RWCHAPMUNG 3:1 - Kok Borok (Re-edited) Bible (BSI)

¹ Horo ani thuyamo, khájani borokno naituk kha; ang bono naitugwibo man li ya.

RWCHAPMUNG 3:1 Iomraidhean Croise

LOBMUNG 22:2

O ani Kaitor ang salo chirigwi kabo, tamo khe nwng khw se khna ya; horobo ang ringo, ani lenglamung kwrwi.

LOBMUNG 4:4

Thamchi tungjak phano sumsok ta khlai di; nini thuyamo siring siring khe uansugwi tong di tei siringcha wng di. Sela

LOBMUNG 6:6

Swlwkma bai ang belai leng kha; hor horo ani kobong muktwi bai siui kochogo; muktwi bai ani thuyam si-o.

RWCHAPMUNG 1:7

O ani khájani borok, nwng ano sa di, buro nini merarokno mwrwk? Sal khorogo kasa phuru khe, buro lengla rw? Tamni bagwi ang kubun mera mwrwknai bodolrokni thani mwkhango rí rwui thángnai?

RWCHAPMUNG 5:6

Ani khájani borokno ang phiyók rw kha, phiya ba ani hamjakma kiphilwi tháng kha. Bo kók sa phuru khunju kaichomwi man li ya, ang bono naitugwibo man li ya, ang bono naituk kha tamo khe bono man li ya; ang bono ring kha, tamo khe bo mungsa sa li ya.

RWCHAPMUNG 5:8

O Jerusalemni bwrwirok ang norokno kwrak khe sa-o, tumung norok ani khájani borokno nuk khe bono sa di: Ang hamjagwi kobor cha kha.

JISAIA 26:9

Horo khe ang nono khátango ani bwkha-o kuthuk khe nono naitugo. Ha-o buj thum phuru khe bórok bujsói tamono hwn srwngo.

JISAIA 55:6

“Subraiyungno manthok phuru’-ono naituk di, Samo tong phuru’-ono bono ring di.

LUK SWIMANI KOTHOMA KAHAM 13:24

“Dugar kesep tẃi’-no hapna bagwi káphra di. Ang norokno o kók sa-o, borok kwbángma hapna nai anw, hai phano habwi man glak.

JOHON 11:29

Mariam abono khna kheno bachaui bo bai malaina do lang kha.

JOHON 21:17

Jisu tei uáisa bono hai hwnwi sa kha, “Johonni bwsla Simon, nwng ano ha da hamjak?” Jisu bono “Nwng ano ha da hamjak?” hwnwi omo bai khe uáitham sẃngma bai Pitor khá hamya wngwi hai hwnwi sa kha, “Subrai, nwng bebak’-no saui mano. Ang nono hamjakmani nwng saui mano.” Jisu bono hai hwnwi sa kha, “Ani merarokno mwrwk di.

1 PITOR 1:8

Norok bono nuk ya phano hamjago. Norok tabuk bono nuk ya phano bono poito khlai-o. Aboni bagwino norok aswk belai khe tongthok lai-o, abo kók bai sa bai ya,