RWCHAPMUNG 4:6 - Kok Borok (Re-edited) Bible (BSI)

⁶ Phung aiwi pilala wngwi mwnakma kwma ya sak, ang mur tei satrai motom hathái-o tongnai.

RWCHAPMUNG 4:6 Iomraidhean Croise

LOBMUNG 66:15

Ang nini thani kuphung bupham gwnang yabrwino sógwi baroknai, abono motomsarwi sógwi baroknai; ang punrok bai baksa musuk chwlarok baroknai. Sela

LAM RWMA 20:24

Ani bagwi hani háyá kaisa snam di, aboni saka-o norok sógwi yaphar di, kwthamungni yapharmung tei norokni merarok, musukrok ratharwi yaphar di; ang norokni bagwi rwma bebak khulum thani’-no ang nini thani phaiwi nono hamari rwnai.

LAM RWMA 30:8

Tei Aron sarigobo omo hai khe’-no ma khlainai. O satrai sógwi yapharmano bo kusung kusungno Subraiyungni bwskango ma khlainai.

LAM RWMA 37:29

Bo teibo kwthar chongthar chongjaknai thok tei motom tei kaham satrai bai sabuljak thok motom hai snam kha.

RWCHAPMUNG 2:17

O ani khásukni nwng kiphilwi phai di; Ai ya sak, mwnakma kwmaui tháng ya sak nwng tong di, halapni mosok hai eba mwswi bwsa hai wng di. khachigwi phai tẃi khe phai di.

RWCHAPMUNG 3:6

Mur tei thok motom báhai khe, phalnairokni bebak langi thok motom báhai bai khe, sabo hokuno kosol khe hasing panthorni phaiwi tong?

RWCHAPMUNG 4:14

nard tei saphrom, mur belengtwi, elachi tei báhai motom tei satrai motomrok mur tei aloirok phiya dal-bidal bakhor buphangrok tongo;

RWCHAPMUNG 8:14

O ani khájani motom báhai, hathái sakani mwswi bwsa eba mwswi hai khe doui phai di.

JISAIA 2:2

Jora páithago omo hai wngnai, Subraiyungni noktharni hachuk, bebak hachukrokni slái kuchuk kuk hachugo tisajaknai; hakhe bebak hachukrokni slái kuchuk kugo lobsajaknai, tei bebak dopharok bini aro twi kotor hai khe kochogwi phainai.

MALAKI 1:11

Sal ka thaini simi sal tháng thai jora ani mung bebak dopharokni thani belai kotor tei bebak ha’-ono ani mungwi satrai sókjago tei kwthar yapharmung yapharjago; tamni hwn ba bebak dopharokni thani ani mung wng kha kotor, hwnwi kwplaisa Subraiyung sa-o.

MALAKI 4:2

Phiya ano kirinairok, norokni saka-o khe ani bujsóini sal kasanai tei aboni pohor bai kaham kwrwng khe tongnai. Nwng musuk bwsa nokni yógwi kherbai rw tẃi khe bársaui tongthoknai.

LUK SWIMANI KOTHOMA KAHAM 1:78

Chini Kaitor maya cháui khairokma bagwi bo mwthangnai salno chini saka kasa rw anw,

2 PITOR 1:19

Aboni bagwi diyarirok sa langmani a kókno chwng teibo poito khlai kugo. Norok a kókno khunju kai khe teibo hamo, tamni hwn ba a Sal kasa ya sak, phiya a aitorma norokni khá-o ka ya sak abo wng kha mwnakma-o chẃngwi tongnai chati hai.

1 JOHON 2:8

Hai phano ang dagiui swimani omo wng kha kwtal, tamni hwn ba mwnakma tháng rwrwgo tei tabuk sói pohor chẃngwi tongo.

PHUNUKJAKMANI 22:16

“Ang Jisu norok motharokno omorokno sana bagwi ani suarino rohor kha. Ang Daud bosongni; ang aitorma kwchẃng.”

PHUNUKJAKMANI 5:8

Bo abono na khe’-no a makbrwirok tei okra kholpebrwi Mera bwsani bwskango pwtapsa klai lai kha. Jotoni yago’-no chongpreng gwnang, jotoni yago’-no satrai hoku dumjak rangchakni dugol gwnang; a hoku wng kha Kaitorni bororok suri sanma se.