RWCHAPMUNG 8:1 - Kok Borok (Re-edited) Bible (BSI)

¹ Nwng ani amani abuktwi cháui tornai ani takhuk hai! Tumung ang nono phataro malai phano motom su-ui man kha mun. tei khoroksa phano mungsa hwn glak kha mun.

RWCHAPMUNG 8:1 Iomraidhean Croise

LOBMUNG 2:12

bini yakung motom su di, wng ya khe bo jolinai se, wng ya khe norok lamao’-no komornai; kisa kheno bo jolinai se. Bini thani bwkha beranairok bórok hamchajak. Daud, bwsajla Absalomni aroni khárwi tháng phuru rwchapmani.

LOBMUNG 51:17

Bwkha kwbai bwkha bai yapharmarokno se Kaitor yachago; o Kaitor nwng bwkha kwbai khairoksusuk bwkharokno khibi glak.

RWCHAPMUNG 1:2

Nwng ano motom suma saka motom su di! tamni hwn ba nini hamjakma angur bwtwini slái se kaham kuk,

RWCHAPMUNG 7:13

Mandrak bwthái báhai motomsa kha, kaham kaham bwthái-bumukrok chini nok dugar gana’-ono tongo, o ani khájani abórok bebakno nini bagwi khatiui tono.

RWCHAPMUNG 8:2

Hakhe ang nono tolwi amani khotolo tubu-ui phai kha mun, ano ogo chunaijwkni khotolo. Ang aro nono motom sabuljak angur bwtwi tei dalim bwtwino khan rw kha mun.

JISAIA 60:14

Nono sátoknairokni bwsarok bokhorok bomwi nini thani phai anw; tei nono sak nang yarok bórok bebakno nini yakungo klaiwi ma khulum anw; bórok nono Subraiyungni kamiyung, Israilni Kwthar Siyon hwnwi ringnai.

JISAIA 7:14

Aboni bagwi Subraiyung sakphang’-no norokno mari kaisa rw anw. Nai di, bwrwi sikla khoroksa sakderiya wngnai tei bwsa chwla khoroksa bá anw tei bini bumung ‘Imanuel’ hwnwi pharjaknai.

JISAIA 9:6

Chini bagwi chwrai khoroksa achai kha; chwngno chwla bwsa khoroksa rwjak kha, tei bini bangora saka-o’-no ha naikolphangni barja rwjaknai: hakhe bini mung wngnai “Uanamasingcha kókbiti rwnaisa,” “Phan gwnang Kaitor,” mol brúm brúmni apha, “Khakchangni bugra.”

HAGAI 2:7

Ang bebak dopharokno kwlwi rwnai tei bórokni bebak rang-rírokno oro tubujaknai tei nokthar rang-rí bai kupulung wngnai.

SAKARIA 9:9

Kaham khe tongthok di, o Siyonni sajwk! O Jerusalemni sajwk chirik di! Nai di norokni habugra norokni thani phai-o; bo kwplai tei phan gwnang khe phai-o. Bo koinene khe koraichirka saka-o koraichirka bwrwi bwsa saka-o achukjak.

MALAKI 3:1

“Nai di, ang ani tẃitunno lama snamna bagwi ani slái swkang rohor anw tei nwng naitukmani a Subraiyung achomsa khe bini noktharo phainai. Nwng bwkha phurjakmani a swmaini tẃitun phaiwi tongo, hwnwi Phankrak Subraiyung sa-o.

LUK SWIMANI KOTHOMA KAHAM 10:16

Jisu bini sagrirokno hai hwnwi sa kha, “Norokni kók khunju kannai borok bo ani kókno khunju kano; norokno yachak ya borok bo ano yachak ya; ano yachak ya borok bo ano rohornaino yachak ya.”

LUK SWIMANI KOTHOMA KAHAM 12:8

“Ang norokno o kók sa-o, luku bwskango ano gosi khe Kaitorni suarirokni bwskango Borokni Sajlabo a bororok gosi anw;

LUK SWIMANI KOTHOMA KAHAM 18:9

Sakno simi kaham hwnwi khá kaui buino sak nang ya wngnairokno Jisu o rwngthomano sa kha.

LUK SWIMANI KOTHOMA KAHAM 2:38

Bo katswi aphuru’-no aro sók phaiwi Kaitorno hambai rw kha, phiya Kaitor Jerusalemno phiyókna hwnwi naisingwi tongnairokno bo a chwraini kókno saui khna rw kha.

LUK SWIMANI KOTHOMA KAHAM 9:26

Ano tẃi eba ang samani kókno tẃi tumungno khoroksa swk lachijak khe Borokni Sajlabo sakni chẃngsacha bai, Buphani chẃngsacha bai tei suari kwtharrokni chẃngsacha bai chẃngsacha khe phai phuru a borokno tẃi lachijaknai.

JOHON 1:14

Kók mang wngwi chini bisingo tong phai kha, hakhe chwng bini chẃngsacha nuk kha, abo khairokma bai kubui bai kupulung; Buphani songdari Sajla hwnwi bo a chẃngsachano man kha.

JOHON 13:3

Bupha bini yago bebak phan rw bai kha, bo Kaitorni aroni phaimani, tabuk Kaitorni arono tháng phinai hwnwi Jisu saui man kha.

JOHON 16:28

Ang Aphani aroni phimani, ang o swngcharo phaimani; ang tabuk o swngcharno khibiui Aphani aro thángna naiwi tongo.”

JOHON 3:13

Chuknohani phainai Borokni Sajlano karwi kebo phano chuknoha-o kasa ya kho.”

JOHON 8:42

Jisu bórokno hai hwnwi sa kha, “Kaitor sói’-no norokni nwpha wngma tlai norok ano hamjak kha mun; tamni hwn khe ang Kaitorni aroni phaimani se, hakhe ang tabuk oro tongo. Ang ani bai phaimani ya, bo rohorma bai se phai-o.

1 KORINTH 1:28

O swngchar samung chúgo hwnmano chúk ya khlaina hwnwi bo o swngchar natha hwnmano, sak nang ya wngmano, samung nang ya hwnmano chong kha.

GALATIA 4:26

Phiya ba chuknohani Jerusalem khe seleng khatijak ya, bo wng kha chini ama se.

GALATIA 6:14

Hai phano ang le chini Subrai Jisu Khristoni krusni bagwi simi se kók kotor sanai; tamni hwn khe bini krus bai khe o swngchar ani thani kwthwi se, phiya angbo o swngcharni thani kwthwi.

PHILIPI 3:3

Chwng se kubuini sakur rajakrok, a bororok ya, tamni hwn khe chwng Kaitorno bini Phola bai suri-o, phiya Khristo Jisu bai tongwi tongthok lai-o. Saka sakani samungno chwng poito khlai ya.

1 TIMOTHI 3:16

Chini tongtharni bisingni kók bwswk kotor abo joto’-no ma gosi-o. Bo borok wngwi phai kha, bo Phola bai kaham hwnwi sijak kha, bo suarirok bai nukjak kha. Bini kók dopharokni bisingo pírjak kha, bo swngcharni bororok bai poito khlaijak kha, bo chuknoha-o tisaui tlangjak kha.