GBOO FEAN BƆƐ TƐSADONIKA KO A 2:2 - Yataa 'a Dɔbɛnɛ Nama

² Nn ma to ni wo 'a fiienɛ ni ma, a si a ma. Wo ma don faagbaa ɔ, ni mɔɛ dɔ n‑na a fɔ wo ye, mbɛ Mansa Chisɔsi na tee wa gbu che‑a. Kɔkɔɛ ɛ wan an mɔɛ chɛ n yii ma, mbɛ nn na‑a chɛ fɔ wo ye chia chɛ an na. A ni ma kɔɛ tima chɛ a, nn ni bai chɛ fɔ tena tima min na, Yataa na‑a min fɔ nn ye, a fɔ koe a mɔɛ n ye. Chɛ ma, tima chɛ a, da ɔ sakana gbama mu, nn‑na min na ben gboo nyɛndenɛ ɔ.

GBOO FEAN BƆƐ TƐSADONIKA KO A 2:2 Iomraidhean Croise

MATIU 24:24

A mu min na, fania kunka mansa an mbe na‑a wan, an basan fania fɔ mɔɛ n na, miin mbe an fandi ya Yataa 'a gbonka chɛ mɔɛ n na. An mbe kamaya koe n ma‑a wan, an ni koe tɔmɔsi n yian, mɔɛ n woo koe a. Ni an mbe kun fan, an mbe mɔɛ chɛ n bɛɛ woo‑a wan, Yataa‑a a boo sɔ miin ma, ma koe a a 'a mɔɛ n na.

MAKI 13:7

Wo e chɛɛ ma tɔɛ a min‑da wan wo a tindanɛ, wo ni chɛɛ ma tɔɛ a min pɔɔ. Koe chɛ n mbe ma‑a wan, chɛɛ wo ma chian. Chɛ ni ma wɛɛ, a ee a ɔ yian, mbɛ tima che‑a dunya ban koe a.

DUKU 21:19

Ni wo sɔ‑a gban, wo e kun‑da wan wo ni kuɔ fɔ fɔɛ ma sɔn wo wandi ko a.”

DUKU 21:9

Ni wo sin‑na chɛɛ n ma tɔɛ a min, a basan butuinɛ n bɛɛ a, wo ma chian. Koe min na mu, koe chɛ n pɛn pɛn fan mbe ma‑a. Chɛɛ chɛ an mbe ee a ɔ yian‑da, mbɛ tima gbu che‑a.”

CHƆN 14:1

Mbɛ Chisɔsi ɔ an ma, a ɔ, “Chɛ ma wo faa mɔnɛ. Wo a a tun wo kai fa koe a Yataa a, wo ni a a tun wo kai fa koe a n bɛɛ a.

CHƆN 14:27

“N mbe wo to tena faachima an dɔ. Faachima min nyɔn sima ɛ n dɔ, n mbe an be tena wo ma. N ta faachima, n mbe min be, a ee ka yɔ dunya chɛ ɔ nɛnɛ. Wo ma ma faamɔnɛ ɔ, a sin to, wo ma chian, a si koe chɛ n ma, miin mbe ma‑a.

GBOO SAA KƆYINDI KO A 1:8

Ɛ wo 'a danaya n dɔ gbɛa‑a wan, aan a sɔ tee danka chɛ ma. Ɛ a ma‑a wan, mabɔ kan kɔ kan mbe ee ma‑a wo ma, an tee wa chɛ ma, mmɔ 'a mansa Chisɔsi Chasi ɛ na‑a to tima min na.

GBOO SAA KƆYINDI KO A 14:32

Dua, Yataa bai ɔ yian koe a, a ɛ Yataa 'a gbonka chɛ mɔɛ n fan boo ɔ.

GBOO SAA KƆYINDI KO A 7:26

N ta yiima ɔ, ni n‑na a ma fɛn faayɔnɛ min mbe sanche, a nyin mɔ ɔ mɔ ni to ka, yɔ ɛ buɛ min dɔ.

Gboo Ɛfisɔsi Ko A 5:6

Koe chɛ nu, an fan mbe a ma, Yataa ɛ faatɛ a bɔ mɔɛ chɛ n ma, miin mbe ee a kuiɛ ma. Mɔ ɔ mɔ kan kɔ kan, a ma daɔdia bai gbama n fɔ wo ye, wo bun koe a.

Gboo Saa Tɛsadonika Ko A 3:3

Chɛ an mbe a ma‑a, an ni ko yawaenɛ sa wɛɛ wo ma, wo dɔndɔ wɛɛ ee mun‑da to. Koe min na mu, tɛnɛ ko ma a Yataa wandi tena, mbɛ mmɔ ɛ ko yawaen bonda chɛ n dɔ bia wan.

Gboo Saa Tɛsadonika Ko A 4:15

Mansa Chisɔsi ɛ na‑a tee min na, mmɔ wɛn mbe ma‑a fɔɛ a, mmɔ pɛn mbe ee a tan‑da. Mmɔ ee mmɔ kɔɔ sɔ‑a, mɔɛ chɛ n ya ɔ, miin na‑a fa, ta koe a mmɔ ni a tan. Nn mbe ka wo kan‑da min na, Mansa Chisɔsi wandi da a bai an nɛ.

Gboo Saa Tɛsadonika Ko A 5:2

Koe min na mu, wo wandi gbu‑a a ɔ sɔn fan chɛndɛ chɛ, mbɛ mmɔ 'a mansa na tima ɛ che tena wan. Ɛ ma‑a wan, yɔ kanka ɛ mɔɛ tɛnɛ buɛ min dɔ pimbi ɔ.

GBOO FEAN BƆƐ TƐSADONIKA KO A 2:15

Nn suun ma nyɔɛ nu, chɛ an fɛ mu, wo sɔ chidi, wo ni wo boo a chii tea bai chɛ n ma, nn na‑a wo kan miin na, nn ni Yataa bai sa wo tena tima min na, a basan chɛ n na, nn na‑a miin nyɛn gboo ɔ.

GBOO FEAN BƆƐ TƐSADONIKA KO A 3:17

N fandi gbu, n fan Pɔɔ, n fan mbe ka gboo chɛ nyɛn‑da, n ni wo kɔndɔn. N mbe n tɔɛ nyɛn ka wan n 'na gboo nyɛndenɛ n gbɛɛ ɔ. N mbe n 'na gboo n nyɛn ka wan.

KO Ɔ NUNDENƐ 19:20

Mbɛ an‑na soe yama chɛ bia wan, an fea fania fɔ mɔɛ chɛ a, min ni a wandi ya Yataa 'a gbonka chɛ mɔɛ a. A‑a kamaya koe n ma wan an soe yama chɛ ya kɔɔɛ ma. An koe chɛ n fan na‑a mɔɛ chɛ n bun, miin na‑a soe yama chɛ 'a nyɛnɛ sa an ma, miin bɛɛ na‑a fen chɛ fai, fenɛ min bɔen ni soe yama chɛ a. Soe yama chɛ, an fea soe yama fean bɔɛ chɛ a, an na dɛ‑a wan ta man ba chɛ ɔ, sen gbandima wa faen ni min na.