PHRWNGNAINI 9:9 - Kok Borok (Re-edited) Bible (BSI)

⁹ O ha saka-o Kaitor nono thwiblang ayuk rwmano nini hamjakmani hik bai khe tongwi tong di, tamni hwn ba o ha saka-o nini langma-o kolomtwi khiklaiwi samung tangmani le omono manthai.

PHRWNGNAINI 9:9 Iomraidhean Croise

YAPHANG 26:8

Bo aro sal kolokma romwi tong phuru salsa Philistiani habugra Abimelek tailam tẃi naharwi Isak bihik Rebekani bwsak mihimwi tongma nuk kha.

LOBMUNG 144:4

Bórok ba rangma simi se; bini umor kutulwi thángnai sampili hai.

LOBMUNG 39:5

“Nwng ani salrokno muk sa bara rw kha, ani thangsungni umor le nini thani mungsa buya. Bororok kwthang tongma le rangma na saui tongma simi se. Sela

PHRWNGMUNG 18:22

Hik mannaisa bo manwi kahamno mano; tei bo Subraiyung bai naikhlaijago.

PHRWNGMUNG 19:14

Rang-mai tei nok-hukrok khe buphani aroni se mano, phiya khá sinai hik le Subraiyungni aroni se mano.

PHRWNGNAINI 2:10

Ani mokol bai naiwi muchung tẃi’-no ang khlai kha; ani bwkha tongthok tẃi’-no ang tong rw kha; ang kolomtwi khiklai tangma-o ani bwkha tongthogo, omono ani tangmani manthai.

PHRWNGNAINI 2:24

Borokni bagwi le bini ajimani bai cháui-nungwi tongthoknano karwi tei ham kukmung kwrwi. Hai phano, ang saui man kha, omobo Kaitorni aroni se phai-o;

PHRWNGNAINI 3:13

tei chwng jotono kolomtwi khiklaiwi samung tangwi cháthai-nungthai, omono Kaitorni hili.

PHRWNGNAINI 3:22

Aboni bagwino samung bai tongthoknano karwi le tei kaham kuk hwnwi kwrwi, sabo bono mwthang phirwi aboni ulo tamo wngnai phunugui mannai?

PHRWNGNAINI 5:18

Kaitor borokno rwmani o srapsa thangsungo bo samung bai ajiui manmani bai cháui nungwi tongthokma se bini bagwi ham kukgo, tamni hwn ba abo se bini le manthaiba; ang o kókno romwi man kha.

PHRWNGNAINI 6:12

Borok bini thangsungo a chúk ya salrokno sampili hai khe lái rw phuru bini bagwi bubo kaham bubo khe hamya sabo saui mannai? Bo thángwi páima yagulo o ha saka-o tamo wngnai abono bono sabo saui mannai?

PHRWNGNAINI 7:15

Ang ani o mungsa chúk ya thangsungo bebak nuk kha; khoroksa borok kaham bini kahamno tẃiwi thwi-o, phiya tei khoroksa samung hamya tangnai borok hamya khe umor kolok khe thangwi tongo.

MALAKI 2:15

Chwngno ba Kaitor khoroksa susuk rangma rwui kwthang khe snam ya diba? Bo tamono muchungjak? Abo khe Kaitorno bórom khlaiwi tongnai chwrai-khonai. Aboni bagwi sak sakno naiwi nai di tei nini sikla jorani hikno bandiui poito ta swbai di.