RWCHAPMUNG 2:7 - Kok Borok (Re-edited) Bible (BSI)

⁷ O Jerusalemni bwrwirok, ang auarni mwswirokni mung bai koija-o; norok ani hamjakma borokno jora sók phai ya sini tungphla rwui ta sicha rw di!

RWCHAPMUNG 2:7 Iomraidhean Croise

YAPHANG 49:21

“Naptali khe dwkhwi kwrwi mwswi bwrwi hai, bini khugo khe kók kwtẃi-kwtẃi máng.

LOBMUNG 18:33

Bo ani yaprino mwswini yapri hai khlai kha, tei ano kuchukrogo tonwi kirina kwrwi khe ton kha.

PHRWNGMUNG 5:19

bo se nini kháni mwswi tei naithoma mwswijwk. Bini khája nono bwkha kochom rw phlai tong thung; bini hamjakma-o nwng phek phlaiwi tong thung.

PHRWNGMUNG 6:5

nwng sakno mwswi poluanni yakni yók tẃi khe tei tok khẃi thonnaisani yakni yók tẃi khe yók di.

RWCHAPMUNG 1:5

O Jerusalemni bwrwirok, ang Kedarni ríni nok hai, Solomonni noyungni rí swngjakrok hai; ang sak kosom tei naithok

RWCHAPMUNG 2:17

O ani khásukni nwng kiphilwi phai di; Ai ya sak, mwnakma kwmaui tháng ya sak nwng tong di, halapni mosok hai eba mwswi bwsa hai wng di. khachigwi phai tẃi khe phai di.

RWCHAPMUNG 2:9

Ani hamjakma khe mwswi hai eba mosok bwsa hai. Nai di bo deual sederwi bacha phai-o, tei tailamrok tẃi naharo phiya rí keseng tẃi naisono.

RWCHAPMUNG 3:5

O Jerusalemni bwrwirok, ang auarni mwswirokni mung bai koiwi sa-o, norok ani hamjakmani borokno jora sók phai ya sini tungphla rwui ta sicha rw di!

RWCHAPMUNG 5:16

Bini khúk belai kwtẃi, bini bebakno ang hamjago. O Jerusalemni bwrwirok bo le ani khájani borok ani hamjakma khásukti.

RWCHAPMUNG 8:14

O ani khájani motom báhai, hathái sakani mwswi bwsa eba mwswi hai khe doui phai di.

RWCHAPMUNG 8:4

O Jerusalemni bwrwirok ang norokno koiwi sa-o, ani hamjakmano jora wng ya sini tungphla rwui ta socha di!

HABAKUK 3:19

Kaitor, Subraiyung se ani phan; bo ani yakungno mwswini yathek hai khlai-o tei tongthai kuchugo kasana phan rw-o. Rwchapmung tẃithernaisani banta: Buduk gwnang tammung bai khe.

MATHAI 26:63

Hai phano Jisu siring siring khe tong kha. Ochai bokhorok hai’-no hai bono hai hwnwi sẃng kha, “Kaitor kwthangni mungwi nwng chwngno swmai tangwi sa di: Nwng Kaitorni Sajla a Masia da?”