CHƆN 3:3 - Yataa 'a Dɔbɛnɛ Nama

³ Mbɛ Chisɔsi ɔ, “N ni a ma din i tena, mɔ ɔ mɔ ee don Yataa 'a mansaya kɔɔ, mɔɔ ni a mɔɛ chɛ suun‑da to a nama a.

CHƆN 3:3 Iomraidhean Croise

MATIU 16:17

Mbɛ Chisɔsi ɔ, “I duaen ba mu, Saimɔn, Chɔn 'na denɛ. A mu min na, mɔ gbu an ma koe chɛ ɔ yian ni i a. Fa min mbe banda bu ɔ, an‑na a ɔ yian i a.

MATIU 19:24

Ka wɛ n mbe a ma din to wo tena, mbɛ a ɔ gbɛ kaka nyan tɔɛ ko a, a ni don Yataa 'a mansaya kɔɔ, a ni ben ninchi don koe ma miichi woe a.”

MATIU 21:31

Den fea chɛ n tɛ ɔ, nyɔn‑na a fa faa ma koe ma?” Mbɛ an dɔ, “Denɛ chenama chɛ.” Mbɛ Chisɔsi ɔ, “N ni a ma din wo tena, mbɛ mɔ yama chɛ nu, miin mu pawa bia mɔɛ chɛ n na, an bɛ duu dia chɛ n na, an fan mbe ka don‑da Yataa 'a mansaya kɔɔ wo ya ɔ. Chɛɛ wo tana, wo ee don‑da nɔ sanche.

MATIU 5:18

Koe min na mu, n ni a ma din wo tena, mbɛ tima min na dunya chɛ gbɛɛ ɛ wɛ nɔ, sawa chɛ ɛnden bɛɛ ee ka a a, aan bai miin fɔ‑a a ɔ, an ni bɔ a a.

MAKI 10:14

Chɛɛ Chisɔsi bu ɔ nii ma dia ni, chɛ ɔ yen koe a. Mbɛ a ɔ an ma, “Wo a ma den mɛsɛ n ni na n tena. Wo ma an ma bai. Koe min na mu, mɔɛ miin maen mu yɔ den mɛsɛ chɛ nu, Yataa an mbe ma‑a an 'na mansa a.

MAKI 9:47

Ni i ya nan fan bɛɛ‑a i a dɛ ko yama ɔ, a bɔ, i ni a a dɛ. A nyin i ni kuɔ fɔ fɔɛ ma sɔn, i ya dɔndɔɛ wɛɛ a. Chɛɛ a yau, i ya a kandenɛ ni ma, mbɛ i ta‑a ta ɔ.

CHƆN 1:13

An ma ma ni Yataa 'a denɛ n na mɔgbuya ta chia an na. Yataa wandi an‑na a ma, an ma‑a a 'a denɛ n na.

CHƆN 1:5

Man chɛ ɛ manɛ be tena wan tun pimbi pimbi ɔ. A sin, pimbi ee che kuɔ fɔ a ma‑a, a ni sɛmbɛ man koe a.

CHƆN 1:51

Mbɛ a‑a a fɔ an ye, a ɔ, “Ka wɛ n ni chɛ ma din wo tena. Wo e a ɔ yen‑da wan, banda bu ɔ da a ni ka, mbɛ Yataa 'a maeka n yii‑a. An mbe sɛ‑a wan, an mbe yii, n na tindanɛ, n fan, Mɔ Gbu 'a Denɛ.”

CHƆN 12:40

“N‑na an ya n na pimbi, an ma na kaina yen. N‑na an yiima n bɛɛ a fa fa‑a, an ma na koe n dɔ gbɛ chɛndɛ chɛ. N‑na chɛ ma, min mbe a ma, an ma na an ya a mun n ma, an ni bauncha ma sɔn.”

CHƆN 3:4

Mbɛ kamin chɛ ɔ, “Musu si kai, ɛ kun ka ma to a ni suun, a gba fean bɔɛ ko a? A de ee che kɛn to, a ni a bu ya a nama a, mbɛ a‑a a suun, gba fean bɔɛ ko a.”

GBOO FEAN BƆƐ KƆYINDI KO A 4:4

An mbe ee che dan‑da Yataa bai chɛ a. Koe min na mu, an yiima ɛ tun pimbi an dɔ, Sitana boo ɔ, min 'na gbasaya ɛ dunya chɛ kun ma. A wan mbe a ma tena, an mbe ee man chɛ yen, ɛ ma man‑da an ma. Manɛ chɛ, min mbe ka sakana bai chɛndɛ chɛ ɔ, a si Chisɔsi ma. A wan Chasi chɛ, an mu Yataa bɔ nyɔɛ a.

GBOO FEAN BƆƐ KƆYINDI KO A 5:17

Chɛ ko a, ni mɔ ma‑a gbɛ mɔ dɔndɔɛ a mmɔ bɛ Chasi a, mmɔ ma‑a mɔ nama a. Mmɔ ka‑a mmɔ tachɛ buɛ kɔma kun ma, mmɔ dɛ‑a a nama ɔ.

Gboo Kadesia Ko A 6:15

An ni mɔ a kamincha, an ma i a kamincha, chɛ ma ko a, ɛnden bɛɛ a. Min mu dechee koe a, an nɛ, Yataa‑a a mɔɛ chɛ ma mɔ nama a.

Gboo Ɛfisɔsi Ko A 2:1

A saa a, wo faenɛ ni, Yataa Nyina ta fɛ chia a. Koe min na mu, wo ni koe n ma wan, miin mbe ee a chia ma, ko yama nu.

TAITƆSI 3:5

A‑a mmɔ baun. Chɛ ma bɔ ni mmɔ sɔn chɛndɛ an dɔ, mmɔ 'a teaya ɔ ma. Chɛɛ a 'a chinchimaya ko a, a‑a mmɔ 'a ko yama n ko, a‑a fɔɛ nama be mmɔ ma, a Nyina 'a gbasaya ɔ.

CHIMISI 3:17

Chɛɛ koe saa saa mu min na, Yataa ta yiimatɛ, ko ɔ ko ee a ma. Sɔnkɔ sɔnkɔ ee a kɔ chia a, faachima an mbe a ɔ. A yɛ to, basamaya an be a ɔ, chinchimaya, ni ko chɛndɛ ma. Yiimatɛ an nɛ, min mbe ee mɔ ya bɔ, nɛnɛn feaya sin mbe ee a ɔ.

1 PITA 1:3

Tando ni be Yataa ma. A wan mu Mansa Chisɔsi Chasi fa a, ni a 'a Yataa. Koe min na mu, a chinchin‑da wan mmɔ ma a ɔ benden ba a. Chɛ‑a a ma wan, mmɔ‑a fɔɛ nama ma sɔn. Chisɔsi Chasi na‑a a kɔɔ sɔ wan a ka saya ɔ. Chɛ naen mu gbɛ yiinatɛ ɔ benden ba an na mmɔ tena.

1 CHƆN 2:29

Wo‑a a ɔ sɔn fan, mbɛ Chisɔsi tanden fan mu Yataa tena. A sin mbe nyan fan gbɛ, wo ni a ɔ sɔn, mbɛ mɔ ɔ mɔ min tanden mu, Yataa 'a denɛ mu a a.

1 CHƆN 3:9

Mɔ ɔ mɔ min mu Yataa 'a denɛ a, a ee ko yama ma bia a boo fea a. Koe min na mu, Yataa wandi Nyina ɛ wan a fɛ. A sin, a ee a a tun‑da ko yama ma koe a. Koe min na mu, a ma‑a gbɛ Yataa 'a denɛ a.

1 CHƆN 5:1

Mɔ ɔ mɔ min mbe dan‑da a a, mbɛ Chisɔsi an mu Chasi a, kunka mansa, a mɔɛ chɛ mu Yataa 'a denɛ an na. A yɛ to, mɔ ɔ mɔ min toen mu Fa Yataa a, a ni to a 'a denɛ n bɛɛ a.

1 CHƆN 5:18

Mmɔ danden fan mu chɛ a, mbɛ Yataa 'a denɛ nu, an mbe ee an boo a chii ko yama ma ma. Koe min na mu, Yataa 'a denɛ Chisɔsi ɛ an kun ma fɛn fan. Nyina yama chɛ sin, Sitana, a ee che ko ma‑a an na.

1 CHƆN 5:4

A mu min na, mɔ ɔ mɔ min mu Yataa 'a denɛ a, dunya chɛ ɛ ma a chen kɔɔ wan. A sin, mmɔ 'a danaya Yataa a, an‑na a ma, mmɔ kun‑da dunya chɛ ma.

KO Ɔ NUNDENƐ 3:14

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Daɔdisia duu ɔ. A ɔ, “N fan, mɔɛ chɛ, n fɛn mbe a ma Yataa da a kuiɛ ni to a gba ɔ, n fɛn mbe tea fɔ a si Yataa ma, n fɛn mbe a 'a dunya gbɛɛ kun ma,” a ɔ, “n 'na sakana an nɛ.”