CHƆN 3:2 - Yataa 'a Dɔbɛnɛ Nama

² Yɛɛ dɔndɔ ma, kamin chɛ na‑a wan Chisɔsi tena, mbɛ a ɔ, “Kan mɔ, nn‑na a ɔ sɔn, mbɛ i ta tichaya, Yataa an‑na i a na. Mɔ ɔ mɔ ee che kamaya koe chɛ n ma‑a, e miin ma ka, mɔɔ ni Yataa ma‑a an mɔɛ chɛ kɔ.”

CHƆN 3:2 Iomraidhean Croise

MATIU 22:16

Mbɛ an‑na an fɛ mɔɛ dɔ n na ta Chisɔsi tena, a basan Mansa Ɛdɔdi fɛ mɔɛ dɔ n na. An che‑a kɛn a ma, an dɔ, “Ticha, nn‑na a ɔ sɔn fan, mbɛ danaya tɔɛ mu i a. A yɛ to, e mɔɛ n kan Yataa 'a bai miin gbɛɛ a, tea mu a a. I ma i gbɔsɔ ni, mɔ gbu ɛ min fɔ a si i ma, chɛɛ e tea an na tachɛ tun. A yɛ to, nn‑na a ɔ sɔn fan, mbɛ e tea be tea ti an ma.

MATIU 23:7

Ni an ta‑a machiti an dɔ, an toen mu mɔɛ n ni basɔmaya kɔndɔnɛ chɛ an na. An toen mu mɔɛ n ni an chee, an dɔ, kan mɔ.

MATIU 23:8

Chɛɛ wo dɔndɔ wɛɛ ma dɔn mɔɛ n ni wo chee, kan mɔ, koe min na mu, wo gbɛɛ mu mɔ dɔndɔɛ n fan na. A sin, kan mɔ dɔndɔ gbe an mbe wo ko a.

MAKI 12:14

An na‑a Chisɔsi tena, mbɛ an dɔ, “Ticha, nn‑na a ɔ sɔn fan, mbɛ danaya tɔɛ mu i a. I ma i gbɔsɔ ni mɔ gbu ɛ min fɔ, a si i ma, chɛɛ e tea an na tachɛ tun. A yɛ to, nn‑na a ɔ sɔn fan, mbɛ i ma i gbɔsɔ ni mɔ 'a sɔ tena ko a, chɛɛ e mɔɛ n kan Yataa bai miin gbɛɛ a, tea mu an na. A ɔ yian bɛ nn na, i ta yiima ɔ, i‑a pawa chɛ be koe yen ka ma Domi kun ti wa ma, a nyin fan?”

CHƆN 1:38

Mbɛ Chisɔsi‑a a ya a mun, a‑a an yen, an beaenɛ ɛ a fɛ. Mbɛ a ɔ, “Wo wan, wo e fen yan tena?” Mbɛ an dɔ, “Kan mɔ, i yia tena ɛ mende?”

CHƆN 10:38

Chɛɛ ni n mbe Fa 'a wai an chɛ tena, wo ma dan nin bɛɛ n na boo ɔ boo, a nyin wo ni dan n chɛ chɛ wai n nan gbu n na. Chɛ ɛ a ma‑a wan, wo ni a ɔ gbɛ fɛsɛ fɛsɛ, mbɛ nn fea Fa a, mɔ dɔndɔɛ mu nn na.”

CHƆN 12:37

Chisɔsi na‑a kamaya koe chɛ n gbɛɛ ma boo ɔ boo an ya kɔɔ, chɛ gbɛɛ ɔ, an nii ma an kai fa ni a a.

CHƆN 14:10

A nyin i ni dan a a, mbɛ nn fea Fa a, mɔ dɔndɔɛ mu nn na. Bai chɛ nu, n‑na miin fɔ ka wo ye, an ma ka ni ka dechee n kun ma yiinachii an dɔ. Fa, nn fea mu min na mɔ dɔndɔɛ a, tima ɔ tima ko a, an mbe ma ka wai chɛ‑a.

CHƆN 15:24

Yataa nii a tɛɛ si‑a an ma, ko yama ma koe a, ni n nii ma koe n ma ni an tɛ ɔ. Kamaya koe chɛ nu, n‑na miin ma, mɔ ɔ mɔ ma miin ma nin bɛ an ya kɔɔɛ. Chɛɛ an ban‑da gbɛ kamaya koe chɛ n gbɛɛ yen‑da, n‑na miin ma. Chɛ gbɛɛ ɔ, an too‑a wan n na, a basan Fa wɛɛ a.

CHƆN 2:11

Kamaya koe wa saa an nii nɛ, Chisɔsi na‑a min ma. A na‑a a ma Kana duu ɔ wan, Kadidi chɛnyɛ ɔ. A na‑a a ɔ yian nɔ wan, a kamayaen ni buɛ min dɔ, mbɛ a fɛ denɛ n‑na an kai fa a a.

CHƆN 20:16

Mbɛ Chisɔsi‑a a chee a tɔɛ ma, a ɔ, “Mɛi.” Mbɛ Mɛi‑a a kunɛ kɔɔ sɔ a tena, mbɛ a ɔ, “Ticha.”

CHƆN 3:26

Mbɛ an na‑a Chɔn tena, an dɔ, “Kan mɔ, kaminɛ wɛɛ yen ko pan yii chɛ‑a mɔɛ n kunɛ ɔ, Yataa chia a. Mɔɛ n mbe nyɔndɔn tena wan gbɛ a tena. A to‑a wan i yii ma, wo fea ni kaminɛ min na Chɔdan yii kaka dɔndɔɛ ma, e min chee ka kunka mansa a, an kamin chɛ mu.”

CHƆN 4:31

Chɛ ɛ ma‑a tima min na, Chisɔsi fɛ denɛ n ni a ma nande tena wan, an dɔ, “Kan mɔ, daun fenɛ sima daun gbɛ.”

CHƆN 5:36

Chɛɛ siiya ɛ wan nɔ n ko a, n faen mu min na, a ben Chɔn ta siiya ma. N mbe koe miin ma, chɛ chɛ wai chɛ nu, Fa Yataa‑a n sɔ miin chɛ koe a, an fan mbe koɔ n ko a. N mbe an chɛ buɛ min dɔ, an fan mbe a ɔ yian, mbɛ Fa an‑na n sɔ.

CHƆN 6:2

Mbɛ mɔ fanka wa n bea‑a a fɛ, koe min na mu, an na‑a a ɔ yen fan, a na‑a a ma buɛ min dɔ gbandi mɔɛ n baun‑da.

CHƆN 7:31

Chɛɛ mɔ fanka chɛ nu, an sɛsɛ na‑a an kai fa wan a a. Mbɛ an dɔ, “Kunka mansa chɛ gbu, a ɛ na‑a tima min na, kamaya koe ee to nɔ, a ɛ min ma‑a, a ni ben kamin chɛ ma.”

CHƆN 9:16

Mbɛ Fayisii chɛ dɔ nu, an dɔ, “Mɔɛ min‑na chɛ ma, suin tee sawa yɔn koe a, an mɔɛ chɛ, Yataa an ma a sɔ ni a ma.” Chɛɛ an dɔ n sin, an dɔ, “Mɔ ɔ mɔ min mu ko yama ma mɔɛ a, a ee kamaya ko bonda chɛ sima ma.” Chɛ‑a a ɔ yian fan, mbɛ an kuiɛ a nii ma kan ni, a si Chisɔsi ma.

CHISƆSI 'A SƆ MƆƐ NU 10:38

A yɛ to, wo‑a Chisɔsi wakoe ɔ sɔn fan, min ka‑a Nasaɛti duu ɔ. Yataa na‑a a Nyina be buɛ min dɔ a ma, a basan gbasaya a. Chisɔsi ben ben‑da wan a ɔ gbɛɛ, ɛ ta‑a ko chɛndɛ ma‑a mɔɛ n na, mbɛ a yɛ‑a, a‑a mɔɛ n gbɛɛ baun, miin ni Sitana 'a gbasaya kɔɔ. Koe min ni a ma, a ni chɛ ma, Yataa ni wan a fɛ.

CHISƆSI 'A SƆ MƆƐ NU 2:22

Mbɛ Pita ɔ te to, “N bɔɛ Isɔɛɛ mɔɛ nu, wo wo too ma sɔ bai chɛ n ma, n mbe na tena miin fɔ‑a wo ye. Chisɔsi chɛ, min ka‑a Nasaɛti duu ɔ, a mu Yataa wandi 'a sɔ mɔɛ an na. Kamaya koe nu, a ni miin ma, a ni tɔmɔsi miin yian, kɔndɔ fii koe nu, an fan ni a ɔ yian, mbɛ Yataa 'a gbasaya an mbe a ɔ. Wo wandi gbu, wo e siiya bɔ wan an koe chɛ n ma. Koe min na mu, an gbɛɛ ma‑a nɛ wan wo ya kɔɔɛ ma.

Gboo Fiipai Ko A 1:14

N mbe sa ɔ pimbi chenɛ min sin na, Mansa Chisɔsi‑a a ma gbɛ, n suun ma nyɔɛ chɛ n sɛsɛ Chasi ɔ, an faa sɔ‑a gbɛ a ko a. An mbe ee chian to ɛnden bɛɛ a, a 'a sakana bai chɛ ɔ yian koe a mɔɛ n na.