RWCHAPMUNG 2:3 - Kok Borok (Re-edited) Bible (BSI)

³ Bolongni buphangrokni bere apel phang hai, ani hamjakma bo chwlarokni bisingo abo hai. Bwkha tong thogwi bini saklomo achugo, tei bini bwtháino ang thokjago.

RWCHAPMUNG 2:3 Iomraidhean Croise

LOBMUNG 45:2

Nwng bororokni bisingo naithok kuk; nini khukni khairokma yoro; aboni bagwi Kaitor nono mol brúmni bagwi hamari rw kha.

LOBMUNG 45:3

O phankraksa, nini sengno bwchango kha di, nini chẃngsacha tei phan gwnang.

LOBMUNG 57:1

Ano khairok ja di, o Kaitor ano khairok ja di, tamni hwn ba ang nini thani khorok bom phai-o; sokomornai nokbar kotor lái ya sak ang nini kangkhung saklomo bomnai.

LOBMUNG 89:6

Nokha-o sabo bai Subraiyungno su thotok tong? chuknohani phankrakrokni bere sabo Subraiyung bai baksa tong?

LOBMUNG 91:1

Kwplaisani saklomo tongnai, kuchuk kuksani thani tongwi tongnairok,

RWCHAPMUNG 1:16

O ani hamjakma nwng bwswk se naithok, belaino naithok. Jabra kwkhrang se chini thuyam;

RWCHAPMUNG 2:5

Ano angur bwthái kwran bai phan kwtal rw di, tei apelrok chá rwui sak srang rw di; tamni hwn ba ang hamjagwi bor kha.

RWCHAPMUNG 4:13

Nini buphang bwsarok dalimphang bari hai tei aro bwthái kothokrok motom hena bai bwlái motom khumrok tongo,

RWCHAPMUNG 4:16

O salsibaini nokbar sibcha di, salgrabaini nokbar sipsaui tháng di! bini motomma báhai koprogwi manna tẃi. Ani khájani borok tháiblwng phaiwi bo thokjakma bwtháirokno chá phai si thung.

RWCHAPMUNG 5:16

Bini khúk belai kwtẃi, bini bebakno ang hamjago. O Jerusalemni bwrwirok bo le ani khájani borok ani hamjakma khásukti.

RWCHAPMUNG 7:13

Mandrak bwthái báhai motomsa kha, kaham kaham bwthái-bumukrok chini nok dugar gana’-ono tongo, o ani khájani abórok bebakno nini bagwi khatiui tono.

RWCHAPMUNG 8:11

Balhamono Solomonni angur bwlwng tongmani; bo angur bwlwngno mwrwknaino barja rw kha; a bwtháini bagwi rukphaini rang belep sa-sai rw-o.

RWCHAPMUNG 8:12

Ani sakni angur bwlwng, abo ani banta’-no; o Solomon, nini a sa-sai rang nini’-no tong thung tei angur bwlwng nainaini banta khe nwira!

RWCHAPMUNG 8:5

Sabo bini hamjakma chwlano kwbagwi hasing panthorni phai? Apel yaphango ang nono socha kha. Aro’-no nwma nono ok sajagwi bá-o.

JISAIA 25:4

Tamni hwn khe nwng wng kha bigrarokni bomthai nok kwrak, tei kwrwirokni digi-sigi phuru nwng se kati rwui tonnai nok, nwng se bórokno nokbar kotorni kati rwnai nok, tei satung phurubo saklom rwui tono. Khairok ya bororok masingni nokbar hai se swprago,

JISAIA 32:2

Bórok bebakno nokbar kotoro khárjakthai hai wngnai tei bangkundri-o kati rwnai hai tei ha kwrano twisa yor tẃi tei kirimasingcha ha-o khamprajak holongthai kotor bai saklom rwma hai wngnai.

JISAIA 4:2

A salo Subraiyungni bedek naithok tei chẃngsacha wngnai ha-o tháimani bwtháirok yógwi tong rwknai Israilrokni bagwi kung chukjaknai tei chẃngsacha wngnai.

JISAIA 4:6

Tei salo kutungni yókna bagwi saklom tei nokbar uatwini jora-o bathaknani tei tongthaini bagwi kaisa ríni nok tongnai.

ESEKIEL 47:12

Babainwnwi twima rukungo podrepot chájaknai bwthái buphangrok achainai. Abórokni bwláirok hoi glak tei bórokni bwtháirok kwrai glak, hwn ba tal brúm aro bwthái kaham kaham tháinai, tamni hwn ba abórokni bagwi noktharni twi riyorwi phai-o. Abórokni bwtháino cháui mannai tei abórokni bwláirok bai khe bororokni hamyarok hamnai.

JOEL 1:12

Angur bwlwngrok mwran kha, khwichang buphangrok thẃi bái kha. Barini dalim, khajuri tei apel buphangrok ranpra bái kha; borokni bwkhani tongthokma kwma laha’-no.

HIBRU 12:2

Phai di, chwng Jisuno naharwi tong lai anw, bo’-no chini poitoni yaphang buchuk. Ulni tongthokni bagwi se bo krusno soi-o, kruso thwinanino bo lachimasingcha wngjak ya, hakhe bo tabuk Kaitorni achukthayungni yagra bwkhak achukjak.

BUJ THUMNAIROK 9:15

Busulwng buphangrokno hai hwnwi sa kha, “Norok kubui’-no ano norokni bugra chá rwna muchung khe, ani saklomo bathak phai di, wng ya khe busulwngni hór pekhagwi Lebanonni buphangrokno kham rw bainai.”