RWCHAPMUNG 1:3 - Kok Borok (Re-edited) Bible (BSI)

³ nwng phulmani thok motomrok jip-jip motomsajak, nini mungbo lukhlaijak thok motomrok hai’-no motom; aboni bagwino bwrwirok siklarok nono hamjago.

RWCHAPMUNG 1:3 Iomraidhean Croise

LOBMUNG 133:2

Abo khorogo thok kaham lukhlaiwi rwma hai, abo khochai tẃi choroi khlai-o, Aronni khochai tẃi abo yor khlaiwi abo bini kamchwlwi bokotok twi choroi kha.

LOBMUNG 45:14

metreng-matrang rí naithok chumjak khe bo habugrani aro tlangjaknai; bini utung utung khe bini áyajwkrok rwkthar laijak.

LAM RWMA 33:12

Musi Subraiyungno hai hwnwi sa kha, “Nai di nwng ahai hwnwi le sa-o ‘Nwng o bororokno a ha-o tlang di;’ tamo khe sabono ani logi rohornai abo tabukbo ano sajak ya kho. Phiya nwng ahai hwnwibo sa-o, ‘Ang nono kaham khe sini-o tei ang nono kaham hwnwibo yachak kha.’

LAM RWMA 33:19

Hakhe bo hai hwnwi sa kha, “Ang nono ani bebak kahamrokno phunugui tlangnai tei ani mungno Subraiyung hwnwi sakhlainai; ang khairokmano ang khairoknai, ang khásukna hwnmano khe ang khásuknai.”

PHRWNGMUNG 27:9

Thok motom tei satrai motom bwkhano srang rw-o tei kiching bwkha rwui kókbiti rwmabo abo hai’-no kwtẃi.

PHRWNGNAINI 7:1

Mung kaham le thok motomni slái se hamo tei achaima salni slái thwimani sal se hamo.

RWCHAPMUNG 3:6

Mur tei thok motom báhai khe, phalnairokni bebak langi thok motom báhai bai khe, sabo hokuno kosol khe hasing panthorni phaiwi tong?

RWCHAPMUNG 4:10

Nini hamjakma bwswk se kwtẃi, ani khásuk ani bwrwi! nini hamjakma angur bwtwini slái kaham, tei bebak langi-thok motomni slái se nwng motom kugo!

RWCHAPMUNG 5:13

Bini khangarrok, motom mosolani thuyam hai motom báhai ongkhorjak. Bini khukchwi mur bwtwi nangjak lili khumbar hai.

RWCHAPMUNG 5:5

Ang ani khájani borokno duglam phiyokna bacha kha, ani yak mur motomo chomsajak, ani yasi mur bwtwi nangjak dugar berepma-o nang kha.

RWCHAPMUNG 6:8

Khorok dokchi isiri tei khorok charchi hik kotoirok tei bwrwi siklarokbo kwbángma tongo.

JISAIA 61:3

Siyonno tongnairokni bagwi chongnani thapla rwna-o khum bwtang rwnani, kapsimang kapma-o tongthokni thok rwnani, bwkha hiligwi tongma-o lobmungni chummung rwnani; bo uk sói kubuini buphang hwnjakna nangnai, Subraiyung káimanirok hwnjagwi, tei bo chẃngsacha khlaijakna nangnai.

MATHAI 25:1

“A salo Kaitorni ha omo hai se wngnai. Bwrwi sikla-kwthar khorokchirok tongmani. Bórok chati tẃi lai káijaknaisano lamjakna tháng lai kha.

JOHON 12:3

Aphuru Mariam nard kahamni snamjak belai morok thok motom sisisa Jisuni yakungo luproui bini bwkhnai bai hu-ui rw kha, hakhe thok motom báhai nok pung súk kha.

2 KORINTH 11:2

Kaitor hai khe’-no ang norokni bagwi khá súgo. Norok wng kha bwrwi sikla kwthar hai, borok khoroksa bai bono káina hwnwi ang kók sẃngmani, a borok wng kha Khristo.

PHILIPI 4:18

Hakhe norok ano rwmani iko abo jotono tongo kwbángmani slái se omo belai wng kha! Norokni bebak rwmungno Epaphrodit ani thani tubu kha ba tabuk ani nangmani ang bebak’-no man kha. Norok ano rwmani abo Kaitorni thani motom kwtẃi barokma hai, bini thani ratharma hai, abo bo bai yabo yachakjaknai, habo hamjaknai.

PHUNUKJAKMANI 14:4

Bórok wng kha bwrwirok bai gwdal yaui kwthar khe tongjak bororok; bórok chwrai kwthar. Mera bwsa tháng thani’-no bórokbo thángo, swngcharni bororokni bere bórok paiwi phiyókjak kha, hakhe Kaitor bai Mera bwsani bagwi bórok tháiskangni bwthái hai.