RWCHAPMUNG 1:10 - Kok Borok (Re-edited) Bible (BSI)

¹⁰ Nini khunjuni lolairok nini babainwi khangar mwchangjak, tei kotok madlwirok bai mwchangwi tong kha.

RWCHAPMUNG 1:10 Iomraidhean Croise

YAPHANG 24:22

A mangingangrok twi nung khe’-no a borok sekel khaksa rangchakni longphu rw kha, sekel kaichi yaktwk kongnwini bagwi rangchakni mathiya rwui

YAPHANG 24:47

Ang bono sẃng kha, ‘Nwng saboni bwsajwk?’ Bo sa kha, ‘Ani apha wng kha Nahor bai Milkani bwsla Bethuel.’ Hakhe ang bini bukungo longphu kan rwui rw kha tei yaktwgo mathiya soraui rw kha.

YAPHANG 24:53

Hakhe a seleng rírok tei rangchak rukphaini uakhum-toyarok kanmungrok tikhlaiwi Rebekano rw kha. Bo bini takhuk bai bini bumanobo kanmung kaham rw kha.

YAPHANG 41:42

Pharao bini yasini bugrani mari bujak yasitemno sokok kha tei abono Josepni yasi-o kan rwui rw kha, bono lilonni rí kaham chum rwui rw kha tei kotogo khe rangchakni bwtang soraui rw kha;

PHRWNGMUNG 1:9

tamni hwn ba abórok, nini khorokno mwchang rwnai khumtrang tei nini kotokni rang bwtang hai wngnai.

RWCHAPMUNG 1:11

Chwng nini bagwi rukphaini bubak gwnang rangchakni toya, uakhum tagwi rwnai.

RWCHAPMUNG 4:9

Nwng ani kháno khok kha, ani hanok, ani bwrwi, nini mokol bai naisigwi tei nini kotokni anchwlwi bai ani bwkhano khok kha.

RWCHAPMUNG 5:13

Bini khangarrok, motom mosolani thuyam hai motom báhai ongkhorjak. Bini khukchwi mur bwtwi nangjak lili khumbar hai.

JISAIA 61:10

Ang Subraiyungno tẃiwi belaino tongthoknai, ani phola ani Kaitorno tẃiwi lobsanai; tamni hwn khe bo ano mwthangmung bai kan rw kha, bo ano sói kubuini rí bai khe ani sakno ból kha, chamari kwtalno khumtrang kan rw tẃi khe kan rw kha, tei khorok sa hamjwk kwtal sakni gwina-ganthi kanwi sakno naithok rwma hai khe, kan rwui mwchang rw kha.

LEKHAMUNG 31:50

Chwng borok mathe-o manmano Subraiyungni thani yapharnani tubu lai kha, omorok wng kha rangchakni manwirok, rang bwtang, yasitem, uakhum, mala bwtang. O yapharmungrokno Subraiyung chwngno kati rwui ton thung hwnwi yaphar lai-o.”

1 PITOR 3:4

Hai wng yaui bwkha bisingo se naithok di, abo tẃi hamya wng phlai ya naithokmung wng kha bwkha kwchang kwchang bai koinene se, Kaitor abono’-no samung nangjak kugo.