RWCHAPMUNG 4:9 - Kok Borok (Re-edited) Bible (BSI)

⁹ Nwng ani kháno khok kha, ani hanok, ani bwrwi, nini mokol bai naisigwi tei nini kotokni anchwlwi bai ani bwkhano khok kha.

RWCHAPMUNG 4:9 Iomraidhean Croise

YAPHANG 20:12

Abono karwi bo ani bukhuk’-no kwbo klai-o, bo ani aphani bwsajwk, tamo khe amani bwsajwk ya; tei ang bono káijak kha.

YAPHANG 41:42

Pharao bini yasini bugrani mari bujak yasitemno sokok kha tei abono Josepni yasi-o kan rwui rw kha, bono lilonni rí kaham chum rwui rw kha tei kotogo khe rangchakni bwtang soraui rw kha;

LOBMUNG 45:9

nini hik kotoirokni bisingo habugrarokni bwsajwkrok; nini yagra bwkhak Isiri Ophirni rangchak kanwi bachajak.

PHRWNGMUNG 1:9

tamni hwn ba abórok, nini khorokno mwchang rwnai khumtrang tei nini kotokni rang bwtang hai wngnai.

PHRWNGMUNG 6:25

Nwng bini naithokmano ta khatung di, nwng bini mokol bai ta romjak di;

RWCHAPMUNG 1:10

Nini khunjuni lolairok nini babainwi khangar mwchangjak, tei kotok madlwirok bai mwchangwi tong kha.

RWCHAPMUNG 1:15

O ani hamjakma, nwng bwswk se naithok; au, nwng naithok; nini mokol kolnwirokbo tokthu hai.

RWCHAPMUNG 3:11

O Siyonni bwrwirok, ongkhorwi phai di habugra Solomonno nai phai di. bo káijak phuru buma bai thup rwjakma tei bo bwkha tongthokma salo motokno thup rwjak kha.

RWCHAPMUNG 4:10

Nini hamjakma bwswk se kwtẃi, ani khásuk ani bwrwi! nini hamjakma angur bwtwini slái kaham, tei bebak langi-thok motomni slái se nwng motom kugo!

RWCHAPMUNG 4:12

Ani khásuk, ani bwrwi le chokdeual kitingjak thái bwlwng hai, kholobwi tongjak thai bwlwng tei twimuk hai.

RWCHAPMUNG 6:12

Ang saui man slap ya sini-no ani bwkha ano ani habugrani korai malkhungo kasa rw kha.

RWCHAPMUNG 6:5

Nwng ano ta naisik si di, tamni hwn ba abórok ani bwkha kobor cha rw-o! Nini khwnairok Giliad halapni khár klai phainai pun bodolrok hai.

RWCHAPMUNG 7:10

Ang khe ani khásukni, tei bini muchungmarokbo ani bagwino.

JISAIA 54:5

Tamni hwn ba nono snamnaisa’-no nwsai; bini mungno wng kha sengkrakrokni Subraiyung; tei Israilni kwthar kuk, norokno Mwthangnaisa; bo bebak hayungni Kaitor hwnwi hwnjago.

JISAIA 62:5

Tamo khe chwla sikla bwrwi siklano, kwtharno káijakma hai, abo tẃi kheno nini nwsarok bo nono káijak anw; tei chamari kwtal hamjwk kwtalno tẃiwi tongthokma hai; abo tẃi kheno nini Kaitor bo nono tẃiwi tongthok anw.

ESEKIEL 16:11

Ang nono gwina-ganthi kan rwui rw kha, yaktwgo mathiya kan rw kha tei kotogo khe mala bwtang soraui rw kha.

ESEKIEL 16:8

Ang tei uáisa nini gana tẃi tháng phuru, nono naisigwi nuk kha, aphuru sói nini hamjak laina jora sók phai kha; hakhe ang ani bwkrang phehelwi nini sak lángano kholop kha. Tei ang nono kók rw kha phiya nwng bai swmai tang kha hakhe nwng ani wng kha; hwnwi Subraiyung Kaitor sa-o.

DANIEL 5:7

Habugra chirigwi danda-baji phunuknairok tei athukiri lekhanairokno tubu di hwnwi dagi kha. Habugra bórokno hai hwnwi saui khna rw kha, “Khoroksa swk o swijakno poriui abo tamo ano saui khna rwui man khe, bo bugrani kanmung rí ma kan rwjaknai chum rwjaknai tei bini kotogo rangchakni bwtang kan rwjaknai tei o ha-o khoroknwini ulni bugra ma chánai.”

JAPHANIA 3:17

Subrai norokni Kaitor norok bai tongo, bo sengkrak, norokno kwplai khlai-o; bo nono tẃiwi tongthoknai, nono hamjakmung bai kwtal khlainai; bo nono tẃiwi khorang kotor khlaiwi rwchapnai,

MATHAI 12:50

Chuknohani Aphani muchung tẃi tongnai borok bo’ se ani takhuk, ani bukhuk, ani ama.”

JOHON 3:29

Káijaknaisa’-no káijaknaijwkno mannai; áya gana tongwi khnaui tongo, bo káijaknaisani khorang khnaui belai tongthokjago. Omo hai kheno ani tongthokma tabuk asi yók kha.

1 KORINTH 9:5

Tei chonghorrok hai, Subraini takhukrok tei Pitorsong hai ang ba Khristan hikno ani logi tlangwi man ya diba?

2 KORINTH 11:2

Kaitor hai khe’-no ang norokni bagwi khá súgo. Norok wng kha bwrwi sikla kwthar hai, borok khoroksa bai bono káina hwnwi ang kók sẃngmani, a borok wng kha Khristo.

PHUNUKJAKMANI 21:2

Ang Jerusalem Kwtal Taun Kwtharno chuknohani Kaitorni aroni ongkhorwi phaima nuk kha, hamjwk kwtal hai khe kanwi chumui tiyar wngwi bwsai bai malaina phaima hai khe ongkhorwi phaima nuk kha.