RWCHAPMUNG 3:11 - Kok Borok (Re-edited) Bible (BSI)

¹¹ O Siyonni bwrwirok, ongkhorwi phai di habugra Solomonno nai phai di. bo káijak phuru buma bai thup rwjakma tei bo bwkha tongthokma salo motokno thup rwjak kha.

RWCHAPMUNG 3:11 Iomraidhean Croise

LOBMUNG 48:11

Siyon hathái bwkha srang thung, nini bujrokni bagwi Judiani kamiyungrok tongthok thung.

LOBMUNG 9:14

hakhe se ang Siyonni sajwkni duglamo nono lobsaui saui mannai, nini mwthangmano tẃiwi tongthogwi mannai.

RWCHAPMUNG 1:5

O Jerusalemni bwrwirok, ang Kedarni ríni nok hai, Solomonni noyungni rí swngjakrok hai; ang sak kosom tei naithok

RWCHAPMUNG 2:7

O Jerusalemni bwrwirok, ang auarni mwswirokni mung bai koija-o; norok ani hamjakma borokno jora sók phai ya sini tungphla rwui ta sicha rw di!

RWCHAPMUNG 7:11

O ani khásuksa, tho phai di, panthor bwkhak tháng laiwi kami-o tongwi lai anw;

RWCHAPMUNG 8:5

Sabo bini hamjakma chwlano kwbagwi hasing panthorni phai? Apel yaphango ang nono socha kha. Aro’-no nwma nono ok sajagwi bá-o.

JISAIA 4:4

Subraiyung buj thummani phola bai tei sóknai phola bai Jerusalemni thẃini marino swkagwi kuphur khlainai. Subraiyung Siyonni bwrwirokni hamyarokno sú-ui khibinai.

JISAIA 53:11

Bo bini langmani lengmano nuknai tei bwkha kochom anw; ani kwthar seleng bini simung bai kwbángma borokno bujsói man rw anw, tamni hwn khe bo bórokni bebak sumsokrokno horwi tlangnai.

JISAIA 62:5

Tamo khe chwla sikla bwrwi siklano, kwtharno káijakma hai, abo tẃi kheno nini nwsarok bo nono káijak anw; tei chamari kwtal hamjwk kwtalno tẃiwi tongthokma hai; abo tẃi kheno nini Kaitor bo nono tẃiwi tongthok anw.

JISAIA 9:6

Chini bagwi chwrai khoroksa achai kha; chwngno chwla bwsa khoroksa rwjak kha, tei bini bangora saka-o’-no ha naikolphangni barja rwjaknai: hakhe bini mung wngnai “Uanamasingcha kókbiti rwnaisa,” “Phan gwnang Kaitor,” mol brúm brúmni apha, “Khakchangni bugra.”

JIRIMIA 2:2

“Tháng di tei sakhlai di, Jerusalemni bororokno khna rwui di;” Subraiyung hai hwnwi sa-o, “Nwng sikla phuru bwswk khir-khir khe hik kwtalno hamjak tẃi khe hamjak kha tei hasing panthoro nwng ano bahai khe rwkthar kha tei a mokol bai nuk ya kho hano, khatungwi tháng kha.”

JIRIMIA 32:41

Ang bórokni kaham khlaiwi tongthoknai tei khá bai khúk bai tei kubui bai khlaiwi ang o ha-o bórokno snamwi tisanai.

JAPHANIA 3:17

Subrai norokni Kaitor norok bai tongo, bo sengkrak, norokno kwplai khlai-o; bo nono tẃiwi tongthoknai, nono hamjakmung bai kwtal khlainai; bo nono tẃiwi khorang kotor khlaiwi rwchapnai,

SAKARIA 6:11

Rangchak tei rukphaini motok snam di tei abono ochaiyung Jehosadakni bwsla Josuani khorogo thup rwui rw di;

MATHAI 12:42

Jerani salo ha salgrabaini isiri bachaui norokno majra ber anw, tamni hwn khe Solomonni kók elemi khnanani hwnwi bo ha buchukni phai kha; ang norokno o kók sa-o, oro Solomonni sláibo teibo mungsa kotor tongo.”

LUK SWIMANI KOTHOMA KAHAM 15:32

Chwng tongthogwi bagrum ma bár lai thai, tamni hwn ba nwphayung thwi thángma se, tabuk thangcha phi kha; kwmaui thángma se, manjak phi kha.’ ”

JOHON 15:11

“Ang tongthokma hai’-no norokbo tongthok thung, phiya norok tongthok súk thung hwnwi se ang o kókrokno sa-o.

JOHON 3:29

Káijaknaisa’-no káijaknaijwkno mannai; áya gana tongwi khnaui tongo, bo káijaknaisani khorang khnaui belai tongthokjago. Omo hai kheno ani tongthokma tabuk asi yók kha.

KOLOSAI 1:18

Bo wng kha bini bwsak mothani bokhorok; bo se bwsakno mwthangnai, bo simi se bebakni bokhorok wngwi manna tẃi khe bo se puila kwthwini mwthangwi tisajaknai.

HIBRU 13:13

Hakhe phai di, bathamni phataro bini thani thángwi bo lachi rwjak thani chwngbo manjagwi anw.

HIBRU 2:9

Tamo khe chwng Jisuno nugo! Kaitor khairokma bai Jisu bebak bororokni bagwi ma thwina tẃi khe srapsani bagwi bo suarirokni slái kusu khlaijak kha. Bo sátokjagwi thwima bai bono tabuk kotor khlaijagwi mwkhang belai chẃngsa rwjak khe nugo.

PHUNUKJAKMANI 1:7

Nai di, bo chumui bai khe phainai! Joto borok bono nuknai, bono yórnairokbo nuknai. O swngcharni bebak bosongrok bini bagwi muisubuk chaui kapnai. I’n, abo wngnai! Amen.

PHUNUKJAKMANI 19:12

Bini mokol hórjlai hai, bo motok kwbángma thupjak. Bini bwsago bumung tháisa swijak, hai phano bono karwi khoroksa phano abo tamo saui man ya.

PHUNUKJAKMANI 19:7

Phai di, chwng khá srangwi tongthok lai anw; bono kotor hwnwi lob lai anw! Mera Bwsa káijaknani jora sók phai kha, aboni bagwi bini bwrwi tiyar wng kha.