GBOO FEAN BƆƐ TƐSADONIKA KO A 1:9 - Yataa 'a Dɔbɛnɛ Nama

⁹ Yataa ɛ a ma‑a wan, an ni tɔɔya ɔ yen, an ni kasaa kuɔ fɔ ko a. An tɛ duenɛ an mbe ma‑a mmɔ 'a mansa a, an mbe ee ma‑a a 'a manɛ kɔɔ.

GBOO FEAN BƆƐ TƐSADONIKA KO A 1:9 Iomraidhean Croise

MATIU 16:27

Chɛ an fɛ mu, wo ma ka n fɛ. Koe min na mu, n fan, Mɔ Gbu 'a Denɛ, n mbe na‑a wan to dunya chɛ ɔ, nn bɛ n 'na maeka n na. Ni nn sin ma‑a na‑a, nn mbe ma‑a wan man‑da Fa Yataa 'a manɛ a. An tima chɛ a, n mbe mɔ ɔ mɔ pawa‑a wan a 'a wai ko a, ɛ min chɛ‑a.

MATIU 22:13

Mbɛ mansa chɛ‑a a fɔ bɔi den chɛ n ye, a ɔ, ‘Wo kamin chɛ boo ɔ chii, a basan a chenɛ a, mbɛ wo‑a a a dɛ baa ma, pimbi wa chɛ ɔ. Ɛ ma‑a kaina di chɛ‑a, a basan a nyinɛ a daunɛ a tɔɔya a.’ ”

MATIU 24:30

Mbɛ fenɛ ɛ ma‑a wan banda ma, min mbe a ɔ yian‑da mɔɛ n na, mbɛ n fan, Mɔ Gbu 'a Denɛ, n mbe ka na‑a na. Ni n sin ma‑a na‑a, mɔɛ nu dunya gbɛɛ ɔ, an mbe di chɛ‑a wan chinchimaya ɔ. Koe min na mu, mɔɛ gbɛɛ ɛ n yen‑da wan na‑a gbasaya wa ɔ dugbu ɔ, a yɛ to, n mbe ma‑a wan man‑da Yataa 'a manɛ a.

MATIU 25:41

“Mbɛ n fan mansa chɛ, mɔɛ chɛ nu n manɛ ɔ, n mbe a fɔ‑a wan an ye, n dɔ, an ni ka n ya a. N dɔ, Yataa‑a an danka. N dɔ, an ni ta pan kuɔ fɔ ta man chɛ ɔ, Yataa‑a min dɔ bɛn Sitana ko a, nyina yama n kun ti, an bɛ a 'a nyina yama n na.

MATIU 25:46

A sin, Yataa ɛ mɔ bonda chɛ n na ta‑a wan kaina, an mbe ma‑a kaina mɔnɛ ɔ bia‑a kuɔ fɔ ko a. Chɛɛ mɔɛ tɔɛ chɛ nu, miin tanden mu Yataa tena, an mbe kuɔ fɔ fɔɛ ma sɔn‑da wan.”

MATIU 26:24

N fan, Mɔ Gbu 'a Denɛ, n mbe na tena wan fa‑a, yɔ a nyɛnden mu buɛ min dɔ Yataa 'a gboo ɔ, a si n ma. Chɛɛ ɛ yaua‑a gba mɔɛ chɛ ko a, min mbe n ma tachɛ‑a. Ni a nii ma suun ni, a ni nyan‑da wan a ko a.”

MATIU 7:23

Chɛɛ n sin, n mbe a fɔ‑a wan an ye, n dɔ, ‘Wo ka n fɛ. N ma wo sɔn tee, wo wan ko yama ma mɔɛ chɛ nu.’ ”

DUKU 13:27

Chɛɛ ɛ a fɔ‑a wan to, a ɔ, a ma wo sɔn ɛnden bɛɛ a. A ɔ, ko yama ma mɔɛ mu wo a, a ɔ, wo ni ka a fɛ.

CHƆN 5:14

Chɛɛ chɛ gbakɔ, Chisɔsi‑a kamin chɛ yen fan Yataa 'a kata ɔ, mbɛ a‑a a fɔ a ma, a ɔ, “A yen ko, i baun‑da gbɛ sanche. Chɛ an fɛ mu, i ma ko yama ma to. Ni chɛ ma, tɔɔya min mbe i tan‑da gbɛ, ɛ yaua‑a a saa ma.”

Gboo Fiipai Ko A 3:19

An 'na Yataa mu an 'na dunya ma buɔdia an na. Koe min ma mauen mu, a ma koe a, an mbe yonka tɛ an ma koe a. A sin, an yiima gbɛɛ ɛ dunya ma koe n fan ma. An danka, ɛ ma‑a kasaa an na.

Gboo Saa Tɛsadonika Ko A 5:3

Mɔɛ n mbe ma‑a a fɔ‑a dechee, an dɔ, “A yama ee nɛ,” an dɔ, “koe n dɔ chimaen mu,” a tima chɛ a mu, kasaa ɛ an tan‑da. Ɛ an tɛnɛ‑a wan, yɔ bu ɔ tɛ ɛ musu tɛnɛ buɛ min dɔ. A sin, mɔɛ n kun mbe ee bɔ‑a a ɔ.

GBOO FEAN BƆƐ TƐSADONIKA KO A 2:8

A tima chɛ a mu, mɔɛ min mbe ee sawa kɔɔ, ɛ yen‑da wan. Chɛɛ ni Mansa Chisɔsi na‑a to, fia min mbe bɔ‑a dechee a da ɔ, an mbe an mɔɛ chɛ fa‑a. Chisɔsi ɛ ma‑a man ba min dɔ, an mbe an mɔɛ chɛ kasaa‑a.

TAITƆSI 2:13

Mmɔ ya ɛ ta‑a ma‑a tee duaen chɛ ya ɔ, mmɔ 'a Yataa wa Chisɔsi Chasi, mmɔ kun ka mɔɛ, ɛ na‑a manɛ ɔ tee min ma.

GBOO IBU MƆƐ N KO A 10:29

Ni tea mu chɛ a, fen koe ɛ na‑a ma‑a gbɛ mɔɛ chɛ a, min mbe ee a gbɔsɔ‑a Yataa 'a denɛ ko a? Yataa 'a dɔbɛn nama chɛ, Chisɔsi wii min bɔn‑da mmɔ 'a ko yama n ko a, mɔɛ min mbe ee a ya‑a fen kɔ fen na. Fen mbe ma‑a an mɔɛ chɛ a? Yataa Nyina, min mbe koadia demanɛ chɛ, mɔɛ min mbe a main. Fen mbe ma‑a an mɔɛ a? Wo wo yii na chii wɛ, ko yawaen chɛ a, Yataa ɛ min si‑a an mɔɛ chɛ a.

2 PITA 2:17

An mɔɛ chɛ nu, mɔ a tenden ma an na, yɔ yii mɛsɛ mɛsɛ nu, ni an gbaa‑a. An maenɛ ɛ to yɔ banda gbii, fia wa ɛ ben min na. Yataa‑a kaina ɔ bɛn an ko a, pimbi pimbi wa ɔ.

2 PITA 3:7

Chɛɛ mmɔ ta duu gboo chɛ wɛɛ, a fea banda chɛ a, Yataa da a bai dɔndɔ gbe chɛ an‑na a ma an mbe nɔ. A wan Yataa dɔndɔ gbe chɛ, ɛ an kun ma fɛn tena, min mbe a ma, ta ni danka an kasaa‑a. An mbe nɔ tee chɛ an ma kɔn koe a, Yataa sɔn bai chɛ nu, kaa a ɛ tɛ‑a an ma tee min na, an ni kasaa.

CHUDA 1:13

A yɛ to, ni yii fa‑a, ɛ fenɛ n na fɔnɔ wan tindi ma, mbɛ a yɛ‑a. Mɔɛ chɛ n bɛɛ, an mbe ka wan. An mbe an 'na mauma koe n to ka wan an gbaa, mbɛ an ta‑a. An mbe wan to yɔ tɔmbuaka chɛ nu, miin ka‑a chia chɛ ma, Yataa‑a min yian an na, mbɛ an ta‑a an ta gbee a. Yataa‑a kaina ɔ bɛn an ko a, ma koe a pimbi pimbi ɔ kuɔ fɔ ko a.

KO Ɔ NUNDENƐ 20:11

Mbɛ n‑na mansa sea wa dɛgbɛ yen banda bu ɔ, a gbɛenɛ fion, Yataa ɛ si ɔ a ma. A bɔ‑a kɛn dechee a a, duu gboo fea banda a, an tuin‑da, mɔ ɔ mɔ ma an yen ni to.

KO Ɔ NUNDENƐ 20:14

Mbɛ saya fea faa a, an na dɛ‑a ta man ba ɔ. Ta wa chɛ ɔ ta, an mu saya fean bɔɛ a, a dankama.

KO Ɔ NUNDENƐ 21:8

Chɛɛ mɔɛ chɛ n tana, an gbɛɛ, an baa ɛ ma‑a ta man ba chɛ an na, sen gbandima chɛ ɛ ka min dɔ. Mɔɛ chɛ nu, miin mbe chian sɔ koe a gban Chisɔsi ko a, miin mbe sɛmbɛ dan koe a Chisɔsi a, a basan chɛ n na, miin mbe ko yama sɛsɛ ma. A yɛ to, mɔ fa mɔɛ chɛ nu, ko yama tɛ mɔɛ nu, sua chɛ nu, miin mbe fenɛ n fai, miin ma Yataa a, an bɛ fania fɔ mɔɛ n gbɛɛ a. An mbe ma min chɛ‑a ta chɛ ɔ, an mu an 'na saya fean bɔɛ a, a dankama.”

KO Ɔ NUNDENƐ 22:15

Chɛɛ mɔɛ chɛ n nɛnɛ nu, wuu chɛ nu, an mbe ma‑a an duu wa chɛ fɛnsi kɔ wan. Mɔɛ nu, miin mbe suaya a, ni miin mbe ko tɛ a. Chɛ n bɛɛ miin mbe mɔɛ fa, ni miin mbe fenɛ n fai, min ma Yataa a. A basan chɛ n gbɛɛ a, miin toen mu fania koe n na, an sin mbe fania fɔ tima ɔ tima ko a.