GBOO FEAN BƆƐ TƐSADONIKA KO A 1:3 - Yataa 'a Dɔbɛnɛ Nama

³ Nn suun ma nyɔɛ nu Chasi ɔ, nn mbe samunɛ chɛ tena tima ɔ tima wo ko a. A sin nyin fan nn ni a ma ka. Koe min na mu, wo 'a kaifa Chisɔsi a, a ma ɛ munda tena wan kaka. A sin to, koadia ma ɛ munda tena wan wo faa ɔ, wo nyɔn ko a.

GBOO FEAN BƆƐ TƐSADONIKA KO A 1:3 Iomraidhean Croise

DUKU 15:32

Chɛɛ mɔɔ ni mmɔ‑a buɔdia bonda chɛ bɔ, a mu min na, i dɔɛ chɛ faen fan ni, chɛɛ a yɛ‑a gbɛ fɔɛ ɔ. A toen fan ni a ɔ, chɛɛ a yen‑da gbɛ sanche.’ ”

DUKU 17:5

Mbɛ Chisɔsi 'a sɔ mɔɛ chɛ n‑na a fɔ Mansa Chisɔsi ye, an dɔ, “Basan nn ma, nn 'na danaya Yataa a, a ma ni munda.”

CHƆN 15:2

N bonɛ kan kɔ kan, min mbe ee gbɔ chɛndɛ be, ɛ a ka wan a ma. N bonɛ min sin mbe ee gbɔ a tenden be, ɛ a tɛ‑a wan a a, min mbe a ma, a ni nyan chɛndɛ, mbɛ a gbɔ‑a wɔsɔkɔɔ.

GBOO DOMI KO A 1:8

Koe saa mu min na, n mbe Yataa wai bɔ tena wo gbɛɛ ko a, Chisɔsi Chasi 'a gbasaya ɔ. N mbe Yataa wai bɔ tena, koe min na mu, dunya gbɛɛ, an mbe a fɔ tena wan danaya min mbe wo ɔ Chisɔsi Chasi ko a.

GBOO SAA KƆYINDI KO A 1:4

N mbe Yataa wai bɔ tena wan wo ko a, tima ɔ tima. A sien mu koadia deman chɛ an ma, a‑a min chɛ wo a, wo wɛn mu mɔ dɔndɔɛ a Chisɔsi Chasi a.

GBOO FEAN BƆƐ KƆYINDI KO A 10:15

Chɛ an fɛ mu, nn mbe ee yonka tɛ, mɔ dɔ mende n‑na wai chɛ gba ma, min mbe ee tinɛ chɛ ɔ, Yataa‑a min yian nn na. Chɛɛ nn yii na tɛen mu, mbɛ wo 'a danaya ma ɛ munda‑a buɛ min dɔ, nn bɛɛ, nn mbe wai chenama chɛ‑a ka wan wo tɛ ɔ. A sin, tima ɔ tima ko a, nn mbe ma‑a a tinɛ chɛ an dɔ, Yataa‑a min yian nn na.

Gboo Ɛfisɔsi Ko A 5:20

Tima ɔ tima ko a, mmɔ Yataa wai bɔ, mmɔ Fa. Mmɔ a wai bɔ fen kɔ fen ko a. Mmɔ chɛ ma, Mansa Chisɔsi Chasi tɔɛ ɔ.

Gboo Fiipai Ko A 1:7

A nyin yiinachii chɛ sima ni ma n dɔ, a si wo ma. Koe min na mu, wo wakoe ɛ wan n faa ɔ. A mu min na, wo gbɛɛ, wo e basan tena wan n ma, wai chɛndɛ chɛ chɛ koe a, Yataa‑a min be n ma, a chɛ koe a. Wo basan‑da wan n ma, tima min na n ni ben‑da sɔ‑a sawa ti n na, sakana bai chɛndɛ chɛ ko a, a kɔ ni gbɛa. A sin to, n mbe wɛɛ ka sa ɔ pimbi chenɛ a sanche, wo e basan tena wan n ma.

Gboo Fiipai Ko A 1:9

A sin, chɛ an mu samunɛ a, n mbe min chɛ tena, mbɛ koadia min mbe wo faa ɔ, a ma ni munda tima ɔ tima ko a. A yɛ to, yiima ni ma wo ɔ, wo ni koe n tɛ bɔɛ sɔn,

Gboo Saa Tɛsadonika Ko A 3:12

Koadia min mbe wo faa ɔ, wo nyɔn ko a, a basan mɔɛ tɔɛ gbɛɛ a, Mansa Chisɔsi ni a ma munda ta‑a. A ni koa yɔ nn ta koadia wo ko a.

Gboo Saa Tɛsadonika Ko A 3:6

Chɛɛ Timoti yɛ‑a sanche gbɛ nɛ, a ka wo tena. A na‑a bai min na, a si koadia ma, ni wo kai fa buɛ Chisɔsi a, buɔdia mu. A ni a fɔ nn ye, mbɛ tima ɔ tima ko a, wo e yii na chii chɛndɛ an chɛ nn na. A sin, nn toen mu nn ni wo yen buɛ min dɔ, wo wɛɛ wo toen mu ka wan nn yen koe a.

Gboo Saa Tɛsadonika Ko A 3:9

Nn mbe tando be tena gba Yataa ma, wo ko a. Koe min na mu, nn 'na buɔdia koo, a chen kɔɔ, wo ko a.

Gboo Saa Tɛsadonika Ko A 4:1

A danka a gbɛ, nn suun ma nyɔɛ nu Chasi ɔ, wo‑a a kan fan nn ma, wo e ma fɔɛ min sima ɔ, min mbe Yataa faa chima. Wo sin, tea ko a, wo e tachɛ tena ka wan fɔɛ ɔ. Sanche gbɛ sin, a dinden fan mu wo ma, mbɛ wo ma yɛ to kuu kɔ. Mmɔ ma‑a mɔ dɔndɔɛ a, mmɔ bɛ Mansa Chisɔsi a. An fɛ mu, nn mbe wo faa ma nande tena, wo ni a a tun tachɛ koe a chɛndɛ chɛ.

GBOO FEAN BƆƐ TƐSADONIKA KO A 2:1

N mbe bai sa tena gbɛ, a si mmɔ 'a mansa Chisɔsi Chasi yɛ koe ma to dunya chɛ ɔ, a ni mmɔ a sɔn sɔn kaina dɔndɔɛ, a wandi tena. Nn suun ma nyɔɛ nu Chasi ɔ, nn mbe wo disa tena wan.

GBOO FEAN BƆƐ TƐSADONIKA KO A 2:13

Nn suun ma nyɔɛ nu Chasi ɔ, a dindenɛ mu nn ma, Yataa wai bɔ koe a wo ko a tima ɔ tima. Wo ko a di mmɔ 'a mansa Chisɔsi ye kaka. Yataa wɛɛ na‑a wo pɛn ya, bauncha ma sɔn koe a. A saa saa a, ɛ wo baun fan Yataa Nyina 'a gbasaya ɔ, min mbe a ma‑a, wo ni ma tenchen Yataa ko a. A yɛ to, wo dandenɛ min chɛen mu tea chɛ a, a si Chisɔsi ma, ɛ wo baun fan.

1 PITA 1:22

Wo‑a wo boo a si min chɛ sakana bai chɛndɛ chɛ kɔɔ, tea mu min na, wo ko‑a gbɛ, a bɔ wo 'a ko yama n dɔ. Chɛ ni a ma, koadia chɛndɛ ni ma gbɛ wo ɔ. Ni a sin ma‑a ka, wo ni to wo nyɔn na pien, wo faa gbɛɛ a.

2 PITA 1:13

N‑na a ɔ sɔn fan, mbɛ n fɔɛ ɔ ma yansan to, n gboo gbama chɛ boo ka koe a. A ɛ ma‑a wan, yɔ mmɔ 'a mansa Chisɔsi Chasi‑a a fɔ buɛ min dɔ, a boo kaenɛ ɛ a ma den. Chɛ an‑na a fɔ, n ma fa nin bɛ ka tima min na, n‑na n yii na chii, mbɛ a nyin n ni wo yii na che koe chɛ n ma.

2 PITA 3:18

Chɛɛ koadia demanɛ, a kun ma ni sa wo tena. A yɛ to, yiima min mbe wo ɔ, a si mmɔ 'a mansa Chisɔsi Chasi ma, mmɔ baun mɔɛ, a kun ma ni sa. Tando ni ma a tɔɛ ma sanche, ni kuɔ fɔ ko a. A ni ma ka.