RWCHAPMUNG 1:7 - Kok Borok (Re-edited) Bible (BSI)

⁷ O ani khájani borok, nwng ano sa di, buro nini merarokno mwrwk? Sal khorogo kasa phuru khe, buro lengla rw? Tamni bagwi ang kubun mera mwrwknai bodolrokni thani mwkhango rí rwui thángnai?

RWCHAPMUNG 1:7 Iomraidhean Croise

YAPHANG 37:16

“Ang ani takhuksongrokno se naitugwi tongo,” hwnwi bo sa kha. “Bórok buro mera mwrwk laiwi tong khna ano kisa sa ja di,” hwnwibo bo sa kha.

LOBMUNG 116:1

Ang Subraiyungno hamjago, tamni hwn ba bo ani khorang bai koimano khna-o.

LOBMUNG 18:1

O Subraiyung ani phan ang nono hamjago.

LOBMUNG 28:1

O Subraiyung ang nono ringo; ani holongthai, ani sanmano khna ya wngwi ta tong ja di, nwng siring siring tong khe ang hakhoro thángnairok hai wngo.

LOBMUNG 80:1

O Israilno mwrwknaisa khna ja di, nwng Josepno mera bodol hai khe béngo! nwng cherubni saka-o tongnaisa, nwng chẃngsa di

RWCHAPMUNG 2:16

Ani hamjakma khe ani’-no, angbo bini’-no; bo bini merarokno lili khum bising bisingrogo mwrwgo.

RWCHAPMUNG 2:3

Bolongni buphangrokni bere apel phang hai, ani hamjakma bo chwlarokni bisingo abo hai. Bwkha tong thogwi bini saklomo achugo, tei bini bwtháino ang thokjago.

RWCHAPMUNG 5:10

Ani khájani borok le sak kwchẃng tei sakur chakkhlaijak, khorok chisai-o se kaisa.

RWCHAPMUNG 5:16

Bini khúk belai kwtẃi, bini bebakno ang hamjago. O Jerusalemni bwrwirok bo le ani khájani borok ani hamjakma khásukti.

RWCHAPMUNG 5:8

O Jerusalemni bwrwirok ang norokno kwrak khe sa-o, tumung norok ani khájani borokno nuk khe bono sa di: Ang hamjagwi kobor cha kha.

RWCHAPMUNG 6:2

Ani khájani borok bini tháiblwngo tháng kha, motom báhai buphangrok tongma-o mera bodol mwrwknani tei lili khumrok kholna thángo.

RWCHAPMUNG 6:3

Ani hamjakma khe ani tei angbo bini se; bo bini mera bodolno lili khum tongma bwlwngo mwrwgo.

RWCHAPMUNG 8:13

O tháiblwngrogo tongnai, ani mángsongrok nini khorang khna-o; anobo khna rwja di.

JISAIA 13:20

Bini aro tei tongnairok tong glak, eba kusung-kusungni bagwi aro bororok tong glak; Arabsasongbo aro ríni nok tang phai glak, khoroksa mera mwrwknairokbo aro bórokni mera bodolno lengla rw phai glak.

JISAIA 26:9

Horo khe ang nono khátango ani bwkha-o kuthuk khe nono naitugo. Ha-o buj thum phuru khe bórok bujsói tamono hwn srwngo.

JISAIA 40:11

Bo mera mwrwknairok hai khe mwrwgwi chá rwnai, bo bini yago merarokno thumwi tubunai, bo mera bwsarokno bini yaktwk bai bamsaui tẃinai, tei bwsa gwnangrokno kwchang kwchang khe tẃinai;

JISAIA 5:1

Ani khásuksani bagwi ang rwchapnai, bini angur bwlwngno tẃiwi rwchap anw: tos gwnang hachukni samo ani khásukni angur bwlwng kaisa tongmani.

JIRIMIA 33:12

Sengkrakrokni Subraiyung hai hwnwi sa-o: O borok tei mal-mata kwrwi bukcha klaijak hani bebak kamiyungrokno tei hapharrokno haino hai bororok tong phainai, merarokni cháthai tei bathakthai wngnai.

MIKA 5:4

Bo phaiwi Subraiyungni phan bai, bini Subraiyung Kaitorni mungni suar bai bini mera bodolrokno mwrwk phainai. Tei bórok kirina kwrwi khlaiwi tongnai, tamni hwn ba bo o ha páithak jora kotor wngnai;

MATHAI 10:37

“Ano hamjakmani slái buma buphano hamjak kuknai borok bo ani borok wngna chúk ya; phiya ano hamjakmani slái bwsa-bẃtẃino hamjak kuknai borok bo’-bo ani borok wngna chúk ya.

JOHON 10:11

“Ang’-no mera mwrwknai kaham, mwrwknai kaham merarokni bagwi thwiwibo mano.

JOHON 21:17

Jisu tei uáisa bono hai hwnwi sa kha, “Johonni bwsla Simon, nwng ano ha da hamjak?” Jisu bono “Nwng ano ha da hamjak?” hwnwi omo bai khe uáitham sẃngma bai Pitor khá hamya wngwi hai hwnwi sa kha, “Subrai, nwng bebak’-no saui mano. Ang nono hamjakmani nwng saui mano.” Jisu bono hai hwnwi sa kha, “Ani merarokno mwrwk di.

1 PITOR 1:8

Norok bono nuk ya phano hamjago. Norok tabuk bono nuk ya phano bono poito khlai-o. Aboni bagwino norok aswk belai khe tongthok lai-o, abo kók bai sa bai ya,

1 PITOR 2:7

Norok poito khlainairokni bagwi o holongthai wng kha belai samung nangnai; poito khlai yarokni bagwi khe: “Nok tangnairok samung nang ya hwnwi khibiui rwmani holongthai abo’-no wng phai kha nok busuni holongthai.”

1 JOHON 2:19

Bórok chini oroni ongkhorwi thángo, tamo khe bórok chini bisingni ya; tamni hwn ba bórok chini bisingni wngma te chwng bai’-no tong kha mun. Phiya bórok ongkhorwi thángma bagwi bórok chini bereni ya hwnwi abo srai-srai khlai-o.

PHUNUKJAKMANI 7:17

Tamni hwn khe achukthayung kwcharo tongnai a Mera Bwsa bo se bórokno mwrwgwi twimuk kwthang bwkhak tlangnai. Kaitor se bórokni mokolni joto muktwi hu-ui rwnai.”

RUTNI BIJAP 2:21

Hakhe Moabjwk Rut hai hwnwi sa kha, “Bo ano teibo sa kha, bini aroni ra bai ya sakno ang bórok bai tongwi thumwi mano.”