GBOO FEAN BƆƐ TƐSADONIKA KO A 1:4 - Yataa 'a Dɔbɛnɛ Nama

⁴ Chɛ an fɛ mu, nn bɛɛ, nn mbe koɔ chɔchi tɔɛ chɛ n dɔ, nn kunɛ kɔɔ sɔenɛ a, a si wo ma. A si wo e koe n dɔ bia tena buɛ min dɔ. An mbe a ma tena wɛɛ wo e tɔɔ tena, wo kai faenɛ mu tun Chisɔsi a.

GBOO FEAN BƆƐ TƐSADONIKA KO A 1:4 Iomraidhean Croise

GBOO DOMI KO A 12:12

Wo ma buɔdia ɔ, tima ɔ tima ko a. Koe min na mu, wo yii na tɛ tena ɛ wan. Ni yakɔɔtawa‑a wo tan, wo wo faa bia. A sin, wo samunɛ chɛ tima ɔ tima ko a.

GBOO DOMI KO A 2:7

Mɔɛ dɔ nu, an mbe ko chɛndɛ an ma tima ɔ tima, an mbe Yataa 'a dua yanɛ a, a 'a tando, a basan kuɔ fɔ fɔɛ a, ɛ min be. An mɔɛ chɛ nu, Yataa ɛ an kuɔ fɔ fɔɛ be‑a wan an ma.

GBOO DOMI KO A 8:25

Chɛɛ ni mmɔ yii ma‑a fenɛ kɔ, mmɔ ma min yen nin bɛ, mmɔ ɛ mmɔ faa bia wan a ma kɔnɛ a.

GBOO SAA KƆYINDI KO A 7:17

Sawa mu chɛ an na, n mbe wo kan tena min na chɔchi n gbɛɛ ɔ. Mansa Chisɔsi‑a mɔ ɔ mɔ ma koe fɔ buɛ min dɔ fɔɛ chɛ ɔ, mɔ ɔ mɔ ni ma ka a ɔ. Mɔ ɔ mɔ 'a fɔɛ ni ma, yɔ a ni buɛ min dɔ, Yataa‑a mɔ ɔ mɔ chee tima min na, ma koe a a ta mɔɛ n na.

GBOO FEAN BƆƐ KƆYINDI KO A 12:10

Gbasaya ee ka buɛ min dɔ n boo ɔ, chɛ‑a n faa chima, Chasi ko a. N faa chimaen mu, mainɛ ɔ bia koe a, yakɔɔtawa bia koe a, ko ma gbaaenɛ ɔ bia koe a, a basan ko gbɛama n na. Koe min na mu, gbasaya ee n boo ɔ tima min na, a tima chɛ a mu, n dɔ gbɛ.

GBOO FEAN BƆƐ KƆYINDI KO A 7:14

N gbu na‑a wo ma yonka tɛ wan a tena, wo sin ma n na mau ni. Tima ɔ tima ko a, nn‑na bai miin gbɛɛ fɔ wo ye, tea nu mu. A sin, a chia dɔndɔ gbe chɛ a mu, nn‑na yonka min tɛ Taitɔsi tena, a si wo ma, a wɛɛ ma‑a tea a.

GBOO FEAN BƆƐ KƆYINDI KO A 7:4

N yii faen mu wo ma kaka. N mbe yonka min tɛ wo ma, a da a koo. Ko gbɛama chɛ n gbɛɛ ɔ, nn mbe miin dɔ bia tena, buɔdia koo n dɔ, a gbu danka ee.

GBOO FEAN BƆƐ KƆYINDI KO A 9:2

N‑na a ɔ sɔn fan, mbɛ wo ma bɛndenɛ mu, basan koe a an ma. N gbu sin, n mbe yonka tɛ wan, a si wo ma mmɔ bɔɛ Chisian chɛ n tena Masidonia chɛnyɛ ɔ. N mbe a fɔ wan an ye, mbɛ an bɔɛ Chisianɛ nu, miin mbe Akaya chɛnyɛ ɔ, an ma bɛndenɛ mu, kɛn banun, demanɛ chɛ koe a. Faa min mbe wo ɔ demanɛ chɛ koe a, a‑a a ma wan, an sɛsɛ faa bɔ‑a gbɛ.

GBOO FEAN BƆƐ KƆYINDI KO A 9:4

Koe min na mu, ni Masidonia mɔɛ n bea‑a nn fɛ, na koe a, an ni a ɔ yen, mbɛ wo ma wo ma bɛn ni, mau wa mu nn ko a. Wo ta nan tana, n yii na tɛen mu ka buɛ min dɔ wo ma, n mbe ee a fɔ, wo ta mau ɛ ma‑a buɛ min dɔ.

Gboo Saa Tɛsadonika Ko A 1:3

Nn mbe ma samunɛ chɛ‑a tima ɔ tima mmɔ Fa Yataa tena, wo wakoe ɛ ma wan nn yii ma. Nn mbe Yataa wai bɔ tena wo ko a, wo e wai min chɛ tena. Koe min na mu, wo kai faen mu Mansa Chisɔsi a. Nn mbe a wai bɔ tena, koadia ko a, min mbe a ma tena wo e wai chɛ tena wo sɔɛ a. Nn mbe a wai bɔ tena, yiinatɛ ko a, wo gboo ɔ ma fa ni min chɛ koe a mmɔ 'a mansa Chisɔsi Chasi a.

Gboo Saa Tɛsadonika Ko A 2:14

Chɛ sin fan fɛ mu, nn suun ma nyɔɛ nu Chasi ɔ, wo na‑a ko yawaenɛ ɔ bia wo chɛnyɛ nyɔɛ n boo ɔ. Wo na‑a bɔ ka chɛ n fan gba ɔ, chɔchi nu Chudia chɛnyɛ ɔ, miin kai faen ni Chisɔsi Chasi a. An bɛɛ na‑a ko yawaenɛ n dɔ bia ka wan, Chu mɔɛ n boo ɔ, an chɛnyɛ nyɔɛ nu.

Gboo Saa Tɛsadonika Ko A 2:19

Ko dɔ gbɛɛ kan kɔ kan mbe ee to nɔ, min mbe yiinatɛ be nn ma, a ni nn bu ɔ dia, a ben wo ma. Wo wan, nn mbe wo wɛn ya a tɔnɔnɛ a, mbɛ nn‑na nn kunɛ kɔɔ sɔ den, mmɔ 'a mansa Chisɔsi chen kɔɔ, a na tima ma.

GBOO FEAN BƆƐ TƐSADONIKA KO A 3:5

Nn mbe samunɛ chɛ tena Mansa Chisɔsi tena, wo ni a ɔ sɔn chɛndɛ chɛ, Yataa toen mu wo a buɛ min dɔ. Wo ni a ɔ sɔn to, Chisɔsi na‑a ko yawaenɛ min nyɔn dɔ bia, a sin mbe a ma tena wo wɛɛ, wo e a ɔ bia.

GBOO IBU MƆƐ N KO A 10:36

Mɔɛ ɛ i faa bia wan, min mbe a ma, i ni che Yataa faa ma koe ma‑a. An mbe a ma, i ni fen chɛ ma sɔn, a na‑a tooɔdia chɛ min be koe a.

GBOO IBU MƆƐ N KO A 6:12

Chɛ ɛ a ma‑a wan, wo ee ma‑a gboo ɔ fa tɔɛ n na. Chɛɛ wo e bea wan mɔɛ chɛ n fɛ, miin‑na an kai fa Yataa a, an‑na an faa bia, mbɛ Yataa na‑a an too ɔ dia min gbɛɛ a, an‑na an ma sɔn.

GBOO IBU MƆƐ N KO A 6:15

Chɛ sin ko a, Ebeami na‑a a faa bia wan ko sɛsɛ a, mbɛ a too ɔ dia‑a min na, a‑a a ma sɔn.

CHIMISI 5:11

Dua ɛ ma wan mɔɛ chɛ n ma, miin mbe faabia chɛ ko yawaenɛ ɔ. Kai Chobi mu an mɔɛ chɛ n dɔndɔ a. Wo‑a a a min fan, a na‑a a faa bia buɛ min dɔ. A sin, wo‑a a ɔ yen fan to, Mansa Yataa 'a dɔbɛnɛ na‑a bɔ buɛ min dɔ a gbee a. A mu min na, chinchimaya faa an mbe Yataa ɔ, a sin mbe chinchin.

2 PITA 1:6

A yɛ to, wo wo 'a Yataa yiima ma munda wo tachɛ buɛ n na fɔɛ ɔ. Mbɛ wo‑a faabia sa wo tachɛ buɛ kun ma fɔɛ ɔ. Mbɛ wo yɛ‑a to, wo ma‑a mɔɛ n na, Yataa wakoe ɛ miin faa ɔ kaka.

KO Ɔ NUNDENƐ 14:12

Chɛ gbɛɛ‑a a yian fan ka, mbɛ faabia an nyin Yataa 'a mɔɛ n ko a. Mɔɛ chɛ nu, miin mbe Yataa 'a sawa bia chɛndɛ, an kai faenɛ ɛ Chisɔsi a gban.