RWCHAPMUNG 3:4 - Kok Borok (Re-edited) Bible (BSI)

⁴ Ang bórokno kisa lái kheno ang bono malai kha. Ang bono romwi ani amani nogo tubu ya sak tei ang ogo chujakmani thongaro tlang ya sak kwrak khe rom kha tei yakar li ya.

RWCHAPMUNG 3:4 Iomraidhean Croise

YAPHANG 32:26

Aphuru khe a borok hai hwnwi sa kha, “Ano yakar di, sal pasaui tong kha.” Hakhe Jakob hai hwnwi sa kha, “Nwng ano hamari rw ya sak ang nono yakar ya.”

PHRWNGMUNG 4:13

Nwng phrwngjakmarok tẃi khe tong di; abono ta yakar di; bono mwrwgwi tong di, tamni hwn ba bo se nini langma.

PHRWNGMUNG 8:17

Ano hamjaknairokno angbo hamjago, khá bai naituknairok khe ano mano.

RWCHAPMUNG 1:7

O ani khájani borok, nwng ano sa di, buro nini merarokno mwrwk? Sal khorogo kasa phuru khe, buro lengla rw? Tamni bagwi ang kubun mera mwrwknai bodolrokni thani mwkhango rí rwui thángnai?

RWCHAPMUNG 6:12

Ang saui man slap ya sini-no ani bwkha ano ani habugrani korai malkhungo kasa rw kha.

RWCHAPMUNG 7:5

Nini bokhorok khe Karmel hathái hai, nini bwkhnai khe kwsap tei kochual; a naithokma bwkhnai-o habugra khajagwi tongo.

RWCHAPMUNG 8:2

Hakhe ang nono tolwi amani khotolo tubu-ui phai kha mun, ano ogo chunaijwkni khotolo. Ang aro nono motom sabuljak angur bwtwi tei dalim bwtwino khan rw kha mun.

JISAIA 45:19

Ang mwnakma hani kwrẃngsa swgo phano huijagwi kók samani kwrwi; ang Jakobni bosongno; ‘Ubrum-jabrumo ano naituk di,’ hwnwi sa ya. Ang Subraiyung kók kubuino sa-o, ang sóino kókno sakhlai-o.

JIRIMIA 29:13

Norok ano naituk khe norok ano mannai; norok bwkha rw súgwi naituk khe mannai.

KAPSIMANG KAPMA 3:25

Subraiyungno naisingwi tongnairok tei bono bwkha beraui tongnairokni bo kaham khlai-o.

MATHAI 28:9

Achomsa Jisu bórokno nukjagwi “Norok ham di,” hwnwi sa kha. Bórok bini thani phai lai kha, hakhe bini yakung kwbagwi khulum lai kha.

MATHAI 7:7

“San di, hakhe norok mannai; naituk di, hakhe norok nuknai; dugar bu di, hakhe norok phiyogwi rwjaknai.

RUMSONGNO POL SWIHORMANI 8:35

Hakhe Khristo chwngno hamjakmani yakni chwngno sabo swkagwi mannai? Tekto rwui, bephasi-o khiklaiwi, sátogwi, ok khui rwui, biyalo khiklaiwi, dobo khiklaiwi, eba butharwi chwngno swkagwi da mano?

RUMSONGNO POL SWIHORMANI 8:39

nokhani mungsa phano man ya, ha tolanibo mungsa phano man ya chini Subrai Jisu Khristo tẃi Kaitor chwngno hamjakmani yakni chwngno swkagwi mannai bebak sirisiti o mungsa phano kw se kwrwi

GALATIA 4:26

Phiya ba chuknohani Jerusalem khe seleng khatijak ya, bo wng kha chini ama se.