RWCHAPMUNG 4:8 - Kok Borok (Re-edited) Bible (BSI)

⁸ O ani bwrwi, ang bai baksa Lebanonni phai di; Lebanonni ang bai phai di. Amana hathái bochlongni, Senir tei Harmon hathái bochlongni phai di. Nwng singhorok tongma hakhorrokni tei geguma tongma hatháirokni ongkhorwi phai di.

RWCHAPMUNG 4:8 Iomraidhean Croise

1 HABUGRA 4:33

Bo buphang tei jabrarokni kókbo sa kha, Lebanonni sidarni simi chokdeualo bachanai hisop jabrani kókroknobo sa kha; bo mal-matarokni tokrokni tei malnairok tei árokni kókrokno bo sa kha.

2 HABUGRA 5:12

Israilni twimani slái Damaskosni Abana bai Pharpar ham kuk ya da? Ang ba aro’-no sú-ui ham glak diba?” Hakhe bo thamchi kajagwi thángwi pái kha.

1 BOSONG 5:23

Salka bwkhago tong bainai Manaseni bosongrok Basanni simi Bal-harmon, Senir tei Harmon hachuk jora-o tong bai kha. Bórok belai khe er lai kha.

LOBMUNG 45:10

Sajwkrok, khna di, nai di, khunju kai di; nini sakni bororokno pok di tei nwphani noknobo pok di,

LOBMUNG 72:16

Ha-o mai-khul kwbángma khe tong thung; hachuk saka-o mai uaksa khárwi tong thung; abo Lebanonni bwthái hai wng thung; kamiyungni bororok hapharni samrok hai khe ersa thung.

LOBMUNG 76:1

Judarokni bisingo Kaitor sinijago, Israilrokni bisingo bini mung kotor.

LOBMUNG 76:4

Mol brúmni hatháirokni sláibo nwng chẃngsacha tei kotor.

LOBMUNG 89:12

Salsibai tei salgrabaino nwng se snamo; Tabor bai Harmon nini mungwi tongthogwi lobsa-o.

PHRWNGMUNG 9:6

Butuarok bai tong yaui thángwi tong di tei simungni lama tẃi yapri se di.”

RWCHAPMUNG 2:13

Khwichang buphangrok bwtháirok rw sa kha, tei angur bwlwngo angur barwi báhai jip-jip motom sa kha. Ani khájani naithokjwk, phai di, bacha di, o ani naithokti ang bai phai di.

RWCHAPMUNG 5:1

Ang ani tháiblwngo phai-o, o ani khásuk, ani bwrwi; ang ani langi-thok motom bai baksa angur murbo thumo, ang ani piya bwlap bai baksa piya bwtwi nungo, angur bwtwi bai baksa abuktwi nungo. O kichingsong chá se chá di nu-se nung di hamjakmano phek súgwi nung di.

RWCHAPMUNG 7:11

O ani khásuksa, tho phai di, panthor bwkhak tháng laiwi kami-o tongwi lai anw;

JISAIA 62:5

Tamo khe chwla sikla bwrwi siklano, kwtharno káijakma hai, abo tẃi kheno nini nwsarok bo nono káijak anw; tei chamari kwtal hamjwk kwtalno tẃiwi tongthokma hai; abo tẃi kheno nini Kaitor bo nono tẃiwi tongthok anw.

ESEKIEL 27:5

Bórok Senir hachukni pain buphang bokhongni bagwi na kha. Bórok Lebanonni Sidar buphangno rung kwcharni thongla khlai kha.

JOHON 12:26

Ani samung khlaina muchungnai borok bo ani logi phai thung, hakhe ang tong thani ani selengbo ang bai baksa tongwi man anw. Aphabo ani samung khlainaino bóri anw.”

UÁINWINI SA PHIMA 3:25

Nono koi ja-o, ano Jordanni ayang naro thángwi a ha kaham, naithok hachukni kamiyung tei Lebanonno nukna rw ja di.’

UÁINWINI SA PHIMA 3:9

(Sidonsarok khe hachuk Harmonno Sirion hwno tei Amorsarok khe Senir hwno.)

JOSUA 12:1

Omorokno wng kha Israilrok mechenmani habugrarok, Jordanni ayang nar salka phaisingni ha, Arnon twimani simi Harmon hathái jora tei Jordanni harung jora; salsibai phaising Harmon hachuk jora.