chenɛ n na tu‑a sen chɛ an na, an sen chɛ, mɔɛ n mbe nama‑a min ma, mbɛ an bea‑a.” An mbe an chenɛ n na tu‑a wan, koe min na mu, an ma dan ni Yataa 'a bai a. Yataa sin‑na a ɔ bɛn ka wan an ko a.

1 PITA 4:18

Ɛ wan yɔ Yataa 'a gboo‑a a fɔ buɛ min dɔ, a ɔ, “Bauncha sɔn koe ɔ gbɛ, mɔ tandenɛ n boo ɔ. Mɔɛ chɛ n sin, miin mu Yataa sɔn bai wa an na, mmɔ ma ɔ sɔn an ta ɛ ma‑a buɛ min dɔ.”

2 PITA 2:10

A gbu sin mbe ma‑a ka wan an na, miin boo chɛenɛ ɛ ko tɛ ɔ, an sin gbɔsɔ ma, mbɛ Yataa 'a gbasaya ɛ wan nɔ. Fania kan chɛ mɔɛ chɛ nu, chianɛ ee ka miin ya a, an toen mu koe min na, an mbe an ma. An mbe ee basɔmaya be an ma, gbasaya ɛ miin boo ɔ banda bu ɔ. Chɛɛ an mbe an main fan.

2 PITA 2:7

Yataa ni mɔ yama chɛ n kasaa tena tima min na, a na‑a kai Dɔti kun bɔ wan a ɔ suun. Dɔti chɛ ni mɔ chɛndɛ an na, a sin faa na‑a yɔn fan, tima min na an mɔɛ chɛ n ni ko yama yama chɛ n ma tena.

2 PITA 3:7

Chɛɛ mmɔ ta duu gboo chɛ wɛɛ, a fea banda chɛ a, Yataa da a bai dɔndɔ gbe chɛ an‑na a ma an mbe nɔ. A wan Yataa dɔndɔ gbe chɛ, ɛ an kun ma fɛn tena, min mbe a ma, ta ni danka an kasaa‑a. An mbe nɔ tee chɛ an ma kɔn koe a, Yataa sɔn bai chɛ nu, kaa a ɛ tɛ‑a an ma tee min na, an ni kasaa.

1 CHƆN 2:22

Fania fɔ mɔɛ, a mu mɔɛ chɛ an na, min mbe kɔɔ sa bia chɛ, mbɛ Chisɔsi an ma Chasi a, kunka mansa. An mɔ bonda chɛ an mu Chasi chɛɛ ma nyɔɛ a, mɔɛ min mbe ban Fa Yataa ɔ, an fea a 'a denɛ a.

CHUDA 1:15

A ɔ, ɛ na‑a wan mɔɛ n gbɛɛ gbɛmbo koe a. A ɔ, mbɛ mɔɛ chɛ nu, miin ma Yataa sɔn, a ɔ, mbɛ kaa a tɛ‑a an 'na ko yama n gbɛɛ ma. A ɔ, ko yama chɛ n gbɛɛ, a ɔ, a basan an 'na bai yama n gbɛɛ a, an‑na miin sa a si a ma.

CHUDA 1:18

An na‑a a fɔ wan wo ye, an dɔ, mɔɛ n mbe na‑a wan tee dankama nɛnɛ chɛ n kɔɔ, an dɔ, miin mbe bea‑a an 'na Yataa sɔn baiya koe n fɛ, miin na di an ye. An dɔ, an mɔɛ chɛ nu, an mbe mayɛma bun‑da wo ma, wo bɛ Yataa a.

KO Ɔ NUNDENƐ 15:4

Yataa Mansa, mɔ ɔ mɔ ɛ samba‑a wan i ma chianɛ a. Mɔ ɔ mɔ ɛ basɔmaya be wan i ma. I wan mu dechee tea Yataa a. Dunya gbɛɛ ɛ na‑a i tando‑a wan, i chɛ chɛ wai chɛndɛ ko a, mɔɛ gbɛɛ ɛ min yen.”