RWCHAPMUNG 1:8 - Kok Borok (Re-edited) Bible (BSI)

⁸ O bwrwi naithok kuk, abo buro si ya hwn khe, mera bodolni yapai songwi tháng di, tei mera mwrwknairokni ríni nok gana-o nini punsarokno mwrwgwi di.

RWCHAPMUNG 1:8 Iomraidhean Croise

LOBMUNG 16:3

Tamoni hwn ba hani Kwtharsani bororok se borok kahamrok, bórokno tẃi se ani tongthokmarok le.

LOBMUNG 45:11

habugra nini naithokmano bwkha phurjaknai. Tamoni hwn ba bo se nini bugra, nwng bono khulum di;

LOBMUNG 45:13

podrepot rangchak-ríchak tubu-ui phai anw. Ha bugrani bwsajwksong rangchak khopjak rírok chumjak khlaiwi bórokni khotolo naisingwi tongo;

PHRWNGMUNG 8:34

Ani kók khnanai bororok hamchajak, sichaui tongwi ani duglamo naisingwi tongnai bono hamchajak.

RWCHAPMUNG 1:15

O ani hamjakma, nwng bwswk se naithok; au, nwng naithok; nini mokol kolnwirokbo tokthu hai.

RWCHAPMUNG 2:10

Ani hamjakma borok ano sa-o; “O ani khájani, bacha di; o ani naithok, phai ja di.

RWCHAPMUNG 4:1

O ani hamjakma, nwng bwswk se naithok, bwswk se naithok! Rí hungklaijak bising tẃi nini mokolrok tokthu hai naithok. Nini khwnairok Giliad harung tẃi khár klai phainai pun bodolrok hai.

RWCHAPMUNG 4:10

Nini hamjakma bwswk se kwtẃi, ani khásuk ani bwrwi! nini hamjakma angur bwtwini slái kaham, tei bebak langi-thok motomni slái se nwng motom kugo!

RWCHAPMUNG 4:7

O ani khájani, nini le bebakno se naithok; mungsa-o se nini derama kwrwi.

RWCHAPMUNG 5:9

O naithok kuk bwrwi, nini chwla ba buini slái de ham kuk? Nini hamjakma chwla ba buini slái bwswk hamtiui nwng ba chwngno koina klai?

RWCHAPMUNG 6:1

O naithok kuk, nini hamjakma borok biyang tháng lang? Nini hamjakma borok bu lama tẃi tháng? Sa di, hakhe chwngbo nwng bai baksa naitugwi man anw.

JIRIMIA 6:16

Subraiyung hai hwnwi sa-o: Lampra-o bacha di tei naiwi lama kwchamni kókno sẃng di, nai di, biyang lama kaham tong; a lama tẃi himwi nini bwkhano lengla rw di. Phiya bórok hai hwnwi sa-o, “Chwng a lama tẃi him glak.”

JOHON 21:15

Bórok chá bai khe Jisu Simon Pitorno hai hwnwi sa kha, “Johonni bwsla Simon, omorokni slái da nwng ano hamjak kuk?” “I’n, Subrai, ang nono hamjakmani nwng saui mano,” hwnwi Pitor sa kha. Hakhe Jisu bono hai hwnwi sa kha, “Ani mera bwsarokno mwrwk di.”

1 KORINTH 11:1

Ang Khristono swrwngma hai’-no norokbo ano srwng di.

EPIS 5:27

Mothano sap-sutra khe, majra kwrwi khe, kosom kwrwi khe, kodrojak kwrwi khe eba tei mungsa derama kwrwi khe naithok rw súgwi bini thani yapharwi manna tẃi khe bo omono khlai-o.

HIBRU 13:7

Norokno Kaitorni kók sanai a swkangni bokhorokrokno muitu khlai di. Bórok bahai khe tong lang kha bahai khe thwi lang kha uansugui nai di, hakhe bórok hai poito gwnang wng di.

HIBRU 6:12

Norok seler wng thung abo chwng nai ya, tamo khe poito khlaiwi hama lokma bai Kaitor rwna hwnwi kók rwmano mannairokno srwng thung hwnwi se chwng nai-o.

JAKOB 2:21

Chini chuchu Abraham Kaitor bai bahai khe kaham hwnwi romjak kha? Bo bini bwsa Isakno háyá-o bok kha, a samung bai se bo kaham hwnwi romjago.

JAKOB 2:25

Baliknaijwk Rahab ahai’-no wng kha. Bo bini samung bai Kaitor bai kaham hwnwi romjak kha; bo Judai siadirokno nogo kasa rwui kubun lama tẃi tikhlaiwi rohorma bai kaham hwnwi romjak kha.

JAKOB 5:10

Takhukrok, Subraini mungwi kók sanai diyarirokno naisik di, sátokjak phuru norok bórok hai khe khá logwi soiwi tong di.

1 PITOR 3:6

Sarabo abo haino; bo Abrahamni kók khnaui bono “Ani bugra,” hwnwi hwno. Norok tabuk mungsa kiri yaui samung kaham khlai khe bini bwsajwksong wngma klai-o.