RWCHAPMUNG 7:12 - Kok Borok (Re-edited) Bible (BSI)

¹² phai di aidrobo angur bwlwngrogo tháng lainai, tei abo ro de rotom kha nai lai anw, tei dalim bubar da bar kha nai lai anw. Nono ang aro ani hamjakmano rwnai.

RWCHAPMUNG 7:12 Iomraidhean Croise

LOBMUNG 122:5

Tamoni hwn ba arono bujni achukthairok achuk rwjak kha Daudni nokni achukthayungrok.

LOBMUNG 43:4

Hakhe ano tongthokma rwnaisa Kaitorni thani, bini háyá-o thángnai; tei ang nono chongpreng bai khe lobnai o Kaitor ani Kaitor.

LOBMUNG 73:25

Nono karwi chuknoha-o ani tei tamo tong? Tei o ha saka-o nono karwi mungsano phano ang manna muchung ya.

LAM RWMA 25:22

Ang nwng bai aro malainai tei a khairokma achukthayungni saka-o cherub maknwini kwcharo tongwi ang nono Israil bororokni bagwi ani bebak dagimungrokno rwnai.

PHRWNGMUNG 8:17

Ano hamjaknairokno angbo hamjago, khá bai naituknairok khe ano mano.

PHRWNGNAINI 9:10

Nwng yago mungsa swk phano samung tangna man khe abono nini bebak phan rwui tang di, tamni hwn ba nwng thángwi tong thani a kwthwirokni ha-o mungsa swk samung, uansukmung, simung tei siyanrok hwnwi kwrwi.

RWCHAPMUNG 2:13

Khwichang buphangrok bwtháirok rw sa kha, tei angur bwlwngo angur barwi báhai jip-jip motom sa kha. Ani khájani naithokjwk, phai di, bacha di, o ani naithokti ang bai phai di.

RWCHAPMUNG 2:15

“A siyalrokno tei siyal bwsarokno chini bagwi rom di, tamni hwn ba abórok angur bari dera rw-o.”

RWCHAPMUNG 4:13

Nini buphang bwsarok dalimphang bari hai tei aro bwthái kothokrok motom hena bai bwlái motom khumrok tongo,

RWCHAPMUNG 4:16

O salsibaini nokbar sibcha di, salgrabaini nokbar sipsaui tháng di! bini motomma báhai koprogwi manna tẃi. Ani khájani borok tháiblwng phaiwi bo thokjakma bwtháirokno chá phai si thung.

RWCHAPMUNG 6:11

Harungni buphangrok barma, angur buphangrok rotomsama tei dalimrok thái ma naina bagwi ang badamphang bwlwngo tháng kha.

RWCHAPMUNG 7:11

O ani khásuksa, tho phai di, panthor bwkhak tháng laiwi kami-o tongwi lai anw;

RWCHAPMUNG 7:6

O ani hamjakma, ano tongthok rwnaijwk nwng bwswk se naithok, bwswk se kaham kuk!

JISAIA 18:5

Angurrok bubar bwthái wng ya sini’-no tei angur bwtháirok rá ya sini’-no bo abórokno sengsa kubuk bai khe raui páinai, rotomsajakno bo tanwi páinai tei bedekroknobo tanwi páinai.

SAMUNG 15:36

Ulo Pol Barnabano hai hwnwi sa kha, “Him di tho, chwng Subraini kók pírmani joto tauno kiphilwi takhukrokno nai lai anw, hakhe bórok bahai khe tong bai abo saui man anw.”

RUMSONGNO POL SWIHORMANI 5:11

Hakhe aswk bai simi ya kho; chwngno tabuk Kaitor bai kwtha rwnai chini Subrai Jisu Khristo tẃi chwng Kaitorno tẃiwi tongthogo.

2 KORINTH 13:5

Norok sak sakno potaliui nai di, norok poito khlaiwi da tong uansugui nai di. Norok chúk ya wng ya hwn khe Khristo Jisu norokni bisingo tongo hwnwi norok saui man ya da?

EPIS 6:24

Chini Subrai Jisu Khristono hamjak phlaiwi tongnai bebak bororokno Kaitor khairok thung.

HIBRU 12:15

Kaitor bai khairokjaknani keple ya tẃi khe hus wng bai di. Buphang kwkha hai wng ya tẃi khe hus wng bai di, omo tẃi buphang torwi bini kháma bai buini hamya khlai-o.

HIBRU 2:13

Bo hai hwnwibo sa-o, “Kaitorni thani ang khá beranai.” Bo hai hwnwibo sa-o, “Ang oro se, Kaitor ano rwmani a bwsarok ang bai’-no tongo.”

HIBRU 4:16

Hakhe phai di, chwng khá torwi Kaitorni achukthayung gana tháng lai anw, aro chwng khairokjaknai, hakhe katswi chini nangma jora tẃi chwng khairokjagwi chubajaknai.