RWCHAPMUNG 2:13 - Kok Borok (Re-edited) Bible (BSI)

¹³ Khwichang buphangrok bwtháirok rw sa kha, tei angur bwlwngo angur barwi báhai jip-jip motom sa kha. Ani khájani naithokjwk, phai di, bacha di, o ani naithokti ang bai phai di.

RWCHAPMUNG 2:13 Iomraidhean Croise

RWCHAPMUNG 1:15

O ani hamjakma, nwng bwswk se naithok; au, nwng naithok; nini mokol kolnwirokbo tokthu hai.

RWCHAPMUNG 2:10

Ani hamjakma borok ano sa-o; “O ani khájani, bacha di; o ani naithok, phai ja di.

RWCHAPMUNG 2:15

“A siyalrokno tei siyal bwsarokno chini bagwi rom di, tamni hwn ba abórok angur bari dera rw-o.”

RWCHAPMUNG 6:11

Harungni buphangrok barma, angur buphangrok rotomsama tei dalimrok thái ma naina bagwi ang badamphang bwlwngo tháng kha.

RWCHAPMUNG 7:8

Ang khajuriphango kasanai, tei aboni bwtháino tangnai. Nini khájarok angur bwchap chapnwi hai wng thung, nini hamabo apelrokni báhai hai,

JISAIA 18:5

Angurrok bubar bwthái wng ya sini’-no tei angur bwtháirok rá ya sini’-no bo abórokno sengsa kubuk bai khe raui páinai, rotomsajakno bo tanwi páinai tei bedekroknobo tanwi páinai.

JISAIA 61:11

Tamo khe ha bini o bwchlwi per rwma hai, tei haphar bini o bwchlwi per rwma hai khe; Subraiyung bo bebak dopharokni bwskango sói kubuino’-no tei lobmungno achai rwnai.

HOSEA 14:6

Bini bosokrok torsanai; bini bedekrok suhorsanai, bini naithokma olib buphang hai naithok wngnai bini motomma Lebanonni sidar hai wngnai.

HAGAI 2:19

Mayam nogo maichwlwi tong rwk li ya de? Tabukbo de khwichang, dalim tei angur thái ya wng kho? O salni simi ang nono hamari rwnai.”

MATHAI 24:32

“Norok khwichang buphangno naisigwi srwng di. Bini bedek khrangsaui bwlái rotomwi phai phuru tangbla sampha kha hwnwi norok saui mano.

LUK SWIMANI KOTHOMA KAHAM 19:42

“Kahamni bagwi tamo nangwi tong kha tini phano nwng omono saui manma te! Tamo khe abo tabuk nini mokol kotonjak.

2 KORINTH 5:20

Chwng aboni bagwi Khristoni mungwi kók sa-o, abo chini khúk tẃi Kaitor norokno kók sama hai se; chwng Khristoni mungwi norokno Kaitor bai kwtha di hwnwi sa ja-o.