CHƆN 4:3 - Yataa 'a Dɔbɛnɛ Nama

³ Chisɔsi‑a a a min kɛn bai min ni sa tena, a si a ma, a bɔ‑a wan Chudia chɛnyɛ ɔ, mbɛ a yɛ‑a Kadidi chɛnyɛ ɔ.

CHƆN 4:3 Iomraidhean Croise

MATIU 10:23

Ni an‑na ko yawaenɛ sa wo ma duu min dɔ, wo ben bui a, a ta duu dɔ mende ɔ. Ka n ni chɛ ma din wo tena. Wo ee Chu duu chɛ n na bɛn‑da, mbɛ tima che‑a n na koe a. N fan, Mɔ Gbu 'a Denɛ, n mbe na‑a tima min na.

MAKI 3:7

Chisɔsi ta‑a wan Kadidi yii wa fɛ, an bɛ a fɛ denɛ n na. A sin, mɔ fanka wa bea‑a wan to nɔ a fɛ. Mɔɛ chɛ n na‑a ka Kadidi chɛnyɛ ɔ wan, a basan Chudia a.

DUKU 17:11

Mbɛ Chisɔsi bun‑da to a 'a tachɛ ma, a ta Chuusaɛn duu ɔ. A ben‑da wan Samayia chɛnyɛ a sanɛ, a basan Kadidi chɛnyɛ a.

CHƆN 1:43

A banda ka dɔndɔɛ ma, mbɛ Chisɔsi‑a a yii na chii, mbɛ a‑a Kadidi chɛnyɛ ɔ chia bia. Mbɛ a‑a Fiipi yan, mbɛ a ɔ te a ma, a ɔ, “Na, i ni ma n fɛ denɛ a.”

CHƆN 10:40

Mbɛ a yɛ‑a a gbaa chia a, a‑a Chɔdan yii chɛ tɛ to. A yɛ‑a kaina chɛ, Chɔn na‑a a kuu sɔ ka yii chɛ‑a kaina min mɔɛ n kunɛ ɔ, Yataa chia a.

CHƆN 11:54

Chɛ na‑a a ma wan, Chisɔsi nii ben ben to fanka ya kɔɔ Chudia chɛnyɛ ɔ. Chɛɛ a‑a min ma, a ka‑a wan nɔ, mbɛ a ta‑a kaina dɔndɔ, min ni fuinɛ baima. Mbɛ a si‑a nɔ duu dɔndɔ ɔ, min tɔ ni Ɛfan, an bɛ a fɛ denɛ n na.

CHƆN 2:11

Kamaya koe wa saa an nii nɛ, Chisɔsi na‑a min ma. A na‑a a ma Kana duu ɔ wan, Kadidi chɛnyɛ ɔ. A na‑a a ɔ yian nɔ wan, a kamayaen ni buɛ min dɔ, mbɛ a fɛ denɛ n‑na an kai fa a a.

CHƆN 3:22

Chɛ gbakɔ, mbɛ Chisɔsi ben‑da nɔ ma, an bɛ a fɛ denɛ n na. Mbɛ an ta‑a Chudia chɛnyɛ ɔ. An‑na tima kundu ɛnden ya wan nɔ, Chisɔsi ɛ ta‑a yii chɛ‑a mɔɛ n kunɛ ɔ, Yataa chia a.

CHƆN 3:32

Mɔɛ min ka‑a banda bu ɔ, a tana, a‑a miin dɔ yen nɔ, a‑a miin na min, ɛ an fan dɔ yian. Chɛɛ chɛ gbɛɛ ɔ, mɔɛ n mbe ee an boo si a 'a sakana bai kɔɔ.

CHƆN 4:47

Mbɛ kamin chɛ, a‑a Chisɔsi na koe a min Kadidi, a ka Chudia chɛnyɛ ɔ. A‑a chɛ a min kɛn, mbɛ a na‑a a tan. Kamin chɛ‑a Chisɔsi ɔ tisa wan, disa ɔ, a ɔ, an ni yii Kapanaun, a ni a 'a denɛ a baun, min ni gbɛ sa ɔ dechee saya ma kɔnɛ a.

CHƆN 7:1

Chɛ gbakɔ, mbɛ Chisɔsi ben ben‑da Kadidi chɛnyɛ ɔ. A nii ma to ni, a ni gbɛn Chudia chɛnyɛ ɔ ma ɛnden bɛɛ a. A mu min na, Chu n ya ɔ sɔɛ nu nɔ, an ma bɛnden fan ni a fa koe a.