RWCHAPMUNG 6:1 - Kok Borok (Re-edited) Bible (BSI)

¹ O naithok kuk, nini hamjakma borok biyang tháng lang? Nini hamjakma borok bu lama tẃi tháng? Sa di, hakhe chwngbo nwng bai baksa naitugwi man anw.

RWCHAPMUNG 6:1 Iomraidhean Croise

RWCHAPMUNG 1:4

Ano nini aro tẃi di, phai di doui tháng lainai. Habugra ano bini thumani khotolo tubu kha; chwng nwng bai bagrum bárwi tong thok lainai; angur bwtwi slái phano nini hamjakmano chwng teibo bólainai; bórok nono hamjagwi sóino khlai-o.

RWCHAPMUNG 1:8

O bwrwi naithok kuk, abo buro si ya hwn khe, mera bodolni yapai songwi tháng di, tei mera mwrwknairokni ríni nok gana-o nini punsarokno mwrwgwi di.

RWCHAPMUNG 2:2

Busu bwlwngni lili khum hai, ani bwrwibo, bwrwirokni bisingo abo hai.

RWCHAPMUNG 5:6

Ani khájani borokno ang phiyók rw kha, phiya ba ani hamjakma kiphilwi tháng kha. Bo kók sa phuru khunju kaichomwi man li ya, ang bono naitugwibo man li ya, ang bono naituk kha tamo khe bono man li ya; ang bono ring kha, tamo khe bo mungsa sa li ya.

RWCHAPMUNG 5:9

O naithok kuk bwrwi, nini chwla ba buini slái de ham kuk? Nini hamjakma chwla ba buini slái bwswk hamtiui nwng ba chwngno koina klai?

RWCHAPMUNG 6:4

Ani hamjakma, nwng Tirja kamiyung hai naithok, tei Jerusalem haino naithok, tei banarok tẃijak sengkrak hai kirimasingcha.

JISAIA 2:5

O Jakobni bosong, phai di chwng Subraiyungni pohoro him lai anw!

JIRIMIA 14:8

O Israilrokni khatungma, birman phuru phiyóknaisa, nwng ba tamni ha-o sini ya nuk ya borok hai khe tongnai, horo saichung susuk himnai borok hai wngnai?

RUTNI BIJAP 2:12

Nini samungni bagwi Subraiyung nono sokat rw thung. Israilni Subraiyung Kaitorni thani khorok bomna phaima ba nwng bini bebak sokat man si thung!”