RWCHAPMUNG 1:16 - Kok Borok (Re-edited) Bible (BSI)

¹⁶ O ani hamjakma nwng bwswk se naithok, belaino naithok. Jabra kwkhrang se chini thuyam;

RWCHAPMUNG 1:16 Iomraidhean Croise

LOBMUNG 110:3

Nwng sengkrakrokno tẃither phuru nini bororok sak baithang’-no hathái kwtharrogo nono yaphar anw. Phung aidrobo pantwi oksingni phai tẃi khe nini siklarok nini thani phai anw.

LOBMUNG 45:2

Nwng bororokni bisingo naithok kuk; nini khukni khairokma yoro; aboni bagwi Kaitor nono mol brúmni bagwi hamari rw kha.

RWCHAPMUNG 1:15

O ani hamjakma, nwng bwswk se naithok; au, nwng naithok; nini mokol kolnwirokbo tokthu hai.

RWCHAPMUNG 2:3

Bolongni buphangrokni bere apel phang hai, ani hamjakma bo chwlarokni bisingo abo hai. Bwkha tong thogwi bini saklomo achugo, tei bini bwtháino ang thokjago.

RWCHAPMUNG 2:9

Ani hamjakma khe mwswi hai eba mosok bwsa hai. Nai di bo deual sederwi bacha phai-o, tei tailamrok tẃi naharo phiya rí keseng tẃi naisono.

RWCHAPMUNG 3:7

Uko naisik di, Solomonni uáying! Aboni yang ayang khorok dokchi Israilrokni phankrak kukni phankrak kukrok,

RWCHAPMUNG 5:2

Ang thu phano, ani bwkha sichajak. khna di! Ani kháni borok dugar bú phai-o. “Dugar phiyok di, o ani khásuk, ani hamjakma, ani tokthu katswi kaham kuk; tamni hwn ba ani bokhorok pantwi bai si kha, horni siyari bai ani bwkhnai si kha.”

RWCHAPMUNG 5:5

Ang ani khájani borokno duglam phiyokna bacha kha, ani yak mur motomo chomsajak, ani yasi mur bwtwi nangjak dugar berepma-o nang kha.

RWCHAPMUNG 7:6

O ani hamjakma, ano tongthok rwnaijwk nwng bwswk se naithok, bwswk se kaham kuk!

SAKARIA 9:17

bini kaham tei naithokma bwswk se naithok! Chwla siklarok chámung snamnai, tei bwrwi siklarok arak kwtal hai naithok wngnai.