RWCHAPMUNG 8:8 - Kok Borok (Re-edited) Bible (BSI)

⁸ Chini bukhuk khoroksa tongo, bini khája se phaisa ya kho. Bono káina kók sók phai khe chwng chini bukhukni bagwi tamo khlainai?

RWCHAPMUNG 8:8 Iomraidhean Croise

LOBMUNG 2:8

Ani thani san di, dopharokno nini bosong khlainai tei o ha yaphang buchuk nini snamnai.

RWCHAPMUNG 4:5

Nini khája khe mwswi bwsa apher hai, lili khum bwlwngo cháui berai tongnairok hai.

RWCHAPMUNG 7:3

Nini khájarok mwswi bojro hai, mwswi bwsa apherrok hai.

RWCHAPMUNG 8:10

Ang le chokdeual se, tei ani khájarok khe nok kuchukrok hai; hakhe ang bini mokolni kangma ham rwnai hai wng kha.

RWCHAPMUNG 8:9

Tumung bo deual wngma tlai chwng bini saka-o rukphaini nok kuchuk tang kha mun; tumung bo duglam wng khe, chwng sidar buphang bwlap bai kholop kha mun.

JISAIA 49:6

Bo hai hwnwi sa kha, “Nwng Jakobni bebak bosongno songchana bagwi, tei Israilni khatijak bororokno tei uáisa kiphilwi tubunani bagwi, ani seleng wngnani, abo belai klai kók; ani mwthangma ha páithak jora sógwina bagwi, ang nono dopharokni thani pohor hai khlainai.”

ESEKIEL 16:46

Nibi okra khe Samariajwk, bini sajwk bai khe nini salsibai bwkhago tongo tei nini hanok khe bwsajwk bai nini salgrabai bwkhago Sodomo tongo.

ESEKIEL 16:61

Nini bukhuk okrarok bai bukhuk kusurokno kiphilwi man phuru khe nwng nini samung hamya khlaimarokno muitu wngnai tei ma lachinai. Tamo khe ang bórokno nini sajwk wngnani bagwi rwnai, hai phano nwng bai ang swmai tangmani bagwi ya.

ESEKIEL 16:7

Ang nono panthorni buphang hai khe tor rw kha. Nwng tor kha lok kha tei nwng sikla wng kha tei nabo naithok kha. Nini khájarokbo tor kha tei nini bwkhnai lok kha, phiya ba nwng sago rí kwrwi sak lánga.

ESEKIEL 23:33

Nwng phek suknai tei dukhu kupulung mannai, nini bukhuk Samariani khuri abo komor rwnai tei bukcha khlainai.

LUK SWIMANI KOTHOMA KAHAM 19:44

Hakhe nwng bai bini oro tongnairokno bórok sokomor súk anw; holong saka holong dulsa phano bórok narwk glak, tamni hwn khe Kaitor nono mwthangna phaimani abono nwng saui man li ya.”

JOHON 10:16

Ani teibo mera tongo, abórok o kutni ya; abóroknobo ang ma tubuna nang anw. Bórokbo ani kók khna anw, hakhe bórok gut kaisa wng anw, mwrwknaibo khoroksa wng anw.

SAMUNG 10:1

Kaisaria-o Kornili hwnwi borok khoroksa tongo, Rum sengkrakrokni bisingo “Itali Gut” hwnmani a gutni okrarokni bere bo’-bo khoroksa.

SAMUNG 16:9

Pol a horo Kaitor bai imang phunukjak kha, a imango bo Makidoniani borok khoroksa bachajak nuk kha. A borok bono hai hwnwi koiwi sa kha, “Makidonia-o se phai ja di, chwngno chuba phai di.”

SAMUNG 22:21

Subrai ano hai hwnwi sa kha, ‘Tháng di, tamni hwn khe ang nono hakchalma-o buini bororokni thani rohornai.’ ”

SAMUNG 7:38

Hasing panthoro a kuthumjak Israilrok bai o Musi’-no tongo; bo aro chini chuchusong bai tongo, phiya Sinai Hathái-o bono kók sanai a suari baibo tongo; chwngno rwnani bagwi bo Kaitorni aroni kók kwthang man kha.

1 PITOR 2:12

Norok poito kwrwirokni bisingo kaham khe tong di, hakhe bórok norokno samung hamya khlainai hwnwi sa khe bórok’-no norokni samung kahamrokno ma gosinai; omo tẃi khe Kaitor phainani salo bono ma lobnai.