RWCHAPMUNG 5:1 - Kok Borok (Re-edited) Bible (BSI)

¹ Ang ani tháiblwngo phai-o, o ani khásuk, ani bwrwi; ang ani langi-thok motom bai baksa angur murbo thumo, ang ani piya bwlap bai baksa piya bwtwi nungo, angur bwtwi bai baksa abuktwi nungo. O kichingsong chá se chá di nu-se nung di hamjakmano phek súgwi nung di.

RWCHAPMUNG 5:1 Iomraidhean Croise

YAPHANG 37:25

Hakhe bórok chá laina achuk phuru khe; tei nuk kha, Ismaelsasong bwtang-bwtang khe dolsa Giliadni Ijibo tháng laiwi tongo. Bórokni mangingangrogo khe belengtwi motomrok tei satrairok teibo motom manwirok boksajak.

LOBMUNG 147:11

tamo khe Subraiyungno bórom rwui kirinairokno tei bini pái phlai ya hamjakmano khatungnairokno tẃiwi bo bwkha kochomo.

LOBMUNG 16:3

Tamoni hwn ba hani Kwtharsani bororok se borok kahamrok, bórokno tẃi se ani tongthokmarok le.

PHRWNGMUNG 24:13

Sajla, piya bwtwi chá di, tamni hwn ba abo kaham se, piya bwlapni piya bwtwi chá di, abo nini khugo tẃinai.

PHRWNGMUNG 9:5

“Phai di ani chámung chá phai di tei ani angur bwtwi dalokjakno nung phai di.

PHRWNGNAINI 2:5

ang tháiblwngrok, khum bwlwngrok snam kha tei aro juda juda bwtháini buphangrok kái kha.

RWCHAPMUNG 1:13

Ani hamjakma borok mur langi hai ani khája-o roko-o.

RWCHAPMUNG 4:16

O salsibaini nokbar sibcha di, salgrabaini nokbar sipsaui tháng di! bini motomma báhai koprogwi manna tẃi. Ani khájani borok tháiblwng phaiwi bo thokjakma bwtháirokno chá phai si thung.

RWCHAPMUNG 4:8

O ani bwrwi, ang bai baksa Lebanonni phai di; Lebanonni ang bai phai di. Amana hathái bochlongni, Senir tei Harmon hathái bochlongni phai di. Nwng singhorok tongma hakhorrokni tei geguma tongma hatháirokni ongkhorwi phai di.

RWCHAPMUNG 6:11

Harungni buphangrok barma, angur buphangrok rotomsama tei dalimrok thái ma naina bagwi ang badamphang bwlwngo tháng kha.

RWCHAPMUNG 6:2

Ani khájani borok bini tháiblwngo tháng kha, motom báhai buphangrok tongma-o mera bodol mwrwknani tei lili khumrok kholna thángo.

RWCHAPMUNG 8:1

Nwng ani amani abuktwi cháui tornai ani takhuk hai! Tumung ang nono phataro malai phano motom su-ui man kha mun. tei khoroksa phano mungsa hwn glak kha mun.

RWCHAPMUNG 8:13

O tháiblwngrogo tongnai, ani mángsongrok nini khorang khna-o; anobo khna rwja di.

JISAIA 23:18

bini pai-phal khlainairok tei bini solok nanairok bebakno Subraini thani sakno yapharnai, abo khatiuibo tonjak glak tei haino rúngwi bo tonjak glak tamo khe Subraini thani tongnairokno se a rangrok bai bórokni nangmani chámungrok tei kanmungrok paiwi rwjaknai.

JISAIA 5:1

Ani khásuksani bagwi ang rwchapnai, bini angur bwlwngno tẃiwi rwchap anw: tos gwnang hachukni samo ani khásukni angur bwlwng kaisa tongmani.

JISAIA 51:3

Tamni hwn khe Subraiyung Siyonno khá srang rw kha: Bo haino klaiwi tongjak harokno khá srang rwnai, bukcha bolongrokno Eden hai khlainai, hasing hapharno Subraiyungni tháiblwng hai khlainai. Bini aro-o tongthotok bai khakchangma mannai tei hambai bai rwchapmungni khorangrok máng tongnai.

JISAIA 53:11

Bo bini langmani lengmano nuknai tei bwkha kochom anw; ani kwthar seleng bini simung bai kwbángma borokno bujsói man rw anw, tamni hwn khe bo bórokni bebak sumsokrokno horwi tlangnai.

JISAIA 58:11

Tei Subraiyung thak yaui nono lama soui tẃinai tei kaham nangma manwi bai nono bwkha kochom rwnai, abo bai nini bekreng raknai; tei nwng twi kochomjak ha hai wngnai, twimuk gwnang twisa hai twi ran phlai ya hai wngnai.

JISAIA 61:11

Tamo khe ha bini o bwchlwi per rwma hai, tei haphar bini o bwchlwi per rwma hai khe; Subraiyung bo bebak dopharokni bwskango sói kubuino’-no tei lobmungno achai rwnai.

JISAIA 65:13

Aboni bagwi Subraiyung Kaitor hai hwnwi sa-o: “Nai di, ani selengrok chá anw, phiya ba norok ok khuiwi ma tongnai; nai di, ani selengrok nung anw, hai phano norok kangwi ma tongnai; ani selengrok tongthoknai hai phano norok lachimasingcha ma wng anw;

JISAIA 66:14

Norok nuknai, hakhe norokni bwkha tongthok anw; nini bekreng sam kwlwi hai hamchanai; tei Subraiyungni yak bini selengrokni sago tongo hwnwi saui mannai tei bo bini arirokno kebengwi joli-o.”

MATHAI 25:40

Bugra hai hwnwi sa phir anw, ‘Ang norokno sói kókno sa-o, ani o takhukrokni bere kusu khoroksano phano norok abo tẃi khlai kha hwn khe abo ano’-no khlaima klai-o.’

LUK SWIMANI KOTHOMA KAHAM 12:4

“Takhukrok, ang norokno o kók sa-o, mangno simi butharwi mannairokno ta kiri di; aboni slái bára bórok tei mungsa phano khlaiwi man ya.

JOHON 3:29

Káijaknaisa’-no káijaknaijwkno mannai; áya gana tongwi khnaui tongo, bo káijaknaisani khorang khnaui belai tongthokjago. Omo hai kheno ani tongthokma tabuk asi yók kha.

SAMUNG 11:29

Judia-o tongnai takhukrokno chubana bagwi jotono janija mansak rohorna hwnwi poito khlainairok khá chong lai kha.

EPIS 5:18

Angur bwtwi phegwi ta tong di, abo norokno sokomornai; aboni slái Phola bai koboljak di.

PHUNUKJAKMANI 22:17

Phola bai Hamjwk kwtal “Phai di!” hwnwi sa-o. O kók khnanairok joto’-no “Phai di!” hwnwi ma sanai. O twi kangnai borok, phai di. O twi nungna muchungnai borok, mwthangnai twino ahai’-no nung phai di.

BUJ THUMNAIROK 14:11

Philistiasarok bono nuk khe, bo bai tongna bagwi borok khorok thamchi nahor lai kha.

BUJ THUMNAIROK 14:20

Samsonni bihikno bini bayap kaham kukni thani yapharjak kha.