RWCHAPMUNG 4:7 - Kok Borok (Re-edited) Bible (BSI)

⁷ O ani khájani, nini le bebakno se naithok; mungsa-o se nini derama kwrwi.

RWCHAPMUNG 4:7 Iomraidhean Croise

LOBMUNG 45:11

habugra nini naithokmano bwkha phurjaknai. Tamoni hwn ba bo se nini bugra, nwng bono khulum di;

LOBMUNG 45:13

podrepot rangchak-ríchak tubu-ui phai anw. Ha bugrani bwsajwksong rangchak khopjak rírok chumjak khlaiwi bórokni khotolo naisingwi tongo;

RWCHAPMUNG 1:15

O ani hamjakma, nwng bwswk se naithok; au, nwng naithok; nini mokol kolnwirokbo tokthu hai.

RWCHAPMUNG 4:1

O ani hamjakma, nwng bwswk se naithok, bwswk se naithok! Rí hungklaijak bising tẃi nini mokolrok tokthu hai naithok. Nini khwnairok Giliad harung tẃi khár klai phainai pun bodolrok hai.

RWCHAPMUNG 5:16

Bini khúk belai kwtẃi, bini bebakno ang hamjago. O Jerusalemni bwrwirok bo le ani khájani borok ani hamjakma khásukti.

RWCHAPMUNG 5:2

Ang thu phano, ani bwkha sichajak. khna di! Ani kháni borok dugar bú phai-o. “Dugar phiyok di, o ani khásuk, ani hamjakma, ani tokthu katswi kaham kuk; tamni hwn ba ani bokhorok pantwi bai si kha, horni siyari bai ani bwkhnai si kha.”

LEKHAMUNG 24:5

Nini rínokrok o Jakob. Nini tongthairok bwswk naithok, o Israil.

KOLOSAI 1:22

Phiya ba Kaitor tabuk bini bwskango norokno kwthar khe, kuphur khe tei majra kwrwi khe tubuna bagwi bini Sajla thwimani bising tẃi norokno bo bai kwtha rw kha.

2 PITOR 3:14

Aboni bagwi khájani takhukrok, a Salno naisingwi tongma tẃi’-no Kaitorni bwskango kwthar khe majra kwrwi khe tongna nai di, phiya bo bai kwchang kwchang khe tongna nai di.

JUDA 1:24

Norokno klainani yakni kati rwui mannai, norokno majra kwrwi khe tongthok rwui bo chẃngsacha wngwi tong thani bacha rwui mannai,

PHUNUKJAKMANI 21:2

Ang Jerusalem Kwtal Taun Kwtharno chuknohani Kaitorni aroni ongkhorwi phaima nuk kha, hamjwk kwtal hai khe kanwi chumui tiyar wngwi bwsai bai malaina phaima hai khe ongkhorwi phaima nuk kha.