RWCHAPMUNG 1:4 - Kok Borok (Re-edited) Bible (BSI)

⁴ Ano nini aro tẃi di, phai di doui tháng lainai. Habugra ano bini thumani khotolo tubu kha; chwng nwng bai bagrum bárwi tong thok lainai; angur bwtwi slái phano nini hamjakmano chwng teibo bólainai; bórok nono hamjagwi sóino khlai-o.

RWCHAPMUNG 1:4 Iomraidhean Croise

LOBMUNG 111:4

Bo bini uanamasingcha samungrokni bagwi muitu khujaknai wng kha; Subraiyung khairokmung hamjakmung bai kupulung.

LOBMUNG 119:32

Ang nini dagimarokni lama-o khachigwi thángnai, tamni hwn ba nwng ani buchimungno báng rw kha.

LOBMUNG 119:60

Ang nini dagimungrokno narwkna bagwi do kha, ler li ya.

LOBMUNG 149:2

Israilrok bono snamnaisani thani tongthok di; Siyonni bwsarok bórokni bugrani thani tongthok di.

LOBMUNG 42:4

Ang omorokno muitu manẃi ani bwkha báiwi tongo: ang borok kwbángmarok bai thángmani, tei ang bórokno tẃiwi Kaitorni nogo thángmani, tongthok khorang bai hambai rwui rwchabwi borok kwbángma’-no terrok khlai lai-o.

LOBMUNG 48:9

Chwng nini noktharo nini pái phlai ya hamjakmano kaichomwi uansuk lai kha.

LOBMUNG 63:5

Ang a chámung kothogo bwkha kochomo, tei ang tongthogwi nono búkhúk bai lobnai.

RWCHAPMUNG 3:4

Ang bórokno kisa lái kheno ang bono malai kha. Ang bono romwi ani amani nogo tubu ya sak tei ang ogo chujakmani thongaro tlang ya sak kwrak khe rom kha tei yakar li ya.

RWCHAPMUNG 4:10

Nini hamjakma bwswk se kwtẃi, ani khásuk ani bwrwi! nini hamjakma angur bwtwini slái kaham, tei bebak langi-thok motomni slái se nwng motom kugo!

JISAIA 25:8

Kwplaisa Subraiyung thwimano monogwi páinai tei Subraiyung Kaitor bororokni mokolni muktwino hu-ui rwnai tei ha gwnangwini bebak bororokni lachimungrokno bo khibiui rwnai; hwnwi Subraiyung sa-o.

JISAIA 45:25

Subraiyungni bising tẃi’-no Israilni bebak bosong kwplai tei bini chẃngsacha wng bainai.”

JISAIA 61:3

Siyonno tongnairokni bagwi chongnani thapla rwna-o khum bwtang rwnani, kapsimang kapma-o tongthokni thok rwnani, bwkha hiligwi tongma-o lobmungni chummung rwnani; bo uk sói kubuini buphang hwnjakna nangnai, Subraiyung káimanirok hwnjagwi, tei bo chẃngsacha khlaijakna nangnai.

JISAIA 63:7

Ang Subraiyungni hamjakma kwrakno sauino tongnai, Subraiyung chwngno aswk rwmarokno tẃi, tei bini podrepot khairokma bai chubama tei Israil bosongrokno aswk hamari rw kha, bini hamjakmung kwrak bai khe khairok kha.

JIRIMIA 31:3

Hakchalo tongwi Subraiyung bórok bai nukjak kha, ang norokno mol brúmni bagwi hamjak kha; aboni bagwi ang norokno sói kubui khe kók rwmani tẃi’-no tongo.

HOSEA 11:4

Ang bórokno borokni khairokma buduk tei hamjakma khamung bai tẃi kha; Ang bórokni bangorani horbakno na kha tei chá rwna bagwi bom rw kha.

JAPHANIA 3:14

O Siyonni sajwk khorang kotor khlaiwi rw chap di, o Israil chirik di! nini khápang phiyogwi tongthok di, o Jerusalemni sajwk!

SAKARIA 9:9

Kaham khe tongthok di, o Siyonni sajwk! O Jerusalemni sajwk chirik di! Nai di norokni habugra norokni thani phai-o; bo kwplai tei phan gwnang khe phai-o. Bo koinene khe koraichirka saka-o koraichirka bwrwi bwsa saka-o achukjak.

MATHAI 25:10

Hakhe a khá si ya bwrwirok thok pai laina hwnwi tháng lai kha. Bórok tháng lai kheno káijaknaisa phaiwi sók phai kha aphuru a tiyar tongnai bwrwi khorokba káijaknaisa bai baksa kái lai panda-o habwi tháng lai kha, hakhe duglam soui rwjak kha.

LUK SWIMANI KOTHOMA KAHAM 2:10

Tamo khe suari bórokno hai hwnwi sa kha, “Ta kiri di; ang norokni bagwi kothoma kaham se tubu-ui phai-o; abo bebak bororokno khápang srang rwnai;

LUK SWIMANI KOTHOMA KAHAM 22:19

Aphuru bo ruti naui Kaitorno hambai rw kha, hakhe abono swkagwi hai hwnwi saui bórokno rw kha, “Omo ani bahan, [norokni bagwi omo rwjak kha. Ano muitu khe omo hai khlai di.”

JOHON 12:32

Ang o hani tisajak phuru ang bebak bororokno ani thani so hor anw.”

JOHON 6:44

Ano rohornai Apha yak so ya khe khoroksa phano ani thani phaiwi man ya; phiya páithakni salo ang bono mwthangwi tisa anw.

EPIS 2:6

Chwng Khristo Jisu bai thansa wngwi chuknoha-o bo bai baksa kuchugo achuk rwjakna hwnwi Kaitor chwngno Khristo Jisu bai baksa tisa kha.

EPIS 6:24

Chini Subrai Jisu Khristono hamjak phlaiwi tongnai bebak bororokno Kaitor khairok thung.

PHILIPI 3:3

Chwng se kubuini sakur rajakrok, a bororok ya, tamni hwn khe chwng Kaitorno bini Phola bai suri-o, phiya Khristo Jisu bai tongwi tongthok lai-o. Saka sakani samungno chwng poito khlai ya.

PHILIPI 4:4

Subraino tẃiwi norok tongthok máng tong di. Ang o kók haino hai sa-o, tongthok di.

HIBRU 12:1

Chini kók hwn khe chini yaksi yagra-o borok kwbángmarok’-no poitoni sakki tongo. Hakhe phai di, chwng joto pojano tei belai khe kwswngwi tongnai sumsokno khibiui klang anw, hakhe phai di, chini bwskango khachikna tongma jora tẃi khachik lai anw.

1 PITOR 1:8

Norok bono nuk ya phano hamjago. Norok tabuk bono nuk ya phano bono poito khlai-o. Aboni bagwino norok aswk belai khe tongthok lai-o, abo kók bai sa bai ya,