RWCHAPMUNG 2:9 - Kok Borok (Re-edited) Bible (BSI)

⁹ Ani hamjakma khe mwswi hai eba mosok bwsa hai. Nai di bo deual sederwi bacha phai-o, tei tailamrok tẃi naharo phiya rí keseng tẃi naisono.

RWCHAPMUNG 2:9 Iomraidhean Croise

2 SAMUEL 2:18

Jeruiani bwsla khorokthamrok bo aro tong bai-o Joab, Abisai tei Asahel. Asahel khe bolongni mwswi hai khe doui khachigwi mano.

PHRWNGMUNG 5:19

bo se nini kháni mwswi tei naithoma mwswijwk. Bini khája nono bwkha kochom rw phlai tong thung; bini hamjakma-o nwng phek phlaiwi tong thung.

PHRWNGMUNG 6:5

nwng sakno mwswi poluanni yakni yók tẃi khe tei tok khẃi thonnaisani yakni yók tẃi khe yók di.

PHRWNGMUNG 7:6

Ang ani nokni tailam tẃi naharwi tongmani,

RWCHAPMUNG 1:16

O ani hamjakma nwng bwswk se naithok, belaino naithok. Jabra kwkhrang se chini thuyam;

RWCHAPMUNG 2:17

O ani khásukni nwng kiphilwi phai di; Ai ya sak, mwnakma kwmaui tháng ya sak nwng tong di, halapni mosok hai eba mwswi bwsa hai wng di. khachigwi phai tẃi khe phai di.

RWCHAPMUNG 2:7

O Jerusalemni bwrwirok, ang auarni mwswirokni mung bai koija-o; norok ani hamjakma borokno jora sók phai ya sini tungphla rwui ta sicha rw di!

RWCHAPMUNG 3:5

O Jerusalemni bwrwirok, ang auarni mwswirokni mung bai koiwi sa-o, norok ani hamjakmani borokno jora sók phai ya sini tungphla rwui ta sicha rw di!

RWCHAPMUNG 8:14

O ani khájani motom báhai, hathái sakani mwswi bwsa eba mwswi hai khe doui phai di.

LUK SWIMANI KOTHOMA KAHAM 24:35

A borok khoroknwirok lama-o wngmanobo saui khna rw kha, ruti swkak phuru bahai khe bórok Subraino sini kha abonobo saui khna rw kha.

JOHON 12:41

Jisaia Jisuni chẃngsachano nugwi bini kók sa lango; aboni bagwino bo o kók sa-o.

JOHON 5:39

Elembago mwthangjak phlainai kók tongna hwnwi norok abono cherwi nai lai-o. Aile a elembak se ani bagwi sakki rwui tongo,

JOHON 5:46

Norok sói’-no Musino poito khlaima te anobo khlai kha mun, tamni hwn khe bo swilangmani abo ani kók se.

1 KORINTH 13:12

Tabuk chwng nukmani abo aina hamya naima hai; aphuru chwng dadak-didik khe nuknai. Ang tabuk simani abo kisicha se, aphuru Kaitor tabuk ano saui manma tẃi’-no angbo bebak’-no saui man anw.

KOLOSAI 2:17

Omo tẃirok bwskango tamo wngno wng ya aboni sampili simi se; yaphang hwn khe Khristo se.

HIBRU 10:1

Judai Kerong wng kha a sói manwirokni dok wng súk ya. Omo wng kha manwi kahamrok phaina hwnmani aboni sampili si kho. Bisi brúm brúm abo hai khe pun tok ratharwi phai lai kha. Hakhe Kerong bahai khe aboni bising tẃi Kaitorni thani phainairokno kaham khlainai?

PHUNUKJAKMANI 19:10

Ang bono khulumna bagwi bini yakung yaphango pwtapsa klai kha, hakhe bo ano hai hwnwi sa kha, “Ano ta khulum di. Ang nwng bai baksa’-no seleng se. Ang Jisu si rwmano kwrak khe poito khlaiwi tongnai nini takhukrok bai baksa seleng se. Kaitorno se khulum di.” Jisu si rwmani abono tẃiwi diyarirok kók sa-o.

BUJ THUMNAIROK 5:28

“Siserani buma tailam tẃi naikhlai kha, tailamni rí keseng swngjak tẃi naihorwi ‘Tamni bini korai malkhung ba aswk phaina ler kha, tamni bini korairok ba aswk ler lang?’ hwnwi sa kha.