CHƆN 10:3 - Yataa 'a Dɔbɛnɛ Nama

³ Ni a na‑a sa kuii chɛ da a, mɔɛ min mbe ma nɔ, a kun ma fɛnɛ a, ɛ a da a ka wan a ye. Ni a sin don‑da, a ni bun a 'a sa n chee‑a an tɔɛ ma, an mbe a kuiɛ a min fan. Mbɛ a bɔ‑a an na kuii gbu ɔ.

CHƆN 10:3 Iomraidhean Croise

CHƆN 10:14

N fan mu sa kun ma fɛn mɔɛ chɛndɛ a. N‑na n ta sa n sɔn fan, a sin, n 'na sa n bɛɛ, an‑na n sɔn fan.

CHƆN 10:16

N 'na sa dɔ n mbe wan nɔ, miin mbe ee sa kuii chɛ ɔ. N mbe na tena wan an bɛɛ a. An bɛɛ, an mbe an too ma sɔ‑a wan n da a kuiɛ ma, a sin, an gbɛɛ, an mbe ma‑a wan sa dɔndɔɛ a, an kun ma fɛn mɔɛ dɔndɔɛ ko a.

CHƆN 10:4

Ni a ban‑da bɔ‑a a ta sa chɛ n gbɛɛ a, ɛ sɔ wan an ya ɔ, mbɛ sa chɛ n‑na a sɔ a fɛ, a mu min na, an‑na a kuiɛ sɔn fan.

CHƆN 10:9

N fan mu sa kuii chɛ da a. Ni mɔ ɔ mɔ ben‑da n tena chia a, a ni don, a mɔɛ chɛ ɛ kun ka ma sɔn‑da wan. Ɛ don‑da wan, a ni bɔ, a faa ma a. A sin mbe a daun fenɛ ma sɔn‑da wan.

CHƆN 6:37

Chɛɛ chɛ gbɛɛ ɔ, Fa Yataa‑a miin be n ma, an mbe na‑a wan n tena. N sin, n mbe ee mɔ ɔ mɔ a yɛ‑a, min mbe na‑a n tena.

CHƆN 6:45

Yataa 'a gbonka chɛ mɔ dɔndɔ‑a a nyɛn fan a 'a gboo ɔ, a ɔ, ‘Yataa ɛ mɔ ɔ mɔ kan‑da wan.’ A sin, mɔ ɔ mɔ min mbe a too ma sɔ‑a Fa kuiɛ ma, a ni a 'a kanɛ sɔn, a mɔɛ chɛ ɛ na wan n tena.

GBOO DOMI KO A 8:30

Chɛ an‑na a fɔ, Yataa‑a a boo sɔ ka miin ma, a‑a an chee. A sin‑na miin chee ka, a‑a an ya mɔ tandenɛ n na a wandi tena. Mɔɛ chɛ n sin ɛ miin ya mɔ tandenɛ n na, ɛ a ma‑a wan an ni a 'a basɔmaya dɔ ma sɔn.

GBOO SAA KƆYINDI KO A 16:9

Tima an nɛ n ko a nɛ, Chisian wai kɔkoo tima min na. Wai n fan nɛ, miin nyin an chɛ koe a, n chɛɛ ma nyɔɛ n kɔkoo wɛɛ ka boo ɔ boo.

Gboo Fiipai Ko A 4:3

A sin, n mbe i wɛɛ ɔ tisa tena, i wɛn mbe wai chɛ tena danaya ɔ, n toen mu i ni musu fea chɛ n deman. Koe min na mu, an‑na toa si wan n kɔɔ, n 'na wai ɔ, sakana bai chɛ a ta koe a ya ɔ ma. An bɛ ni Kemendi a, a basan n bɔ wai chɛ mɔɛ tɔɛ n na. A sin, an tɔɛ ɛ wan gboo chɛ ɔ, mɔɛ n tɔɛ ɛ min dɔ, miin mbe kuɔ fɔ fɔɛ ma sɔn‑da.

Gboo Kɔdɔsai Ko A 4:3

A sin, wo samunɛ chɛ nn ko a, min mbe a ma, Yataa ni chia yian nn na, a 'a bai chɛ ɔ yian koe a. Sakana bai chɛ, Yataa‑a min dɔ nun tee mɔɛ n ma, n ni a ɔ yian den mɔɛ n na. Sakana bai chɛ, a si Chasi ma, n mbe ka sa ɔ pimbi chenɛ a min ko a.

2 TIMOTI 2:19

Chɛɛ Yataa‑a fenɛ min kuu si gban, a ɔ ee ma‑a. A sin, bai chɛ, an nyɛnden mu a si a ma, a ɔ, “Mansa Yataa‑a a ɔ sɔn fan mɔɛ miin mbe a ko a,” a sin to, a ɔ, “Miin mbe a fɔ‑a, mbɛ an mbe Mansa Yataa an ko a, an ni an kan kɔ sɔ an 'na ko yama a.”

1 PITA 1:12

Yataa na‑a a ma wan, a 'a gbonka chɛ mɔɛ chɛ n‑na a ɔ sɔn, mbɛ an mbe ee wai chɛ tena an fandi an ko a. Chɛɛ an mbe a chɛ tena wo wan ko a. Koe min na mu, an na‑a bai sa suun a si koe chɛ n fan ma, wo‑a miin na min ka sanche mɔɛ chɛ n da ɔ, an mbe ma sakana bai chɛndɛ ɔ yian‑da. Yataa Nyina min ka‑a banda bu ɔ, an mbe gbasaya chɛ be an ma. An koe chɛ n fan gbu sin mu, maeka n bɛɛ toen mu, an ni miin dɔ gbɛ.

1 CHƆN 4:6

Chɛɛ nn tana, nn mbe Yataa an ko a. Chia chɛ a mu, mmɔ ɛ tɛ bɔɛ sɔn mɔɛ ma, Yataa Nyina min mbe tea ɔ yian, ɛ min fɛ, an tɛ mɔɛ a, fania fɔ nyina gbama ɛ min fɛ. Mɔ ɔ mɔ min‑na Yataa sɔn, ɛ a too ma sɔ wan nn ma. Chɛɛ mɔɛ min mbe ee Yataa ko a, a mɔɛ chɛ ee a too ma sɔ nn ma.

3 CHƆN 1:14

N toen mu n ni na i tan sanche, mɔ ni chia ɔ bɔ dɔndɔ chɛ.

KO Ɔ NUNDENƐ 20:15

A sin, mɔ ɔ mɔ min tɔɛ nii ma bɔ ni gboo chɛ ɔ, mɔɛ miin‑na kuɔ fɔ fɔɛ ma sɔn, an tɔɛ ɛ gboo min dɔ, an mɔɛ chɛ a dɛ‑a wan ta man ba ɔ.

KO Ɔ NUNDENƐ 3:20

A yen ko, n sɔ‑a chenɛ da a, n mbe a tu‑a. Ni mɔ ɔ mɔ‑a n kuiɛ a min, mbɛ a‑a chenɛ da a ka, n mbe don‑da wan a 'a chenɛ a. A sin, nn fea, nn mbe daunɛ chɛ‑a wan kaina dɔndɔɛ.

KO Ɔ NUNDENƐ 7:17

Koe min na mu, sa tɔngbɔɛ chɛ sɔ ɔ mansa sea chɛ baima, ɛ ma‑a wan an kun ma fɛn mɔɛ a. A sin mbe chia yian‑da wan an na, an ni yii ma sɔn, min mbe fɔɛ be. A sin to, Yataa ɛ di ka‑a wan an ya a.”