RWCHAPMUNG 4:16 - Kok Borok (Re-edited) Bible (BSI)

¹⁶ O salsibaini nokbar sibcha di, salgrabaini nokbar sipsaui tháng di! bini motomma báhai koprogwi manna tẃi. Ani khájani borok tháiblwng phaiwi bo thokjakma bwtháirokno chá phai si thung.

RWCHAPMUNG 4:16 Iomraidhean Croise

PHRWNGNAINI 1:6

Nokbar salgra phaising sibo tei salsibai-o kitingwi thángo; tei omo hai khe sipsa te sipsa te swkango tongma-o’no tongma-o kiphilwi phai phiro.

PHRWNGNAINI 2:5

ang tháiblwngrok, khum bwlwngrok snam kha tei aro juda juda bwtháini buphangrok kái kha.

RWCHAPMUNG 1:13

Ani hamjakma borok mur langi hai ani khája-o roko-o.

RWCHAPMUNG 1:4

Ano nini aro tẃi di, phai di doui tháng lainai. Habugra ano bini thumani khotolo tubu kha; chwng nwng bai bagrum bárwi tong thok lainai; angur bwtwi slái phano nini hamjakmano chwng teibo bólainai; bórok nono hamjagwi sóino khlai-o.

RWCHAPMUNG 2:3

Bolongni buphangrokni bere apel phang hai, ani hamjakma bo chwlarokni bisingo abo hai. Bwkha tong thogwi bini saklomo achugo, tei bini bwtháino ang thokjago.

RWCHAPMUNG 2:8

Khna di ani hamjakma borokni khorangno, naisik di, bo hapung hathái basu-ui phai-o.

RWCHAPMUNG 5:1

Ang ani tháiblwngo phai-o, o ani khásuk, ani bwrwi; ang ani langi-thok motom bai baksa angur murbo thumo, ang ani piya bwlap bai baksa piya bwtwi nungo, angur bwtwi bai baksa abuktwi nungo. O kichingsong chá se chá di nu-se nung di hamjakmano phek súgwi nung di.

RWCHAPMUNG 6:2

Ani khájani borok bini tháiblwngo tháng kha, motom báhai buphangrok tongma-o mera bodol mwrwknani tei lili khumrok kholna thángo.

RWCHAPMUNG 8:12

Ani sakni angur bwlwng, abo ani banta’-no; o Solomon, nini a sa-sai rang nini’-no tong thung tei angur bwlwng nainaini banta khe nwira!

JISAIA 64:1

Nwng nokharokno swplaui ongkhorwi phai di, hatháirok nini bwskango kwlwibra-o.

ESEKIEL 37:9

Hakhe bo ano hai hwnwi sa kha, “Thwiblang borok, nwng rangmano kók diyari sa di, Subraiyung Kaitor hai hwnwi sa-o, ‘O nokbar, nwng babaibrwi bwkhakni phai di tei o kwthwirokno thangna bagwi rangma rw di.’ ”

MATHAI 26:10

Bórok sa laimano Jisu saui manẃi bórokno hai hwnwi sa kha, “Norok tamo wngwi o bwrwimano tekto rw? Ani bagwi bo samung kaham’-no khlai kha.

MATHAI 26:12

Bo ano khlaimani abo ano phobna tiyar khlaina bagwi se ani bwsago thok motom luproui rw-o.

JOHON 3:8

Nokbar bini muchung tẃi si bo; norok bini sari simi khna-o, phiya biyangni phai biyang tháng abo norok saui man ya. Pholani achainairok bo ahai’-no.”

JOHON 5:8

Jisu bono hai hwnwi sa kha, “Bacha di, nini ríyanrok khochaui him di.”

SAMUNG 4:31

Suri sanwi pái kheno bórok kuthum laimani aro ha kwlwisa kha. Bórok bebak’-no Phola Kwthar bai koboljak bai kha, hakhe khá torwi Kaitorni kókno sa cha kha.

RUMSONGNO POL SWIHORMANI 15:28

Ang o samungno khlai bai khe, a rang khangjak bebak’-no bórokni yago rw baiwi ang Speno lam rwnai, hakhe tháng tẃi norok bai tong langnai.

1 PITOR 2:5

Holongthai kwthang hai khe phai di, hakhe Kaitorni nokthar tangna bagwi norok sak sakno tisajak di, a noktharo norok ochai kwthar wngwi Jisu Khristoni bising tẃi Kaitor hamjakma haino bini mungwi ratharwi barok anw.

2 PITOR 3:18

Norok chwngno Mwthangnai Subrai Jisu Khristoni khairokmano teibo si rwrwk di, bono teibo saui man rwrwk di. Tabukni simi mol brúm brúmno bo chẃngsacha wng thung. Amen.