RWCHAPMUNG 7:4 - Kok Borok (Re-edited) Bible (BSI)

⁴ Nini kotok khe mayung buani snamjak nok kuchuk hai. Nini mokolrok Bethrabim duglamni Hesbonni pukhirirok hai. Nini bukung khe Damaskos bwkhak naharjak Lebanonni nok kuchuk hai.

RWCHAPMUNG 7:4 Iomraidhean Croise

YAPHANG 15:2

Tamo khe Abram hai hwnwi sa kha, “O Subraiyung Kaitor, nwng ano tamo rwnai, tamni hwn ba ang tabukbo bwsa se kwrwi kho, ani bebakni mannai wngnai le Damaskosni Eliaser se?”

2 SAMUEL 8:6

Hakhe Daud Damaskosni Aramo batham khlai kha tei Siriyarok Daudni seleng wngwi bini bagwi hilirok tubu kha. Subraiyung Daudno bo tháng thani kwplai khlai kha.

1 HABUGRA 10:18

Bo achukthayungbo khungsa kotor khe tan rw kha. Aboni khaksa khe mayung bua bai khopjak tei bára khe rangchak kaham bai khe khopjak.

1 HABUGRA 10:22

Bini twijlango chokjaknai rungtorbo tongo abo Hiramni rungtor bai khe thángo. Bisiktham brúm’-no bini rungtor rangchak, rukphai, mayung bua, mwkhrarok tei tokraithairok tubu-ui phai-o.

1 HABUGRA 22:39

Bugra Ahab tangmani bebak samungrokni kók tei bo mayung buani noyung tangmani kókrok phiya bo tangma kamiyungrokni kókrokbo Israilrokni bugrarokni bosongni láibuma bijabo swijak kwrwi diba?

1 HABUGRA 7:2

Bo a nok Lebanonni bolongo tango; a nok mitar 44 kolok tei mitar 22 kuar tei mitar 13.5 kuchuk.

1 HABUGRA 9:19

Solomonni nangmani rúngnani kamiyungrok tei bini koraini malkhungni bai korai kanai sengkrakrokni bagwi kamiyungrok tei bo tangna muchungma bebak tei Jerusalemo tangna muchungmarok, Lebanon tei bini yago tongma harogo tangna muchungma tẃi’-no tang rw kha.

2 BOSONG 8:6

Balat kamiyung tei bebak bini khatima nok tongmani kamiyungrok tei bebak korairok tei korai malkhungrokni nokrok tangnani hwnwi Jerusalemo tei Lebanon, bini yago tongmani harogo chongmarokno khlai kha.

LOBMUNG 144:12

Chini bwsa chwlarok chasloksa phuru buphang bwsa hai khe torsa thung, chini bwsa bwrwirok khe habugrani noyungni tankhurwi snamjak thongla hai wngnai.

LOBMUNG 45:8

nini bebak kanmung chummung mur belengtwi, aloi tei darchini báhai. Mayung buani noyungrogo buduk gwnang tammungrokni khorangrok bwkha srang rw-o;

RWCHAPMUNG 1:10

Nini khunjuni lolairok nini babainwi khangar mwchangjak, tei kotok madlwirok bai mwchangwi tong kha.

RWCHAPMUNG 4:1

O ani hamjakma, nwng bwswk se naithok, bwswk se naithok! Rí hungklaijak bising tẃi nini mokolrok tokthu hai naithok. Nini khwnairok Giliad harung tẃi khár klai phainai pun bodolrok hai.

RWCHAPMUNG 4:4

Nini kotok khe Daudni nok kuchuk hai bokobom tei milik; aro kwbángma phuirok khachijak abórok sengkrakrokni phuirok máng.

RWCHAPMUNG 4:5

Nini khája khe mwswi bwsa apher hai, lili khum bwlwngo cháui berai tongnairok hai.

RWCHAPMUNG 6:5

Nwng ano ta naisik si di, tamni hwn ba abórok ani bwkha kobor cha rw-o! Nini khwnairok Giliad halapni khár klai phainai pun bodolrok hai.

JISAIA 54:4

“Ta kiri di, tamni hwn khe, nwng lachimasingcha wng glak; ta uana di, tamni hwn khe nwng lachi rwjak glak; nwng nini sikla jorani lachimasingcharokno pogwi tháng anw; tei nini randi wngwi tongma jorani lachimasingcharokno; nwng tei muitu tong glak.

HIBRU 5:14

Phiya ba mai hwn khe abo okrarokni chámung bórok le chánaiwi manjagwi phaijak, bubo kaham bubo hamya abono saui mano.