RWCHAPMUNG 6:9 - Kok Borok (Re-edited) Bible (BSI)

⁹ Tamo khe ani tokthu, ani kaham kuk ani khásuksa hai le tei kwrwi. Bo bini amani khájani songdari sajwk, bono ogo chunaijwkni hamjakma sajwk. Bwrwirok bono nugwi hamchajak hwnwi hwn lai kha; isirirok tei hik koitoirokbo bono ma bólai kha.

RWCHAPMUNG 6:9 Iomraidhean Croise

YAPHANG 30:13

Lea hai hwnwi sa kha, “Ang bwkha tongthok kha! tamni hwn ba bwrwirok ano tongthokjak hwnnai”; hakhe bo bono Aser hwnwi mung phar kha.

1 HABUGRA 11:3

Solomon khorok snira Isirino káijak kha tei khorok thamra hik kotoi na kha, bórok bono Kaitor bai kak rw kha,

LOBMUNG 126:2

Aphuru chini khugo mwnwimung phai kha, tei chini búkhúgo tongthokni rwchapmung bai kupulung wng kha; hakhe aphuru dopharok hai hwnwi sa lai kha, “Subraiyung bórokni bagwi samung kotor kotor khlai kha.”

LOBMUNG 45:9

nini hik kotoirokni bisingo habugrarokni bwsajwkrok; nini yagra bwkhak Isiri Ophirni rangchak kanwi bachajak.

RWCHAPMUNG 2:14

O ani tokthu, nwng halapni holong kekhokni besero huijagwi tongo; nini mwkhang ano phunuk di, tei nini khorang ano khna rw di. Tamni hwn ba nini mwkhang naithok tei khorangbo khnathok.

RWCHAPMUNG 5:2

Ang thu phano, ani bwkha sichajak. khna di! Ani kháni borok dugar bú phai-o. “Dugar phiyok di, o ani khásuk, ani hamjakma, ani tokthu katswi kaham kuk; tamni hwn ba ani bokhorok pantwi bai si kha, horni siyari bai ani bwkhnai si kha.”

LEKHAMUNG 23:9

Ang hachuk sakani bórokno nuk hor kha, hathái bochlong sakani bórokno naikhlai kha; Nai di, o bororok dopha kaisa khe tong lai-o, Bórok tei kubunni dopharok bai gwdal lai ya.

GALATIA 4:26

Phiya ba chuknohani Jerusalem khe seleng khatijak ya, bo wng kha chini ama se.

UÁINWINI SA PHIMA 33:29

O Israil! Nwng hamchajak, nwng hai sabo tong? Subraiyung bai mwthangjak dopha, bo nini phui tei chubachu; nono kwplai khlainai seng; nini arirok nwng bai tatal manjaknai, tei nwng bórokni háyárokno kádul bainai.”