RWCHAPMUNG 1:5 - Kok Borok (Re-edited) Bible (BSI)

⁵ O Jerusalemni bwrwirok, ang Kedarni ríni nok hai, Solomonni noyungni rí swngjakrok hai; ang sak kosom tei naithok

RWCHAPMUNG 1:5 Iomraidhean Croise

LOBMUNG 120:5

Ham li ya, tamni hwn ba ang Mesek ha-o phatarsa se, ang Kedarni ríni nogo se ma tong si-o.

LOBMUNG 149:4

Tamoni hwn ba Subraiyung bororokno tẃiwi tongthok jago; bo koinenerokno kwplai bai naithok rwnai.

LOBMUNG 45:9

nini hik kotoirokni bisingo habugrarokni bwsajwkrok; nini yagra bwkhak Isiri Ophirni rangchak kanwi bachajak.

LOBMUNG 90:17

Chini Subraiyung Kaitorni khairokma chini saka-o tong thung tei chini yakni samungo hamari rw ja di au, chini yakni samungo hamari rw ja di!

RWCHAPMUNG 2:14

O ani tokthu, nwng halapni holong kekhokni besero huijagwi tongo; nini mwkhang ano phunuk di, tei nini khorang ano khna rw di. Tamni hwn ba nini mwkhang naithok tei khorangbo khnathok.

RWCHAPMUNG 2:7

O Jerusalemni bwrwirok, ang auarni mwswirokni mung bai koija-o; norok ani hamjakma borokno jora sók phai ya sini tungphla rwui ta sicha rw di!

RWCHAPMUNG 3:10

Bo aboni thongla khe rukphaini snamjak, tei uklok khe rangchakni, achukthai rí khe somkhrang gapni; bisingo khe Jerusalemni bwrwirokni hamjakma bai khe chithijak.

RWCHAPMUNG 3:5

O Jerusalemni bwrwirok, ang auarni mwswirokni mung bai koiwi sa-o, norok ani hamjakmani borokno jora sók phai ya sini tungphla rwui ta sicha rw di!

RWCHAPMUNG 4:3

Nini khukchwirok khutwng twngnwi kwchak hai, tei búkhúk bwswk se naithok. Rí thuklupjak bising tẃi khe nini khangarrokbo chayiying khe naithogo.

RWCHAPMUNG 5:16

Bini khúk belai kwtẃi, bini bebakno ang hamjago. O Jerusalemni bwrwirok bo le ani khájani borok ani hamjakma khásukti.

RWCHAPMUNG 5:8

O Jerusalemni bwrwirok ang norokno kwrak khe sa-o, tumung norok ani khájani borokno nuk khe bono sa di: Ang hamjagwi kobor cha kha.

RWCHAPMUNG 6:4

Ani hamjakma, nwng Tirja kamiyung hai naithok, tei Jerusalem haino naithok, tei banarok tẃijak sengkrak hai kirimasingcha.

RWCHAPMUNG 8:4

O Jerusalemni bwrwirok ang norokno koiwi sa-o, ani hamjakmano jora wng ya sini tungphla rwui ta socha di!

JISAIA 21:16

Aboni bagwi Subraiyung ano hai hwnwi sa kha, “Nokha bisani bisingo’-no Kedarni bebak chẃngsacha páiwi thángnai.

JISAIA 53:2

Tamni hwn khe bo bini bwskango buphang bwsa hai khe torsa-o tei ha kwrano bumuk perma hai khe yarwng sur rw kha. Bini sakduk se kwrwi, eba naithokmabo kwrwi, bini bwkhak mokol klainani mungsa bo kwrwi, tei naithok hwnwi naisikjakna bo kwrwi.

JISAIA 60:7

Kedarni bebak mera bodolrok nini thani thumwi tubujak bainai, Nebaiotni pun merarok nono mon lainai; bórok ani háyáno yachagwi phai lainai, tei ang ani chẃngsajak nokno chẃngsa rwnai.

JISAIA 61:10

Ang Subraiyungno tẃiwi belaino tongthoknai, ani phola ani Kaitorno tẃiwi lobsanai; tamni hwn khe bo ano mwthangmung bai kan rw kha, bo ano sói kubuini rí bai khe ani sakno ból kha, chamari kwtalno khumtrang kan rw tẃi khe kan rw kha, tei khorok sa hamjwk kwtal sakni gwina-ganthi kanwi sakno naithok rwma hai khe, kan rwui mwchang rw kha.

ESEKIEL 16:14

Nini naithokma dopharokni bisingo belai khe mung tor kha, tamni hwn ba nwng kubui’-no naithok. Nini naithokma wng kha kubui ang se nono aswk naithok khe snam kha; hwnwi Subraiyung Kaitor sa-o.

ESEKIEL 27:21

Arabia tei Kedarni tẃiphangrok nwng bai mera bwsarok, merarok tei punrokno nini manwirok bai bepar thwng lai-o.

MATHAI 10:25

Aboni bagwino srwngnaibo phrwngnai bai baksa wng kheno, selengbo nokphang bai baksa wng kheno khá kochom thai klai-o. Nokphang Belsebul hwnjak khe bini nokni bororokbo bwswk se hamya hwnjak no!”

MATHAI 22:11

“Bugra kái lai panda-o phainairokno naina tháng kha, hakhe kái lai pandani rí kanwi phai ya khoroksano nuk kha.

LUK SWIMANI KOTHOMA KAHAM 13:34

“O Jerusalem, Jerusalem! Diyarirokno nwng butharo, nini thani Kaitor bai rohorjaknairokno holong khitaro. Tokma bini bwkrang tola-o toksarokno koroui tonma hai ang bwswk se nini borokno yak kwbagwi tonna nai kha; nwng abo hai khlai rw li ya.

LUK SWIMANI KOTHOMA KAHAM 15:22

Tamo khe bupha selengrokno hai hwnwi dagi kha, ‘Do di, kan kaham chum kaham tubu-ui bono kan rw phai di chum rw phai di; yasi-o yasitem soraui rw phai di, yakungo yaklap ká rwui rw phai di.

RUMSONGNO POL SWIHORMANI 13:14

Hakhe Subrai Jisu Khristoni da-seng yago na di. Sakni muchung tẃi tongna bagwi tongmung hamya tongna ta uansuk di.

2 KORINTH 5:21

Khristo wng kha sumsok kwrwi, tamo khe bo bai thansa wngma tẃi chwng Kaitor hai kaham wngna tẃi khe Kaitor chini bagwi bono chwng bai baksa sumsok gwnang khlai kha.

GALATIA 4:26

Phiya ba chuknohani Jerusalem khe seleng khatijak ya, bo wng kha chini ama se.

EPIS 5:26

Mothano twi-o sú-ui kuphur khlai baiwi bini kók bai abono Kaitorni yago yapharwi rwna hwnwi se bo sakno rw-o.

1 JOHON 3:1

Apha chwngno bwswk hamjak kha naisik di! Bo chwngno aswk hamjakma bai chwng Kaitorni bwsarok hwnjak kha, chwngbo sói abo hai’-no. O swngchar Kaitorno sini yani bagwi’-no chwngnobo sini ya.