RWCHAPMUNG 8:9 - Kok Borok (Re-edited) Bible (BSI)

⁹ Tumung bo deual wngma tlai chwng bini saka-o rukphaini nok kuchuk tang kha mun; tumung bo duglam wng khe, chwng sidar buphang bwlap bai kholop kha mun.

RWCHAPMUNG 8:9 Iomraidhean Croise

1 HABUGRA 6:15

Bo noksingni deualno sidar buphang bwlap bai khop kha; nok thongarni simi uyar jora bisingno buphang bwlap bai khop kha; tei nok thongarno saiprasni buphang bwlap bai máng khop kha.

RWCHAPMUNG 1:11

Chwng nini bagwi rukphaini bubak gwnang rangchakni toya, uakhum tagwi rwnai.

RWCHAPMUNG 2:9

Ani hamjakma khe mwswi hai eba mosok bwsa hai. Nai di bo deual sederwi bacha phai-o, tei tailamrok tẃi naharo phiya rí keseng tẃi naisono.

JISAIA 58:12

Nini bororokni kwcham tei báikhrupjakrokno snam phinai; nwng kwbángma bosongni kusung kusungni thonglano tisa phi anw; tei nwng kwbairokno snam phinai tei tongthaini lamarokno snamnaisa hwnwi ringjak anw.

JISAIA 60:17

Ang pitolno tubu yaui rangchak tubunai, tei sor tubuyaui rukphai tubunai, buphang tubuyaui pitol tei holong tubu yaui sor tubunai. tei nono naikolnairokno kwchang kwchang tei samung tangnairokno sói kubui khlainai.

JISAIA 61:4

Bórok kamiyung kwcham báijakrokno tisa phinai, swkangni bukcha báijakrokno snamwi tisanai; tei swbaijak khibijak kamiyungrokno, bosongni kusung kusungni báijak kamiyungrokno bebakno kwtal khe snam phinai.

MATHAI 16:18

Hakhe Pitor ang nono o kókbo sa-o, ang o holongni saka-o ani motha tisa anw, butharnairokni phan suda abono mechenwi man glak.

SAMUNG 14:27

Bórok Antioko sógwi mothani bororokno thum kha, hakhe Kaitor bórokni yak tẃi aswk samung khlaimaroknobo saui khna rw kha, bo bahai khe buini bororok poito khlaina tẃi khe lama phiyógwi rw kha abonobo saui khna rw kha.

SAMUNG 15:16

“ ‘Omoni ulo ang kiphilnai hwnwi Subrai sa-o, hakhe Daudni nok klaijakno ang tang phinai. Ang bini kurung karangno tang phinai, hakhe abono tisa phinai.

UÁINWINI SA PHIMA 22:8

“Nok kwtal tang phuru núkhúng bai kitingwi uárap kha di, wng ya khe aroni klaiwi thwi khe, nini nogo a thẃini majra phinjaknai.”