RWCHAPMUNG 5:2 - Kok Borok (Re-edited) Bible (BSI)

² Ang thu phano, ani bwkha sichajak. khna di! Ani kháni borok dugar bú phai-o. “Dugar phiyok di, o ani khásuk, ani hamjakma, ani tokthu katswi kaham kuk; tamni hwn ba ani bokhorok pantwi bai si kha, horni siyari bai ani bwkhnai si kha.”

RWCHAPMUNG 5:2 Iomraidhean Croise

YAPHANG 29:20

Hakhe, Jakob nokha bisi sni Rahelni bagwi monwi tong kha, bo bono aswk hamjakmani bagwi aswk salno sal kisicha se wngjak si-o.

LOBMUNG 119:1

Majra kwrwi khe tongnairok, Subraiyungni kerong tẃi tongnairok bórok hamchajak.

LOBMUNG 81:10

Ang se Subraiyung nini Kaitor, nono ha Ijipni tikhlai tubunai. Nwng kuar khe khua di ang abono supung anw.

PHRWNGMUNG 23:26

Sajla, nwng ano kháno rw di tei nini mokol bai ani tongmungrokno naisik di.

RWCHAPMUNG 1:16

O ani hamjakma nwng bwswk se naithok, belaino naithok. Jabra kwkhrang se chini thuyam;

RWCHAPMUNG 2:10

Ani hamjakma borok ano sa-o; “O ani khájani, bacha di; o ani naithok, phai ja di.

RWCHAPMUNG 2:14

O ani tokthu, nwng halapni holong kekhokni besero huijagwi tongo; nini mwkhang ano phunuk di, tei nini khorang ano khna rw di. Tamni hwn ba nini mwkhang naithok tei khorangbo khnathok.

RWCHAPMUNG 2:8

Khna di ani hamjakma borokni khorangno, naisik di, bo hapung hathái basu-ui phai-o.

RWCHAPMUNG 3:1

Horo ani thuyamo, khájani borokno naituk kha; ang bono naitugwibo man li ya.

RWCHAPMUNG 4:7

O ani khájani, nini le bebakno se naithok; mungsa-o se nini derama kwrwi.

RWCHAPMUNG 4:9

Nwng ani kháno khok kha, ani hanok, ani bwrwi, nini mokol bai naisigwi tei nini kotokni anchwlwi bai ani bwkhano khok kha.

RWCHAPMUNG 5:11

Bini khorok rangchak kaham hai, bini bwkhnai koitroi tei tokhaborok hai kosom.

RWCHAPMUNG 5:6

Ani khájani borokno ang phiyók rw kha, phiya ba ani hamjakma kiphilwi tháng kha. Bo kók sa phuru khunju kaichomwi man li ya, ang bono naitugwibo man li ya, ang bono naituk kha tamo khe bono man li ya; ang bono ring kha, tamo khe bo mungsa sa li ya.

RWCHAPMUNG 6:9

Tamo khe ani tokthu, ani kaham kuk ani khásuksa hai le tei kwrwi. Bo bini amani khájani songdari sajwk, bono ogo chunaijwkni hamjakma sajwk. Bwrwirok bono nugwi hamchajak hwnwi hwn lai kha; isirirok tei hik koitoirokbo bono ma bólai kha.

RWCHAPMUNG 7:9

tei nwng motom sumarok khe arak kaham hai, Abo twrwk twrwk khe bwkhwchwi tei bua tẃi yor khlaiwi thángo.

RWCHAPMUNG 8:7

Twi Kwbángma phano hamjakmano butharwi man ya, twi kotorbo abono swklwgwi man ya. Tumung khoroksa swk hamjakmani bagwi nok-hukni bebak rwui rw phano abo le kisicha se.

JISAIA 50:6

Ang bunai-toknairokno phikung phehelwi rw kha. Khochai phuinairokno khangar chagwi rw kha. Ang lachimung tei khuktwi musujaknani bagwi mwkhang hui li ya.

JISAIA 52:14

Kwbángmano bono mwlang cha lainai bini sakduk bui bai sol ya tei bororokno sol ya, bini sakduk borokni sajlarokno kosol wng ya.

DANIEL 8:18

Bo ano saui tong phuru khe, ang ha-o klaiwi muktrwi láiwi tháng kha; aphuru khe bo ano romwi yakung bai bacha rw kha.

SAKARIA 4:1

Ang bai kók sanai suari phai phiu kha, hakhe ano muktrwi thángjak borokno sochama hai khe socha phai kha.

MATHAI 7:8

Tamni hwn khe sannai borok bo mano, naituknai borok bo nugo, dugar bunai borok bo phiyogwi rwjago.

MATHAI 8:17

“Bo sakphang’-no chini hamyano hor kha, chini bemukrok ruju-ui tlang kha,” hwnwi Jisaia diyari sa langmani abo nang phaina bagwi omo wngo.

MARK 1:35

Teini phungo belai aisirisiri sal pa ya sini Jisu bachaui nokni ongkhorwi tháng kha; bo taunni ongkhorwi siring siring kwrẃngsa-o thángwi suri sanwi kha.

LUK SWIMANI KOTHOMA KAHAM 22:44

Khá nangwi Jisu teibo kaichomwi suri san kha; aphuru thẃi bothon hai khe bini kolomtwi ha-o klai kha.]

LUK SWIMANI KOTHOMA KAHAM 6:12

Aphuru suri sanna hwnwi Jisu hathái-o kasaui tháng kha; hopung Kaitorni thani suri san kha.

LUK SWIMANI KOTHOMA KAHAM 9:32

Pitor bai bini logisongrok jai kheno muktrwi tháng laijak. Bórok sichaui Jisuno chẃngsajak nuk kha, bo bai bachajak a borok khoroknwinobo nuk kha.

JOHON 10:4

Bebak merano phataro tlang phuru bo swkang swkang himo, merarokbo bini uklok uklok himo, tamni hwn khe bórok bini khorang saui mano.

GALATIA 2:20

hakhe o kwthang tongnai ang abo ang ya, abo ani bisingo tongnai Khristo se. Tabuk ang thangwi tongmani abo Kaitorni Sajlano poito khlaiwi tongma bai se ang thangwi tongo, bo ano hamjagwi ani bagwi bo sakno rw kha.

EPIS 5:14

tamni hwn ba mungsa swk pháng pháng khe nukjak kheno abo pohor wng kha. Abo baino omo hai hwnwi sajak kha, “O muktrwi thángjak sicha di, thangwi bacha di! Hakhe Khristoni pohor nini saka klainai.”

PHUNUKJAKMANI 14:4

Bórok wng kha bwrwirok bai gwdal yaui kwthar khe tongjak bororok; bórok chwrai kwthar. Mera bwsa tháng thani’-no bórokbo thángo, swngcharni bororokni bere bórok paiwi phiyókjak kha, hakhe Kaitor bai Mera bwsani bagwi bórok tháiskangni bwthái hai.

PHUNUKJAKMANI 3:20

Khna di, ang duglamo bachaui dugar bu-o; ani khorang khnaui khoroksa swk duglam phiyogwi rw khe ang bini nogo hapnai, hakhe ang bo bai chánai, bobo ang bai chánai.

PHUNUKJAKMANI 3:4

Hai phano Sardini nini bororokni bere baksa rí kuphur khe ton kha. Bórok kuphur kanwi ang bai himnai, tamni hwn ba bórok himna chúgo.