CHUDA 1:3 - Yataa 'a Dɔbɛnɛ Nama

³ N dia nyɔɛ nu, n toen ni kaka n ni gboo chɛ nyɛn a si bauncha ma, Chisɔsi‑a min be mmɔ ma. Chɛɛ n yiima dɔndɔɛ‑a a fɔ wan n ye, mbɛ n ni wo faa nande, wo ni butuinɛ chɛ, wo 'a danaya ko a Yataa a. Danaya chɛ sin, Yataa an‑na a ma, mmɔ‑a a ma sɔn, a sin mbe ee mun to.

CHUDA 1:3 Iomraidhean Croise

CHISƆSI 'A SƆ MƆƐ NU 17:3

A ni a ɔ yian fan chɛndɛ chɛ, an ni a ɔ gbɛ, mbɛ ɛ nyan‑da wan chɛ ni ma. Mbɛ kunka mansa chɛ ɛ tɔɔya ɔ bia‑a wan, a ni a kɔɔ sɔ a ka saya ɔ. Pɔɔ ni a fɔ wan, a ɔ, “Chisɔsi chɛ, n mbe min bakoe ɔ yian tena wo a, an mu kunka mansa a.”

CHISƆSI 'A SƆ MƆƐ NU 18:28

Koe min na mu, a ni ma koe n tɛnsɛ‑a, Chu mɔɛ n nii sɔ a a ɛnden bɛɛ a. A‑a a ɔ yian fan an na, a ka Yataa 'a gboo ɔ, mbɛ kunka mansa mu Chisɔsi an na.

CHISƆSI 'A SƆ MƆƐ NU 20:27

Koe min na mu, n ma ko kan kɔ kan dɔ nun ni wo ma, a si koe n gbɛɛ ma, miin mbe Yataa yii ma, an ma koe a.

CHISƆSI 'A SƆ MƆƐ NU 4:12

Yataa‑a gbasaya be Chisɔsi dɔndɔ gbe an ma, a ma koe a mɔ gbu gbɛɛ ni bauncha ma sɔn. Yataa ma tɔ dɔ mende a bɔ ni to dunya chɛ ɔ, mmɔ ɛ min chee bauncha ma sɔn koe a, a fɔ dechee Chisɔsi dɔndɔ gbe.”

CHISƆSI 'A SƆ MƆƐ NU 6:7

Mbɛ a ka gbɛ a tima chɛ ma, Yataa 'a bai a fasan‑da wan a ɔ gbɛɛ ɛ. Chisɔsi fɛ denɛ n da a koa‑a wan gbeden Chuusaɛn duu ɔ, mbɛ Chu n tɛ mɔɛ nu Yataa a, an sɛsɛ‑a an boo si sakana bai chɛndɛ chɛ kɔɔ.

CHISƆSI 'A SƆ MƆƐ NU 9:13

Chɛɛ Ananiyasi ɔ, “Mansa, mɔ sɛsɛ n‑na kamin chɛ wakoe ɔ yian fan n na. A‑a ko ma gbaaenɛ miin sa i 'a mɔɛ n ma Chuusaɛn, a koo.

CHISƆSI 'A SƆ MƆƐ NU 9:22

Yataa‑a gbasaya be wan Sɔɔ ma, a 'a Yataa bai sa ɔ. Chɛ‑a a ma wan, ni a‑a a ɔ yian mɔɛ n na, mbɛ Chisɔsi an mu kunka mansa a, dɔ tisa nii ma nɔ. A da a bai kɔ ni gbɛɛ buɛ min dɔ, Chu mɔɛ miin ni Damasikɔsi, an nii che bai ɔ bai sa‑a.

GBOO SAA KƆYINDI KO A 15:3

A nyɛnden mu buɛ min dɔ Yataa 'a gboo ɔ, n‑na a a ben ka wan wo tena. Chɛ an mu koe chenama saa saa a, a ɔ gbɛ koe a. Mbɛ Chasi fa‑a mmɔ 'a ko yama n fan ko a.

Gboo Kadesia Ko A 2:5

Chɛɛ tima kundu ɛndenɛ wɛɛ ko a, nn ma dɔn ni an ye. Chɛ ni a ma, sakana bai chɛndɛ chɛ, a si Chisɔsi ma, tea min mbe a gbaa, a ma na ka a chia ma wo ko a.

Gboo Kadesia Ko A 3:28

Wo gbɛɛ, wo bɛ Chisɔsi Chasi a, wo ma‑a gbɛ mɔ dɔndɔɛ a. Tɛ bɔ kan kɔ kan mbe ee to Chu mɔɛ n ma, an bɛ mɔɛ n na, miin ma Chu mɔɛ n na. Tɛ bɔ ee chɛ n ma miin mu yɔnɛ n na, an bɛ chɛ n na, miin mbe an fandi ko a. Tɛ bɔ ee mɔ kaima an ma, an bɛ musu n na. Mɔ tɛ bɔ ee to nɔ.

Gboo Kadesia Ko A 6:11

Wo gboo chɛ yen bɛ, n fandi gbu, n mbe min nyɛn tena gboso gboso wo tena, n ta boo a.

Gboo Ɛfisɔsi Ko A 1:1

N fan Pɔɔ, n fan mbe gboo chɛ nyɛn tena. Chisɔsi Chasi 'a sɔ mɔɛ mu n na, yɔ Yataa toen ni buɛ min dɔ a ni ma. N fan mbe ka gboo chɛ nyɛn tena wo tena, wo wɛn mu Yataa 'a mɔɛ n na, wo wɛn mbe a a tun tena wo kai fa koe a Chisɔsi Chasi a, Ɛfisɔsi duu ɔ.

Gboo Fiipai Ko A 1:1

N fan Pɔɔ, n fan mbe gboo chɛ nyɛn tena, nn fea Timoti a. Chisɔsi Chasi 'a wai chɛ mɔɛ mu nn na. Nn fan mbe ka gboo chɛ nyɛn tena wo tena, wo wɛn mu Yataa 'a mɔɛ n na, miin ma‑a mɔ dɔndɔɛ a Chisɔsi Chasi a, Fiipai duu ɔ. A yɛ to, ni chɔchi ya ɔ sɔɛ n tena, an bɛ mɔɛ chɛ n na, miin mbe deman chɔchi ma.

Gboo Fiipai Ko A 1:27

Koe chenama mu gbɛ min na sanche, an nɛ. Wo koe n ma, wo 'a fɔɛ ɔ, yɔ mɔɛ nu miin dan‑da sakana bai chɛndɛ chɛ a, a si Chasi ma. Chɛ an mbe a ma‑a, n ni na wo tena, n ma na wɛɛ wo tena, n mbe wo ma tɔ chɛndɛ a min‑da wan. Mbɛ wo e sɔ ɔ gban, wo yiima a kandenɛ ɛ, wo kuiɛ a kandenɛ ɛ. A sin, wo e wan wo boo si‑a wo nyɔn kɔɔ wo sɔɛ gbɛɛ a, danaya chɛ ko a, min mbe bɔ sakana bai chɛndɛ chɛ ɔ.

Gboo Kɔdɔsai Ko A 1:2

N mbe gboo chɛ nyɛn tena wo wan tena, wo wan Yataa 'a mɔɛ chɛ nu, Kɔdɔsai duu ɔ. Wo gbɛɛ, wo wɛn danayaen mu, wo maenɛ ɛ mɔ dɔndɔɛ a, wo bɛ Chasi a. Mmɔ Fa Yataa ni wo dua, a ni faachima be wo ma.

Gboo Saa Tɛsadonika Ko A 2:2

Wo‑a a ɔ sɔn fan, nn‑na tɔɔya min dɔ bia Fiipai duu ɔ, nn mbe na to na‑a wo tena Tɛsadonika. An‑na nn bia buɛ min dɔ, a yama yama boo a. Chɛɛ chɛ gbɛɛ ɔ, Yataa‑a nn sɔɛ don fan a 'a sakana bai chɛndɛ ɔ yian koe a. An 'na chɛɛ ma nyɔncha ma a ma ni, nn ni sɛmbɛ ɛnden bɛɛ a.

1 TIMOTI 1:18

N 'na den, Timoti, n toen mu n ni chɛ an fɔ i ye a ma koe a. I yii na chii bai chɛ n ma, Yataa 'a gbonka chɛ mɔɛ n na‑a min fɔ tee, a si i ma. An ya i faa a, min mbe a ma, i ni butuinɛ chɛ Chasi ko a, yɔ soya chɛndɛ.

1 TIMOTI 6:12

Butuinɛ chɛ i 'a danaya ko a Chisɔsi a, butuin chɛndɛ an nɛ. I che‑a wan kuɔ fɔ fɔɛ ma sɔn‑da. I sin‑na a fɔ wan den mɔ sɛsɛ ya kɔ, mbɛ i‑a i kai fa Chisɔsi Chasi a. Kuɔ fɔ fɔɛ chɛ bia i boo fea a.

2 TIMOTI 1:13

Bea tea bai chɛ n fɛ, n‑na i kan miin na. An ni ma tɔmɔsi a i tena. Koe min na mu, mmɔ ma‑a mɔ dɔndɔɛ a Chisɔsi Chasi a, a sin i ma sɛmbɛ dan koe ma a a, a basan koadia a.

GBOO IBU MƆƐ N KO A 13:22

Wo dimu, n suun ma nyɔɛ nu Chasi ɔ, wo wo too ma sɔ bai chɛ n ma. Bai chɛ nu, gboo chɛ ɔ, miin mbe wo faa ma nande. Koe min na mu, gboo kundu mu dechee, n‑na min nyɛn ka wo tena.

GBOO IBU MƆƐ N KO A 6:9

Chɛɛ wo wan, nn dia nyɔɛ nu, miin ko a di nn ye kaka, nn‑na chɛ fɔ wɛɛ boo ɔ boo, nn yii na tɛen fan mu wo ko a. Nn‑na a ɔ sɔn fan, mbɛ wo e chia chɛndɛ an ma, bauncha ko a.

1 PITA 5:12

N mbe ka gboo kunduenɛ min nyɛn‑da wo tena, Sidasi an mbe basan tena n ma. N 'na yiinachii ɔ, suun ma nyɔɛ mu a a, Chasi ɔ, n danden mu min na chɛndɛ chɛ. N toen mu n ni wo faa n ma nande, n ni a ɔ yian to wo a, mbɛ Yataa 'a koadia demanɛ gbu ɛ wan wo ko a. Wo wo boo a chii a ma gban.

2 PITA 1:1

N fan, Saimɔn Pita, n fan mbe gboo chɛ nyɛn tena wo tena. Chisɔsi Chasi 'a wai chɛ mɔɛ mu n na, a 'a sɔ mɔɛ mu to n na. N mbe gboo chɛ nyɛn tena wo wan tena, wo wɛn danden mu Chasi a, yɔ nn mbe buɛ min dɔ. Mmɔ 'a Yataa mu an na, ni mmɔ baun mɔɛ, min‑na mmɔ ya mɔ tandenɛ a Yataa tena.

2 PITA 2:21

A ni nyan‑da wan an ko a, ni an nii ma chia sɔn ni, an mbe tan buɛ min dɔ Yataa tena. Chɛɛ ni an‑na a sɔn, mbɛ an‑na an kan kɔ sɔ Yataa 'a sawa duaenɛ a, a yau an ko a.

CHUDA 1:1

N fan Chuda, n fan mbe gboo chɛ nyɛn tena wo tena, wo wan Chisian mɔɛ nu. Chisɔsi Chasi 'a wai chɛ mɔɛ mu n na, n fan Chimisi dɔ kaima. Fa Yataa toen mu wo a, a‑a wo chee wan a tena, a sin, Chisɔsi Chasi ɛ wo kun ma fɛn tena wan.

CHUDA 1:17

Chɛɛ n dia nyɔɛ nu, ɛ wan wo yii ma, mmɔ 'a mansa Chisɔsi Chasi 'a sɔ mɔɛ nu, an na‑a bai min fɔ suun.

CHUDA 1:20

Chɛɛ wo tana, n dia nyɔɛ nu, wo ma yɛ kuu kɔ wo 'a danaya ɔ Yataa a. Wo samunɛ chɛ gbasaya chɛ ɔ, Yataa Nyina ɛ min be.

KO Ɔ NUNDENƐ 12:11

Mmɔ 'a mɔɛ n‑na Sitana bea chɛɛ ɔ, sa tɔngbɔɛ wii 'a gbasaya an dɔ mu, a basan Yataa 'a sakana bai a, an ni min sa. An nii ma chian ni saya ma.

KO Ɔ NUNDENƐ 2:10

Wo ma chian tɔɔya kan kɔ kan ma, wo e na tena min chɛ‑a. A yen ko, Sitana ɛ na tena a ma‑a wo dɔ n ni sa pimbi chenɛ a, wo ɔ siman koe a. A sin, wo e tɔɔya ɔ yen‑da wan tee tan ko a. Wo sɔ chidi wo 'a danaya ɔ n na, an ni a fɔ a ni ma saya wɛɛ a wo ko a, wo ma mun. N mbe kuɔ fɔ fɔɛ an be‑a wo ma, wo 'a boo ɔ gbasi woo a.”