RWCHAPMUNG 6:2 - Kok Borok (Re-edited) Bible (BSI)

² Ani khájani borok bini tháiblwngo tháng kha, motom báhai buphangrok tongma-o mera bodol mwrwknani tei lili khumrok kholna thángo.

RWCHAPMUNG 6:2 Iomraidhean Croise

RWCHAPMUNG 2:16

Ani hamjakma khe ani’-no, angbo bini’-no; bo bini merarokno lili khum bising bisingrogo mwrwgo.

RWCHAPMUNG 4:12

Ani khásuk, ani bwrwi le chokdeual kitingjak thái bwlwng hai, kholobwi tongjak thai bwlwng tei twimuk hai.

RWCHAPMUNG 4:16

O salsibaini nokbar sibcha di, salgrabaini nokbar sipsaui tháng di! bini motomma báhai koprogwi manna tẃi. Ani khájani borok tháiblwng phaiwi bo thokjakma bwtháirokno chá phai si thung.

RWCHAPMUNG 4:5

Nini khája khe mwswi bwsa apher hai, lili khum bwlwngo cháui berai tongnairok hai.

RWCHAPMUNG 5:1

Ang ani tháiblwngo phai-o, o ani khásuk, ani bwrwi; ang ani langi-thok motom bai baksa angur murbo thumo, ang ani piya bwlap bai baksa piya bwtwi nungo, angur bwtwi bai baksa abuktwi nungo. O kichingsong chá se chá di nu-se nung di hamjakmano phek súgwi nung di.

RWCHAPMUNG 5:13

Bini khangarrok, motom mosolani thuyam hai motom báhai ongkhorjak. Bini khukchwi mur bwtwi nangjak lili khumbar hai.

RWCHAPMUNG 6:11

Harungni buphangrok barma, angur buphangrok rotomsama tei dalimrok thái ma naina bagwi ang badamphang bwlwngo tháng kha.

JISAIA 40:11

Bo mera mwrwknairok hai khe mwrwgwi chá rwnai, bo bini yago merarokno thumwi tubunai, bo mera bwsarokno bini yaktwk bai bamsaui tẃinai, tei bwsa gwnangrokno kwchang kwchang khe tẃinai;

JISAIA 57:1

Borok sóirok komor bai-o tei khoroksa phano abono tẃiwi bwkha-o tẃinai kwrwi; khá berajak bororok tlangjak bai kha, phiya ba khoroksa phano sinai kwrwi kho; tamni hwn khe borok sói khe digi-sigini tlangjak bai kha.

JISAIA 58:11

Tei Subraiyung thak yaui nono lama soui tẃinai tei kaham nangma manwi bai nono bwkha kochom rwnai, abo bai nini bekreng raknai; tei nwng twi kochomjak ha hai wngnai, twimuk gwnang twisa hai twi ran phlai ya hai wngnai.

JISAIA 61:11

Tamo khe ha bini o bwchlwi per rwma hai, tei haphar bini o bwchlwi per rwma hai khe; Subraiyung bo bebak dopharokni bwskango sói kubuino’-no tei lobmungno achai rwnai.

ESEKIEL 34:23

Ang bórokno naikolwi mwrwkna bagwi ani seleng Daudno chongnai, bo baithang bórokno naikolwi mwrwknai.”

JAPHANIA 3:17

Subrai norokni Kaitor norok bai tongo, bo sengkrak, norokno kwplai khlai-o; bo nono tẃiwi tongthoknai, nono hamjakmung bai kwtal khlainai; bo nono tẃiwi khorang kotor khlaiwi rwchapnai,

MATHAI 18:20

Tamni hwn khe borok khoroknwi eba khoroktham ani mungwi kuthum khe ang aro bórok bai baksa tongo.”

MATHAI 28:20

Ang norokno joto dagima hai khe tongna bagwi bórokno phrwng di. Phiya muitu narwk di, o mol pái ya sak ang norok bai máng tongo.”

JOHON 14:3

Ang tháng baiwi tongthai snam anw, ulo ang kiphilwi phaiwi norokno ani aro tlang phai anw, hakhe ang tong thani o norokbo tongwi man anw.

JOHON 17:24

“O Apha, nwng ano rwmani o bororokno ang tong thani-o ang bai baksa tong thung hwnwi ang muchungo. Hakhe nwng ano rwmani chẃngsachano bórok nuk anw, tamni hwn khe o swngchar wng ya sini’-no nwng ano hamjago.

PHUNUKJAKMANI 7:17

Tamni hwn khe achukthayung kwcharo tongnai a Mera Bwsa bo se bórokno mwrwgwi twimuk kwthang bwkhak tlangnai. Kaitor se bórokni mokolni joto muktwi hu-ui rwnai.”