RWCHAPMUNG 6:4 - Kok Borok (Re-edited) Bible (BSI)

⁴ Ani hamjakma, nwng Tirja kamiyung hai naithok, tei Jerusalem haino naithok, tei banarok tẃijak sengkrak hai kirimasingcha.

RWCHAPMUNG 6:4 Iomraidhean Croise

1 HABUGRA 14:17

Jeroboamni bihik bachaui nongkhorwi thángwi Tirja-o tháng kha. Bo bini nogo hap khe’-no a chwrai thwi kha,

1 HABUGRA 15:21

Bugra Basa a kókno khna kheno bo Ramano songchama mwthak kha tei Tirja’-ono tong kha.

1 HABUGRA 15:33

Judani habugra Asa bugra chámani nokha bisik thamni jora-o, Ahiani bwsla Basa Israilni bugra chá-o, bo Tirja-o nokha bisik brwichinwi bugra chá kha.

LOBMUNG 48:2

naithok ha swngchar gwnangwi bororokni tongthokmung salsibai-o Siyon hathái bugra kotorni kamiyung.

LOBMUNG 48:3

Kaitor sakphang se aroni nok kuchuk katijaknai nok kwrak.

LOBMUNG 50:2

Siyono tongwi, sói sói kubui naithogo tongwi Kaitor kwchẃng wngwi chẃngsa-o.

RWCHAPMUNG 1:15

O ani hamjakma, nwng bwswk se naithok; au, nwng naithok; nini mokol kolnwirokbo tokthu hai.

RWCHAPMUNG 1:5

O Jerusalemni bwrwirok, ang Kedarni ríni nok hai, Solomonni noyungni rí swngjakrok hai; ang sak kosom tei naithok

RWCHAPMUNG 2:14

O ani tokthu, nwng halapni holong kekhokni besero huijagwi tongo; nini mwkhang ano phunuk di, tei nini khorang ano khna rw di. Tamni hwn ba nini mwkhang naithok tei khorangbo khnathok.

RWCHAPMUNG 4:7

O ani khájani, nini le bebakno se naithok; mungsa-o se nini derama kwrwi.

RWCHAPMUNG 5:2

Ang thu phano, ani bwkha sichajak. khna di! Ani kháni borok dugar bú phai-o. “Dugar phiyok di, o ani khásuk, ani hamjakma, ani tokthu katswi kaham kuk; tamni hwn ba ani bokhorok pantwi bai si kha, horni siyari bai ani bwkhnai si kha.”

RWCHAPMUNG 6:10

“Omo sabo sal pasa dropni sal hai, tal hai pilala, sal hai kwchẃng, bana kobonsajak sengkrakrok hai kirimasingcha?”

KAPSIMANG KAPMA 2:15

Lama tẃi láinairok bebakno nono naisigwi yapha tam lai-o; bórok Jerusalemni sajwkno nugwi thesra kariui mwnwi lai-o tei bokhorok jangriui sa lai-o, “Omo de a katswi naithok tei hayungni tongthok kuk kamiyung hwnwi hwnjaknai?”

SAKARIA 12:3

A salo ang Jerusalemno bororokni thani hilikma holongdap hai khlainai; abono tisana nainairok bórok sak sak se dukhu man bainai. Tei ha gwnangwini dopharok pal khe bo bai nang laina phainai.

2 KORINTH 10:4

Chwng choba khlai thani o swngcharni da-seng tẃi ya, chini da-seng wng kha bera kwrak swbaina bagwi Kaitorni phankrak da-seng se. Chwng nang ya kókrokno swkwmaui rw-o,

EPIS 5:27

Mothano sap-sutra khe, majra kwrwi khe, kosom kwrwi khe, kodrojak kwrwi khe eba tei mungsa derama kwrwi khe naithok rw súgwi bini thani yapharwi manna tẃi khe bo omono khlai-o.

PHUNUKJAKMANI 21:2

Ang Jerusalem Kwtal Taun Kwtharno chuknohani Kaitorni aroni ongkhorwi phaima nuk kha, hamjwk kwtal hai khe kanwi chumui tiyar wngwi bwsai bai malaina phaima hai khe ongkhorwi phaima nuk kha.