RWCHAPMUNG 4:3 - Kok Borok (Re-edited) Bible (BSI)

³ Nini khukchwirok khutwng twngnwi kwchak hai, tei búkhúk bwswk se naithok. Rí thuklupjak bising tẃi khe nini khangarrokbo chayiying khe naithogo.

RWCHAPMUNG 4:3 Iomraidhean Croise

YAPHANG 32:10

ang le nini Khairokma tei sói khe naijakna chúk ya, nini seleng se, raidang kongsa simi yago khe nongkhorwi Jordan lái thángma se, tabuk ani bodol kwnwi wng kha.

EJRA 9:6

hai hwnwi sa kha, “O ani Kaitor nini bwskango ani mwkhang tisanani ang belai lachi kha, chini bokhorokni slái chini sumsok chuk súk kha. Tei chini cha yarok chukha jora sógwi kha.

LOBMUNG 119:13

Nini khukni bebak kerong-raidarokno ang ani khúk bai sa-o.

LOBMUNG 37:30

Borok kahamni khukrok kók elemi sa-o tei bini bwslai bujsóini kók sa-o.

LOBMUNG 45:2

Nwng bororokni bisingo naithok kuk; nini khukni khairokma yoro; aboni bagwi Kaitor nono mol brúmni bagwi hamari rw kha.

PHRWNGMUNG 10:13

Sinai borokni thani khe elemni kók tongo, phiya butuarokni phikungni banta khe raidang tongo.

PHRWNGMUNG 31:26

Bo elem tẃiwi khúk pero tei khairokma gwnang khe kók sa-o.

RWCHAPMUNG 1:5

O Jerusalemni bwrwirok, ang Kedarni ríni nok hai, Solomonni noyungni rí swngjakrok hai; ang sak kosom tei naithok

RWCHAPMUNG 4:11

Nini khúk piya bwtwi swk kwtẃi; abuktwi tei piya bwtwi nini slái-o tongo; nini rírok báhairok Lebanon hai.

RWCHAPMUNG 5:13

Bini khangarrok, motom mosolani thuyam hai motom báhai ongkhorjak. Bini khukchwi mur bwtwi nangjak lili khumbar hai.

RWCHAPMUNG 5:16

Bini khúk belai kwtẃi, bini bebakno ang hamjago. O Jerusalemni bwrwirok bo le ani khájani borok ani hamjakma khásukti.

RWCHAPMUNG 6:7

Rí hungjak bising tẃi nini khangarrokbo dalim bwthái hai naithok.

RWCHAPMUNG 7:9

tei nwng motom sumarok khe arak kaham hai, Abo twrwk twrwk khe bwkhwchwi tei bua tẃi yor khlaiwi thángo.

ESEKIEL 16:63

Nwng samung hamyarok tangmano muitu wngnai tei ma lachinai. Ang bebak samung hamya khlaimani bagwi súchaui mwthang phuru khe lachiui búkhúk suda phiyogwi man glak, hwnwi Subraiyung Kaitor sa-o.”

LEBI 14:4

ochai bórokno a kwthar khlaijaknaini bagwi maknwi tok kwthar tei satrai buphang tei chaksru-sru buikhumu tei hisop tubu-ui ma phainai.

LEBI 14:6

Bo a tok kwthangno sidar buphang bai tei buikhumu chaksru-sru tei hisop bai khe naui, a twi kochokjago ratharmani a tok kwthangno thẃi-o ma chomsanai.

LEKHAMUNG 19:6

Ulo Ochai sidar buphang, hisop tei khul kwchak naui musukno sógwi tongmani a hóro khichonwi ma rwnai.

LEKHAMUNG 4:8

Hakhe bórok abórokni saka-o rí kwchak phinwi ma tonnai, abono pun bukur bai khe kholobwi tonnai tei aboni bisingo balphung ma tonnai.

MATHAI 12:35

Borok kaham bwkha-o kaham chu-ui tongmani aroni kaham tikhlai-o; borok hamya ba hamya chu-ui tonmani aroni hamya tikhlai-o.

LUK SWIMANI KOTHOMA KAHAM 4:22

Hakhe bebak borok bono kaham hwn kha tei bini búkhúkni kók kahamno khnaui bórok uanajagwi hai hwnwi sa lai kha, “Omo Josepni bwsla ya diba?”

EPIS 4:29

Búkhúk hamya ta tikhlai di, tamo khe norokni kók khnanairokni kaham wngna tẃi khe khá rak rwnai phiya samung nangnai abo tẃi kók simi sa di.

KOLOSAI 4:6

Khá kwchang rwnai khna thotok wngnai abo tẃi kók sal brúm brúm sana nang anw, phiya joto borokno bahai khe sanai abo norok saui manna nang anw.

HIBRU 9:19

Puilano Musi Kerongo tongmani bebak dagimarokno bororokno saui khna rw kha. Aphuru bo twi bai baksa dega bwthẃi na kha, hakhe hisop bai tei mera buikhumu kwchak bai khe abono Kerong bijap bai bebak lukuno sarcha kha.

JOSUA 2:18

Tamo khe nai di, chwng o ha-o hap phai phuru nwng chwngno tikhlai rohormani a tailamo khutwng kwchak khaui ton di tei nini nok bisingo nini nwma nwpha, nini takhuksong tei bebak nini nwphani sandairokno tong kwrwi tubu-ui ton di,