RWCHAPMUNG 3:6 - Kok Borok (Re-edited) Bible (BSI)

⁶ Mur tei thok motom báhai khe, phalnairokni bebak langi thok motom báhai bai khe, sabo hokuno kosol khe hasing panthorni phaiwi tong?

RWCHAPMUNG 3:6 Iomraidhean Croise

LAM RWMA 30:34

Tei Subraiyung Musino hai hwnwi sa kha, “O motomnai bebaknono baksa khe na di, gulgul, nataph, onicha, gulbanu tei sói satrai na di.

PHRWNGMUNG 7:17

ang ani thuyamno mur thok motom, aloi tei elachi thok bai khe motomsa rwui ton kha.

RWCHAPMUNG 1:13

Ani hamjakma borok mur langi hai ani khája-o roko-o.

RWCHAPMUNG 1:3

nwng phulmani thok motomrok jip-jip motomsajak, nini mungbo lukhlaijak thok motomrok hai’-no motom; aboni bagwino bwrwirok siklarok nono hamjago.

RWCHAPMUNG 3:7

Uko naisik di, Solomonni uáying! Aboni yang ayang khorok dokchi Israilrokni phankrak kukni phankrak kukrok,

RWCHAPMUNG 4:6

Phung aiwi pilala wngwi mwnakma kwma ya sak, ang mur tei satrai motom hathái-o tongnai.

RWCHAPMUNG 5:13

Bini khangarrok, motom mosolani thuyam hai motom báhai ongkhorjak. Bini khukchwi mur bwtwi nangjak lili khumbar hai.

RWCHAPMUNG 5:5

Ang ani khájani borokno duglam phiyokna bacha kha, ani yak mur motomo chomsajak, ani yasi mur bwtwi nangjak dugar berepma-o nang kha.

RWCHAPMUNG 8:5

Sabo bini hamjakma chwlano kwbagwi hasing panthorni phai? Apel yaphango ang nono socha kha. Aro’-no nwma nono ok sajagwi bá-o.

JISAIA 43:19

Nai di, ang kwtal samung khlaiwi tongo; abo tabukno bumuk perwi achai anw; norok abono saui man glak diba? Ang haphar bukcha-o lama snamwi rwnai, tei hasing hapharo twimarokbo rwnai.

JIRIMIA 2:2

“Tháng di tei sakhlai di, Jerusalemni bororokno khna rwui di;” Subraiyung hai hwnwi sa-o, “Nwng sikla phuru bwswk khir-khir khe hik kwtalno hamjak tẃi khe hamjak kha tei hasing panthoro nwng ano bahai khe rwkthar kha tei a mokol bai nuk ya kho hano, khatungwi tháng kha.”

JIRIMIA 31:2

Subraiyung hai hwnwi sa-o; choba-o yógwi tong rwknai Israilrok lenglana tháng phuru-o hasing hapharo khairokma man kha.

HOSEA 9:10

Hasinglwngo angur bwthái manma hai ang Israilno man kha. Khwichang buphango tháiskangni bwthái hai bini molo nukma hai ang nwphasongno nuk kha. Phiya ba bórok Bal-piorni thani thángwi lachimasingcha samungni bagwi sak-sakno swkagwi kha tei bórok hamjakma manwi hai khe bórok selengmasingcha wng bai kha.

MATHAI 2:11

Bórok nok bisingo habwi a chwraino bini buma Mariam bai nuk kha. Bórok yáskú sungwi bono khulum kha, hakhe bórokni bokcha khengwi bono rangchak, satrai motom tei mur belengtwi hili rw kha.

UÁINWINI SA PHIMA 8:2

Tei nwng o bebak lama kolokma láiwi phaimani kókno muitu narwk di, Subraiyung nini Kaitor norokno nokha bisi brwichi hasing haphar tẃi khe norokno amjogwi naina bagwi tei norokno koinene khlai rwna bagwi phiya norokni bwkhano saui manna bagwi bo omo hai khlai kha.

PHILIPI 4:18

Hakhe norok ano rwmani iko abo jotono tongo kwbángmani slái se omo belai wng kha! Norokni bebak rwmungno Epaphrodit ani thani tubu kha ba tabuk ani nangmani ang bebak’-no man kha. Norok ano rwmani abo Kaitorni thani motom kwtẃi barokma hai, bini thani ratharma hai, abo bo bai yabo yachakjaknai, habo hamjaknai.

PHUNUKJAKMANI 12:14

Tamo khe a bwrwima hasing panthoro bini tongthai-o birwi thángna bagwi toling gudaini bwkrang kangnwi rwjak kha; bo aro nokha bisiktham kwchar naiwi tonjaknai, hakhe a chibukni yakni kati rwjaknai.

PHUNUKJAKMANI 12:6

A bwrwima hasing panthoro khárwi tháng kha, aro Kaitor bini bagwi tongthai snam kha, bo aro nokha sal 1,260 jora naiwi tonjaknai.

PHUNUKJAKMANI 18:13

khoroksa phano darchini, elachi, satrai, podrepot belengtwi motomrok painai kwrwi kha; khoroksa phano chuak, thok, ata, gom, musukrok, merarok, korairok, malkhungrok, selengrok tei bororokno painai kwrwi kha.

PHUNUKJAKMANI 5:8

Bo abono na khe’-no a makbrwirok tei okra kholpebrwi Mera bwsani bwskango pwtapsa klai lai kha. Jotoni yago’-no chongpreng gwnang, jotoni yago’-no satrai hoku dumjak rangchakni dugol gwnang; a hoku wng kha Kaitorni bororok suri sanma se.