RWCHAPMUNG 2:10 - Kok Borok (Re-edited) Bible (BSI)

¹⁰ Ani hamjakma borok ano sa-o; “O ani khájani, bacha di; o ani naithok, phai ja di.

RWCHAPMUNG 2:10 Iomraidhean Croise

2 SAMUEL 23:3

Israilni Kaitor sa kha, Israilni holong ano sa kha; khoroksa swk Kaitorno kiriui bororokno bujsói khe tẃi khe,

LOBMUNG 85:8

Subraiyung Kaitor samano ang khnanai, tamni hwn ba bo bini bororokno, bini kók khnaui tongnairok tei bini thani bwkha kiphilwi phainairokno kók kwchangno sanai.

RWCHAPMUNG 1:15

O ani hamjakma, nwng bwswk se naithok; au, nwng naithok; nini mokol kolnwirokbo tokthu hai.

RWCHAPMUNG 1:9

O ani hamjakma, ang nono Pharaoni malkhungrok sonai korai bwrwi bai se su-o.

RWCHAPMUNG 2:11

nai di masing láiwi tháng kha, tei basal bo láiwi tháng kha.

RWCHAPMUNG 2:13

Khwichang buphangrok bwtháirok rw sa kha, tei angur bwlwngo angur barwi báhai jip-jip motom sa kha. Ani khájani naithokjwk, phai di, bacha di, o ani naithokti ang bai phai di.

RWCHAPMUNG 2:8

Khna di ani hamjakma borokni khorangno, naisik di, bo hapung hathái basu-ui phai-o.

RWCHAPMUNG 5:2

Ang thu phano, ani bwkha sichajak. khna di! Ani kháni borok dugar bú phai-o. “Dugar phiyok di, o ani khásuk, ani hamjakma, ani tokthu katswi kaham kuk; tamni hwn ba ani bokhorok pantwi bai si kha, horni siyari bai ani bwkhnai si kha.”

JIRIMIA 31:3

Hakchalo tongwi Subraiyung bórok bai nukjak kha, ang norokno mol brúmni bagwi hamjak kha; aboni bagwi ang norokno sói kubui khe kók rwmani tẃi’-no tongo.

MATHAI 9:9

Jisu aroni kutulwi tháng kha, hakhe him te him te Mathai hwnwi teks romnai khoroksano bini tangnogo achugwi tongma nugwi kha. “Ani logi phai di,” hwnwi Jisu bono sa kha. Hakhe Mathai bachaui bini logi tháng kha.

2 KORINTH 11:2

Kaitor hai khe’-no ang norokni bagwi khá súgo. Norok wng kha bwrwi sikla kwthar hai, borok khoroksa bai bono káina hwnwi ang kók sẃngmani, a borok wng kha Khristo.

PHUNUKJAKMANI 22:17

Phola bai Hamjwk kwtal “Phai di!” hwnwi sa-o. O kók khnanairok joto’-no “Phai di!” hwnwi ma sanai. O twi kangnai borok, phai di. O twi nungna muchungnai borok, mwthangnai twino ahai’-no nung phai di.