RWCHAPMUNG 2:4 - Kok Borok (Re-edited) Bible (BSI)

⁴ Bo ano chá laima nogo tlang kha, bana tisama hai khe bo ano hamjakmano phunuk kha.

RWCHAPMUNG 2:4 Iomraidhean Croise

ESTER 7:7

Aphuru khe Haman habugra tei Isirini bwskango belaino kirijak kha. Bugra jolijagwi chuak khuri beraui bacha kha tei nokni ongkhorwi noyungni khumulwngo tháng kha. Haman habugra bono tamo khlainai khlai ya chongwi pái kha hwnwi saui manwi bo nok bisingo tongrwgwi Isiri Esterni thani bini langmano mwthang ja di hwnwi koina bagwi tong rwk kha

JOBNI BIJAP 1:10

Nwng bono hamyani yakni kati rwui máng tongo, bini núkhungno tei bini bebak tong kwrwirokno nwng mwrwgwi tongo. Nwng bini bebak samungrogobo hamari rw kha tei ha saka-o bini mal-matarokbo er kha.

LOBMUNG 20:5

Nwng kwplai wngma bagwi chwng ma tongthok thung, tei Kaitorni mung bai chini banano tisanai. Kaitor nini koimarokno khna thung.

LOBMUNG 60:4

Nono kiriui tongnairokno nwng kangsa bana rw kha, abo bai bo badukhung bai kokjaknani aroni khárwi mannai.

LOBMUNG 84:10

Nini nokhla-o salsa tongmani le tei kwrẃngsa swgo sal sasai ma tongmani slái kaham kuk. Ang borok hamyani nogo ma tongmani slái ani Kaitorni nok duglam mwrwknai wngwi ma tongmani se kaham kuk.

RWCHAPMUNG 1:1

Solomonni khnathok kukma rwchapmungrok.

RWCHAPMUNG 1:4

Ano nini aro tẃi di, phai di doui tháng lainai. Habugra ano bini thumani khotolo tubu kha; chwng nwng bai bagrum bárwi tong thok lainai; angur bwtwi slái phano nini hamjakmano chwng teibo bólainai; bórok nono hamjagwi sóino khlai-o.

RWCHAPMUNG 5:1

Ang ani tháiblwngo phai-o, o ani khásuk, ani bwrwi; ang ani langi-thok motom bai baksa angur murbo thumo, ang ani piya bwlap bai baksa piya bwtwi nungo, angur bwtwi bai baksa abuktwi nungo. O kichingsong chá se chá di nu-se nung di hamjakmano phek súgwi nung di.

RWCHAPMUNG 6:4

Ani hamjakma, nwng Tirja kamiyung hai naithok, tei Jerusalem haino naithok, tei banarok tẃijak sengkrak hai kirimasingcha.

JISAIA 11:10

A salo Jisaini yarwng bebak dopharokni thani bana hai wngwi bachanai. Bebak dopharok bono naituknai tei bini tongthai chẃngsacha wngnai.

PHUNUKJAKMANI 3:20

Khna di, ang duglamo bachaui dugar bu-o; ani khorang khnaui khoroksa swk duglam phiyogwi rw khe ang bini nogo hapnai, hakhe ang bo bai chánai, bobo ang bai chánai.