RWCHAPMUNG 7:9 - Kok Borok (Re-edited) Bible (BSI)

⁹ tei nwng motom sumarok khe arak kaham hai, Abo twrwk twrwk khe bwkhwchwi tei bua tẃi yor khlaiwi thángo.

RWCHAPMUNG 7:9 Iomraidhean Croise

PHRWNGMUNG 16:24

Kók kahamrok le piya bwlap hai se, abo bwkhano kwchang rw-o tei sakni bagwibo kaham.

PHRWNGMUNG 23:31

Arak kwchak wng phano tei khuri-o jilik-jilik khe nukjak phano tei laitesa khe totra lái phano abono ta naisik di.

RWCHAPMUNG 2:14

O ani tokthu, nwng halapni holong kekhokni besero huijagwi tongo; nini mwkhang ano phunuk di, tei nini khorang ano khna rw di. Tamni hwn ba nini mwkhang naithok tei khorangbo khnathok.

RWCHAPMUNG 5:16

Bini khúk belai kwtẃi, bini bebakno ang hamjago. O Jerusalemni bwrwirok bo le ani khájani borok ani hamjakma khásukti.

RWCHAPMUNG 5:2

Ang thu phano, ani bwkha sichajak. khna di! Ani kháni borok dugar bú phai-o. “Dugar phiyok di, o ani khásuk, ani hamjakma, ani tokthu katswi kaham kuk; tamni hwn ba ani bokhorok pantwi bai si kha, horni siyari bai ani bwkhnai si kha.”

RUMSONGNO POL SWIHORMANI 13:11

Norok omo hai ma se ma tongthai, tamni hwn khe tabuk bubo tẃi sal abo norok saui mano. Norokni sichana jora sók phai kha; tamni hwn khe chwng puila poito khlai phuruni slái tabuk chwng mwthangjakna sal se teibo sampha kha.

EPIS 4:29

Búkhúk hamya ta tikhlai di, tamo khe norokni kók khnanairokni kaham wngna tẃi khe khá rak rwnai phiya samung nangnai abo tẃi kók simi sa di.

KOLOSAI 4:6

Khá kwchang rwnai khna thotok wngnai abo tẃi kók sal brúm brúm sana nang anw, phiya joto borokno bahai khe sanai abo norok saui manna nang anw.

HIBRU 13:15

Hakhe phai di, chwng Jisuni bising tẃi ratharmung hai khe Kaitorno lob máng tong lai anw, abo wng kha bini mungno búkhúk bai gosimani abo se.

PHUNUKJAKMANI 14:13

Aphuru ang chuknohani hai hwnwi samano khna kha, “O kókno swi di: Tabukni simi Subraini samung khlaiwi thwinairok bórok hamchajak!” Phola hai hwnwi sa kha, “I’n, abo haino! Bórokni samung bórok bai baksa thángma bai bórok samung kwrak tangmani ma lenglanai.”