RWCHAPMUNG 8:11 - Kok Borok (Re-edited) Bible (BSI)

¹¹ Balhamono Solomonni angur bwlwng tongmani; bo angur bwlwngno mwrwknaino barja rw kha; a bwtháini bagwi rukphaini rang belep sa-sai rw-o.

RWCHAPMUNG 8:11 Iomraidhean Croise

YAPHANG 20:16

Bo Sarano hai hwnwi sa kha, “Nai di ang nini takhukno rukphai budul dulsaisa rw kha; abo norok bai tongnai bebak borokni thani nini mungsa majra kwrwi hwnwi sijak rwna mari se; bebakno sinai nwng mungsa cha ya khlai ya.”

PHRWNGNAINI 2:4

Ang samung kotor khlai kha: ang sakni bagwi nokrok tang kha tei angur bwlwngrok snam kha;

RWCHAPMUNG 1:6

Ani sakur kosom hwnwi ano ahai khe naisigwi ta tong di, tamni hwn ba satung khamprama bai se ang ahai wngo. Ani takhukrok ano jolijagwi angur bari-o samung tang rw-o; bórok ano angur bwlwngrokno mwrwknai snam kha tamo khe ani sakni angur bwlwngno khe ang naikini khlai li ya!

RWCHAPMUNG 2:3

Bolongni buphangrokni bere apel phang hai, ani hamjakma bo chwlarokni bisingo abo hai. Bwkha tong thogwi bini saklomo achugo, tei bini bwtháino ang thokjago.

RWCHAPMUNG 7:12

phai di aidrobo angur bwlwngrogo tháng lainai, tei abo ro de rotom kha nai lai anw, tei dalim bubar da bar kha nai lai anw. Nono ang aro ani hamjakmano rwnai.

RWCHAPMUNG 8:12

Ani sakni angur bwlwng, abo ani banta’-no; o Solomon, nini a sa-sai rang nini’-no tong thung tei angur bwlwng nainaini banta khe nwira!

JISAIA 7:23

A salo bebago rukphai sasai bai angur sasai man thani-o, abo bebakno atakereng bai busulwngrok máng wngnai;

MARK 12:1

Aphuru Jisu bórokno rwngthoma bai hai hwnwi sa kha, “Borok khoroksa angur káimani. Bo a angur bari bera dúm bai kha, angur sepna bagwi holongdabo hakhor khur kha, phiya mwrwkna bagwi garing tang kha. Hakhe bo a barino munirokni yago klangwi beraina tháng kha.